Matio 5:48 - Kazambale lé Sebe Sauunu 1979

⁴⁸ Ka Lagi Ti a fɛan zo, yé gun ’ka a ma lo, a zo lé té gun é vo ka ma lo ma.

Matio 5:48 ပူးပေါင်းရင်းမြစ်များ

Wepélisiananu 17:1

Abram lɛɛ kɛlɛ yɔ ziɛn wɔlɛ vu ta sɔraziɛn aan wo, Gakelebale bɔra Abram va yé é lé a lɛ léé: Maa a Plɛplɛfaazan Bale nya. ’I tawo an yuɛ va yé ’i kɛlɛ mi tegele nya.

2 Samuɛl 22:31

Gun ’ka Bale lé zinu ma lo, Gakelebale éé dére tawe kɛla; Munu faa lé wo ’wobo bɛ pa Bale lee, é a wo takuunfɛ nya.

Lɛrɛvɔ Sɛbɛ 37:37

Mi lé alé we ke tegele, bé gini do; yé mi lé alé we ke é drɔle, bé ye do; Naa, mi drɔɔ kulu é dan kɛlɛ lɛ.

Lévinu 11:44

Naa, maa a Gakelebale, kalé Bale nya; maa a sauun, amalé ’ka kabo pa é yɛrama, yé ’ka kɛlɛ sauun; té ka kabo gi sɛrɛ wi kénénénu faa lé woo giéan tɛrɛ va bɛ, wo nya lo.

Lévinu 19:2

Bé fe Izraɛl lé nénu faa lɛ léma: Maa Gakelebale, kalé Bale, maa a sauun, amalé ’ka kɛlɛ sauun.

Lévinu 20:26

Maa, Gakelebale a sauun, amalé ’ka kɛlɛ sauun an lɛ; maa ka valé bɛnnu kini ékema léé, ’ka kɛlɛ anzé nya.

Matio 5:16

Kalé san ’é munu va kini yee ɛ zo ma, wolé ka kɛlɛwe zinnu yele we ma yé ka Ti lé é ke la gi yé wa tɔ zin bɔ.

Matio 5:45

É a lé ka kɛlɛ yee ɛ zo, ka Ti lé é ke la gi, ka kɛlɛle a benu nya we gi, naa, é élé yiri bié wenyanékɛlɛmunu valé wezinkɛlɛmunu ta, yé éé lɛɛ dan mi plenu valé mi tegelenu ta.

Matio 5:47

Yé dé ka we ka bwenu saa ɛ va, ’té ka wezin kyɛn ɛ kɛlɛɛ? Yolémunu é ziin, yee duoan wa kɛla loo?

WENÉNÉ LÉ LUK A GYE (Évangile selon Luc) 6:36

Amalé ’ka kɛlɛ nyanaizénzannu nya, fɛan zo lé ka Ti ke nyanaizénzan nya, a zo.

WENÉNÉ LÉ LUK A GYE (Évangile selon Luc) 6:40

Wedraanzan ’ka minié wepaaé?-?gizan lɛ lo; naa, mi faa lé wo bɔ we ma, woo kɛla bélé wozan zo.

2 Korɛnt Munu 13:11

An bwenu, we voéla lé é ke ’ko: ka gi ’é nana ma; ’ka gun faa si ka ma ma; ’ka ka ke tɔrɔ paa; ka gibɔrɔle ’é kɛlɛ do ma; ’ka vo drɔɔ ma yé sɔlɛle valé mi vo drɔɔ Bale é dan kɛlɛ lɛ ka va.

2 Korɛnt Munu 13:9

Dé ko a tɔɔtɔɔ, ’bɛ éé ko gi nanaan, ’té dé ka a plɛplɛ, yé we lé ko laan kolé bazorole nya, yee lé ke léé, gun faa ’é si ka ma.

2 Korɛnt Munu 7:1

An sɔlɛzannu, blivolɛdére ’ko zonu a kaa lee, amalé kaa dɔbɛ kyɛn ma tiridɔfɛnu valé léli ma tiridɔfɛnu faa si kaa ma ma, kaa kɛlɛle sauun lɛsɔɔle we ma, kanale Kazambale lee nya.

Éfez munu 3:1

Bɛwemalé, maa Pɔl lé an ke Jézu Krist lé bokɔngizan nya ’kaa bɛnnu lé we ma, maa bazoroan.

Bélidɔwesɛbɛ Fiézan 18:13

Ka a Gakelebale, kalé Bale zé nya é ta lé kɔn‐an.

Bélidɔwesɛbɛ Fiézan 27:10

’Ka Gakelebale, kalé Bale dére lɛdɔma yé alé bélidɔwenu valé a sɔnnénu lé maa wo fe ka lɛ kyɔ, ’ka tawo wo yɛrama.

Kolɔs munu 1:28

Krist ’ko, alé we lé ko fé, ’té ko we plaan mi faa lɛ, ’té ko wedɔɔwe faa paan mi faa gi, léé, dé ko go wo nya Bale va ’té gun a é sile wo ma Jézu Krist lé we ma.

Kolɔs munu 4:12

Épafras lé é ke ka va mi do nya bɛ, é we ka va; é a Jézu Krist wuozan nya, yé é ’ka daanma ka ta gulidanle ma bazorole nya lo léé, ’ka dɔ gligli yé gun ’é si ka ma, yé ’ka ’wuo dɔ Kazambale lé blibɔmawe faa wuo.

SEBE LÉ JAK A GYE (Épitre de Jacques) 1:4

Yé é a lé bli tiéé é kɛlɛwe lɛ sɔɔ ka gi, gun sile ka ma valé ka tinle we gi, ’té we do kpen ’ka vuruan ka ma lo.

1 Jan 3:3

Yé dé miomian a bli ke Jézu dale lɛ, ’bɛzan é ébozen kɛla sauun, bélé fɛan zo lé Jézu ke sauun, a zo.