Matio 5:6 - Kazambale lé Sebe Sauunu 1979

⁶ Munu lé, we tegele lɔrɔ ke wo ma bélé ’yiminilɔrɔ zo, wa bɛan ’bɛ gi bɛ, ’bɛ a é zima wozé nya, naa, Bale é dan lɔrɔ si lɛ wo ma.

Matio 5:6 ပူးပေါင်းရင်းမြစ်များ

Lɛrɛvɔ Sɛbɛ 107:9

Naa, mi boen lé ’yiminilɔrɔ ke a gyɛna, é a si a ma, Yé mi boen lé, lɔrɔ ke a gyɛna, é a kan fɛ zima nya.

Lɛrɛvɔ Sɛbɛ 145:19

Munu lé woo kanaan a lee, éé wolé blibɔmawenu lɛ sɔɔan, Éé wo siaale maan yé éé wo sié we gi.

Lɛrɛvɔ Sɛbɛ 17:15

Naa, dé é a maa nya, we ’ka an nwiin lo, yé an dan i yara ye lɛ, Dé an vuo tɔɔn, dé maa i ye, ’bɛ anzé bɔ.

Lɛrɛvɔ Sɛbɛ 63:5

Amalé maa dan i drɔɔ vo lɛ anlé tɛrɛla faa gi, Maa dan an bɛnu nwa lɛ i tɔ nya.

Lɛrɛvɔ Sɛbɛ 65:4

Dé weplenu ko kele, ’I ko ma we vo;

Lɛrɛvɔ Sɛbɛ 84:2

Lai sunyanu lé Gakelebale, I nyanananu a é zima ’lɛ.

Wegɔnévɔlenu 10:24

Wean mi nyané a kana paan, yee ɛ bɔa a ma; yé mi tegelenu bli bɔ fɛan ma, yee lé wa no wo lɛ.

Wegɔnévɔlenu 21:21

Mi lé éé goo we tegele valé we zin zuo, bélile koo, we tegele koo, tɔbɔle koo, wa azé nya.

Wegɔné Ma Lɛrɛ 5:1

An buru, an bwɛ, an wɔra anlé féi, An mirélia valé bla ginzannu so, Maa anlé zɔrɔnyɔnɔ valé a yoduo ble, Maa anlé dɔrɔ valé nɔnɔ mini. — An béénu, ’ka ble, ’ka mini, sɔlɛle ’é ka gyɛ bélé nwɛ zo.

Ézai 25:6

Lai sunyanu lé Gakelebale a fɛti ma’lɛrɛna munu faa lɛ, gɔ ’ko nwiin; nɛnɛ mlanvɔfɛnu koo, dɔrɔ kwa koo, wi zunnu koo, dɔrɔ kwa sésé koo, wo faa lé é a ma’lɛrɛna a fɛti kɛlɛfɛ nya.

Ézai 41:17

Wenaanébɔmazannu valé nyanégyɛzannu, wa ’yi ginina, yé é ’ka lo; ’Yiminilɔrɔ ma lé wo lai ga. Maa Gakelebale, an dan we lɛ wolé we ma, Maa, Izraɛl lé Bale, an ’ka dan wo vo lɛ lo.

Ézai 44:3

Naa, an dan ’yi zén lɛ tɛrɛ wiéwié ta, Maa dan ’yi yoro lɛ tɛrɛ gale ta; Maa dan an léli zén lɛ i bɛn ta, Maa dan i kulu drɔɔ vo lɛ.

Ézai 65:13

Bɛwemalé Mizan Gakelebale léma: Ka ye, an wuozannu é dan fɛ ble lɛ yé lɔrɔ é dan ka gyɛ lɛ; ka ye, an wuozannu é dan ’yi mini lɛ, yé ’yiminilɔrɔ é dan ka gyɛ lɛ; ka ye, an wuozannu gi é dan nana lɛ yé ka gi é dan blin lɛ ka ma;

Ézai 66:11

A tɔrɔpaale ’É kɛlɛ kalé fɛblele valé ka kanfɛ nya, Yé alé fuasan tɔ blɛn ’É ka ’léli sele ka ’léé a néné zi.

Jérémi 31:25

Naa, munu lé ’yiminilɔrɔ wo vo tɔɔtɔɔ, maa dan ’yiminilɔrɔ si lɛ wo ma, yé munu lé lɔrɔ blɛn wo fuu si wo ta, maa dan wo kan lɛ.

WENÉNÉ LÉ LUK A GYE (Évangile selon Luc) 1:53

É lɔrɔgyɛmunu kan Yé é fuazannu pa zia lɔrɔ nya.

WENÉNÉ LÉ LUK A GYE (Évangile selon Luc) 6:21

’Kaa lé, lɔrɔ ke ka gyɛna, ka a bɛan ’bɛ gi bɛ, ’bɛ a é zima kazé nya, naa, Bale é dan lɔrɔ si lɛ ka ma. ’Kaa lé ka ke wuvɔna, ’ka a bɛan ’bɛ gi bɛ, ’bɛ a é zima kazé nya, naa, ka dan yéri si lɛ.

WENÉNÉ LÉ LUK A GYE (Évangile selon Luc) 6:25

’Kaa lé ka ke é kanle, ka gale nyɔ, naa, lɔrɔ é dan ka gyɛ lɛ. ’Kaa lé ka ke yéri sina, ka gale nyɔ, naa, gyɛ é dan bɔ lɛ ka ta yé ka dan wuvɔ lɛ.

WENÉNÉ LE JAN A GYE (Évangile selon Jean) 4:14

Naa, ’yi lé maa dan a nɔ lɛ munu lɛ, dé mian é ’bɛ ’yi mini, ’yiminilɔrɔ ’ka dan ’bɛzan gyɛ lɛ é dɛrɛ lo. Yé ’yi lé maa dan a nɔ lɛ ’bɛzan lɛ, é dan kinin lɛ ’yi’wuo nya a bɔn gi, yé é dan vo lɛ duunna fɔɔ yé é kɛlɛ munubélifɛ nya, yé wo vo é yuɛma ’té ’bɛ glɛ ’ka dɔa lo.

WENÉNÉ LE JAN A GYE (Évangile selon Jean) 6:27

Té ka nyanama pa fɛblele lé é dan gié lɛ bɛ, ’bɛ lé we ma lo. ’Ka a pa yee lé é vo vole é yuɛma lé a glɛ ’ka lo, azé nya, alé we ma; yee lé maa blami Be é dan a nɔ lɛ ka lɛ. Naa, Tibale ézé tɔmase pa maa ɛ ma.

WENÉNÉ LE JAN A GYE (Évangile selon Jean) 7:37

Fɛti yi nyaana nya, yee lé é ke fɛti yi blɛn nya, Jézu dɔ loru, yé é siaa léé: Mian ’yiminilɔrɔ ke a gyɛna, ’é da an va ma, yé ’é ’yi mini ma.

Wegɔɔnle 7:16

lɔrɔ ’ka dan wo gyɛ lɛ é dɛrɛ lo, ’yiminilɔrɔ ’ka dan wo gyɛ lɛ é dɛrɛ lo, yiri valé kyɛsan do kpen ’ka dan wo gyɛ lɛ é dɛrɛ lo.