Matio 5:8 - Kazambale lé Sebe Sauunu 1979

⁸ Munu lé wo bɔn‐in ke fu, wa bɛan ’bɛ gi bɛ, ’bɛ a é zima wozé nya, naa, wo dan Kazambale ye lɛ.

Matio 5:8 ပူးပေါင်းရင်းမြစ်များ

Wepélisiananu 32:30

Jakɔb fɛkona tɔ pa Péniɛl, naa, é léé: Maa Kazambale yara ye, yé an béli.

2 Samuɛl 22:27

Ibo nagɔɔn‐an mi gibɔle nya mi gibɔle lɛ, Yé i we kɛla mi vɔnle lɛ alé wevɔnle yɛrama.

Lɛrɛvɔ Sɛbɛ 15:2

Mian gun ’ka alé tawobɛ ma lo, ’té éé we tegele kɛla, ’Té webozen ke a bli gi, ’té éé a fé, yee lé.

Lɛrɛvɔ Sɛbɛ 18:26

Ibo gɔɔn‐an mi zin nya mi zin lɛ, I we drɔle kɛla mi drɔle lɛ.

Lɛrɛvɔ Sɛbɛ 24:4

Mian a bɛ ma ke é bɔle yé a bli gi ke é fu, Mian é ’ka daan ébo ma léé, é viéwo lo, Yé é ’ka bale nyɔɔn‐an dabli nya lo, yee lé.

Lɛrɛvɔ Sɛbɛ 51:10

’I ginanale valé fɛti kɛlɛle vun we, maa ’ma, Yé an wɔlɛnu lé i wo yéli bɛ, ’wo dɔ é ke ’léé yé an gi ’é nana ma;

Lɛrɛvɔ Sɛbɛ 51:6

Maa wenyané kɛlɛ bii do ɛ ma; Yé we lé é ke é naané i yuɛ gi, maa a kɛlɛ, Amalé i we ’wuo dɔa tegele, Gun ’ka ilé weblele ma lo.

Lɛrɛvɔ Sɛbɛ 73:1

Azafa lé lɛrɛ lé. Iin, Bale éé wezin kɛla Izraɛl lɛ, Munu lé wo bli gi ke é bɔle, wo lɛ.

Wegɔnévɔlenu 22:11

Mi lé bli gi bɔle éé sɔa a lɛ, ’té éé dére zin fé, minwiinzan blɛn a a béé nya.

Kelewenu 15:9

É ’ka kaalé we kɛlɛ lɛ é yɛrama yé é ’bɛnu zé kɛlɛ é yɛrama lo. É wo bli kɛlɛ sauun bli pale ma.

1 Korent munu 13:12

Kyɔ, kaa wenu yé é vɔɔle bélé fɛan zo lé wa vlinvlin gi, a zo, naa, dé a bléyi bɔ, kaa dan wo ye lɛ wéiin kaa ke yara. Kyɔ, maa we kenu dɔɔ, naa, ’bɛ bléyi va maa dan we dɔɔ lɛ bélé fɛan zo lé wo an dɔɔ, a zo.

2 Korɛnt Munu 7:1

An sɔlɛzannu, blivolɛdére ’ko zonu a kaa lee, amalé kaa dɔbɛ kyɛn ma tiridɔfɛnu valé léli ma tiridɔfɛnu faa si kaa ma ma, kaa kɛlɛle sauun lɛsɔɔle we ma, kanale Kazambale lee nya.

Tite 1:15

Munu lé wo ke sauun, we faa a wo yuɛ gi sauun. Naa, munu lé wo tiri ke é dɔle, yé wo bli ’ka é pale lo, we do kpen ’ka ’bɛnu yuɛ gi we sauun nya lo. Wo gi bɔrɔle valé wolé wevasibli a é naané.

Ébrunu 10:22

Bɛwemalé kaa bié bli do valé blipale bozen nya ma, ’té kaa bli gi a fu, ’té gi kɔun ’ka kaa ma lo, ’té kaa kɔlɛ a é zurule ’yi zima nya.

Ébrunu 12:14

’Ka kwa kuli yé ka vo mi faa va drɔɔ, yé ’ka kɛlɛ sauun. Dé mi ’ka kɛlɛ lɛ sauun lo, é ’ka dan Mizambale ye lɛ lo.

Ébrunu 9:14

’té Krist nyɛ nii? ’Bɛzé ’ka minié loo? Léli lé é ’ka gaan lo, ’bɛ nya lé ébo nɔ Kazambale lɛ saraka lé gun ’ka a ma lo, a nya. Kaa kɛlɛwenu lé wo tɔnɔ ’ka lo, a nyɛ ’ka dan wo si lɛ kaalé wevasibli gi yé kaa kɛlɛ Bale yuɛmale bɔzannu nya loo?

SEBE LÉ JAK A GYE (Épitre de Jacques) 3:17

Wedɔɔle lé éé sié la gi, é a é vinin sauun, ’bɛ zuo é a drɔɔ, é ébo kunwoo, éé mi bli dɔralaan, a nyanai éé zén‐é é baba, a ma tɔnɔ a di, é ’ka glɛ dɔa mi gi lo, é ’ka ébo drɔan lo.

SEBE LÉ JAK A GYE (Épitre de Jacques) 4:8

’Ka bié Kazambale sɔnɔ yé é dan bié lɛ ka sɔnɔ. ’Kaa wenyanékɛlɛmunu, ’ka bɛ ma foli. Ka lé ka vɔa we faa ’lɛ, ’ka ka bli kɛlɛ tegele.

1 Piɛri 1:22

Webozen lɛdɔmale nya lé ka boen kɛlɛ wéiin, ka sɔle ka ke lɛ tegele bélé bwenu zo we gi, amale sin, ’ka sɔ ka ke lɛ é baba, ka bli faa nya ma.

Wegɔɔnle 22:4

yé wo dan a yara ye lɛ, yé a tɔ é dan kɛlɛ lɛ wo yarapɛla.