Matio 5:9 - Kazambale lé Sebe Sauunu 1979

⁹ Mi woronawe blezannu a bɛan ’bɛ gi bɛ, ’bɛ a é zima wozé nya, naa, Kazambale é dan wo laa lɛ ’é benu.

Matio 5:9 ပူးပေါင်းရင်းမြစ်များ

Minwiinzannu lé Wezuofe Sɛbɛ 12:17

David bɔra wo va yé é lé wo lɛ léma: Dé ka da an va ka bli zima nya léé, ka bɔ an va, kaa bli é dan kɛlɛ lɛ do; naa, dé ka da dabli kɛlɛle an lɛ we ma, bɔle an nyanézannu va we gi, dɔlé ’té an ’ka glawe do kpen kɛlɛ lɛ lo, kaa tinu lé Bale ’é ana ye ma, yé ’é we gi bɔi tegele ma.

Lɛrɛvɔ Sɛbɛ 120:6

An boen mɔn é nyanale Munu lé vole drɔɔ za ke wo gi, wo sɔnɔ. ’Bɛ a é yi.

Lɛrɛvɔ Sɛbɛ 34:12

An benu, ’ka da an va, ’ka tɔné dɔ an lɛ. An dan kanale Gakelebale lee paa lɛ ka gi.

Matio 5:45

É a lé ka kɛlɛ yee ɛ zo, ka Ti lé é ke la gi, ka kɛlɛle a benu nya we gi, naa, é élé yiri bié wenyanékɛlɛmunu valé wezinkɛlɛmunu ta, yé éé lɛɛ dan mi plenu valé mi tegelenu ta.

Matio 5:48

Ka Lagi Ti a fɛan zo, yé gun ’ka a ma lo, a zo lé té gun é vo ka ma lo ma.

WENÉNÉ LÉ LUK A GYE (Évangile selon Luc) 20:36

Naa, wa bélé lanjenu zo, wa nwaga?-?munuvazannu nya amalé wa Kazambale benu nya, yé wo ’ka bɔa gale lɛ é dɛrɛ lo.

WENÉNÉ LÉ LUK A GYE (Évangile selon Luc) 6:35

Naa, ka nyanézannu ’é sɔ ka lɛ ma, yé ’ka wezin kɛlɛ ma; ’ka drɔn pa mi ma, yé té ka bli é vo a lɛgi yele lɛ lo ma. Ka gooli é dan kɛlɛ lɛ blɛn, yé ka dan kɛlɛ lɛ Loruzan benu nya; naa, éé wezin kɛla bɔvɔalozannu valé wenyanékɛlɛzannu lɛ.

Kelewenu 7:26

Dé ’bɛ é tu kini é bɔ Izraɛl mi kenu ma, ’té wo saa éé guli daan, yé é a a va léé, ’é wo kuun yé é wo pa ékema yé é léé: ’Kaa munu, ka saa lé. Mɛwemalé ka a nyané pana ka ke taa? Ka a bwe valé bwe nya.

Rom munu 12:18

Dé ka bɔalɛ, ’ka vo mi faa va drɔɔ; té ka ɛ da wesiawe nya lo.

Rom munu 8:14

naa, munu faa lé Kazambale Léli éé goo wo nya, wo ɛ ke Kazambale benu nya.

Rom munu 8:16

Kazambale Léli bozen valé kaa léli dére a do léé, kaa a Kazambale lé nénu nya.

Rom munu 8:19

Kazambale kɛlɛfɛnu faa é ziin, wa Kazambale benu nagɔɔnle lɛbɛnna bli pɛpɛ nya.

1 Korent munu 6:6

É kɛlɛ kaa yé bwe do éé bwe do tɔ fé, munu lé wo bli ka é pale lo, wo vaa?

2 Korɛnt Munu 13:11

An bwenu, we voéla lé é ke ’ko: ka gi ’é nana ma; ’ka gun faa si ka ma ma; ’ka ka ke tɔrɔ paa; ka gibɔrɔle ’é kɛlɛ do ma; ’ka vo drɔɔ ma yé sɔlɛle valé mi vo drɔɔ Bale é dan kɛlɛ lɛ ka va.

2 Korɛnt Munu 5:20

Bɛwemalé ko a Krist bɛgizannu nya, bélé fɛan zo lé Kazambale éé we plaan mi lɛ ko lɔlu nya, a zo; ’té ko zanté vɔa ka lɛ Krist tɔ gi léé, ’ka nana Kazambale va ma.

Galasi munu 5:22

Naa, wenu lé woo sié Kazambale Léli va, wo lé ke ’ko: sɔlɛle koo, ginanale koo, vole drɔɔ koo, bli tiéé koo, wezin kɛlɛle koo, bli zin koo, yarapale we la koo,

Éfez munu 4:1

Bɛwemalé, maa, Mizan lé bokɔngizan, maa we plaan ka lɛ léé, we lé wo ka laa a ma, ’ka tawo a yɛrama;

Filip munu 4:2

An we pla Évodi valé Sɛntik lɛ léé, wolé zanté, ’wo vo ékeva do Mizan gi ma.

Kolɔs munu 3:13

’Ka ’wuo dɔ ka ke wuo ma, yé dé wesiawe a mi valé é bɔluzan worona, ’wo wo ke ma we vo ma. Fɛan zo lé Krist ka ma we vo, ’ka ka ke ma we vo a zo é ziin.

Ébrunu 12:14

’Ka kwa kuli yé ka vo mi faa va drɔɔ, yé ’ka kɛlɛ sauun. Dé mi ’ka kɛlɛ lɛ sauun lo, é ’ka dan Mizambale ye lɛ lo.