Matio 5:37 - Kazambale lé Sebe Sauunu 1979

³⁷ Ka dére ’é kɛlɛ in valé gba nya ma; yee lé wa paan a ta éé sié yo va.

Matio 5:37 ပူးပေါင်းရင်းမြစ်များ

Matio 13:19

Dé mi do é tɔné dɔ Kazambale plale mi nwiin dére lɛ yé é ’ka a maan lo, Satan ɛ dan yé fɛ lé wa nwɛɛn a bli gi éé a sian; mi ’ko ɛ ke fɛana lé ’sawɔlɛ dia zi sɔnɔ bɛ, a nya.

Matio 13:38

féi a tɛrɛla nya; fɛwɔlɛ zima a munu lé Kazambale ke é plale wo nwiin, wo nya; kyankyan a Satan lé munu nya;

Matio 15:19

Gibɔrɔle naané koo, migyɛle koo, leginile valé gɔnéginile koo, pɛnpɛnnégyɛle koo, kyeenwole koo, viéwole mi ma koo, mi tɔ sɛrɛle koo, woo ɛ sié mi bli gi.

Matio 5:36

I ’ka bɔa i nwin gɔ do nɔlale lɛ é ti valé é fu lo, amalé té i ’wuo ’nyɔɔn lo.

Matio 6:13

Té i go ko nya ko gi danna lo; ’i ko si Satan lé plɛplɛ wuo. Plale mi nwiin koo, plɛplɛ koo, fuablele koo, wa izé nya lɛɛfaama. Amɛɛn.

WENÉNÉ LE JAN A GYE (Évangile selon Jean) 17:15

Maa ’ka a fena i lɛ léé, ’i wo si tɛrɛ la lo, naa, maa a fena i lɛ léé, ’i yuɛ pa wo va Nyanézan lé we ma.

WENÉNÉ LE JAN A GYE (Évangile selon Jean) 8:44

Ka ti a yonufaatagɔné nya, yé é sɔ ka lɛ léé, ka ka ti lé blibɔmawe kɛlɛle lɛ sɔɔ. A pélisia bléyi va fɔɔ kyɔ é a migyɛzan nya yé é ’ka dɔa wezen zuo lo. Wezen ’ka a gi lo, ’bɛzama. É a viéwozan nya, yé é a vié faa ti nya, bɛwemalé dé é a vié wona, ’té é a ébo dére vɔna.

Éfez munu 4:25

Bɛwemalé, ’ka sɔn vɔ viéwole ma, yé ka va mi do do faa ’é weboen fe é bɔluzan lɛ, naa, kaa faa a kɔlɛ do vafɛnu nya.

Éfez munu 6:16

yé é ziin, wenu faa gi, ’ka blipale si ka botakuunfɛ nya Satan lé dinwɔlɛnu lé, kyɛnɛnɛ ke wo ma, kalé wo dirile we gi.

Kolɔs munu 3:9

Té ka viéwo ka ke lɛ lo. Blami dɔbɛ valé é kɛlɛwenu ’é si ka lee;

Kolɔs munu 4:6

Ka dére ’é kɛlɛ é zin yifaama, wɛ ’é kɛlɛ a ma ma, é a lé ka we zi paan mi do do lɛ fɛan zo, kalé a dɔɔle we ma.

2 Tɛsalɔnik munu 3:3

Mizambale a yarapawelazan nya, é dan ka dɔ lɛ gligli, yé é dan ka ta kuun lɛ Satan lee.

SEBE LÉ JAK A GYE (Épitre de Jacques) 5:12

An bwenu, we faa va we blɛn lé é ke ’ko: té ka fɛ ’nyɔɔn lo. Dé é a la nyaoo, dé é a tɛrɛ nyaoo, dé é a fɛofɛan nyaoo, té ka a do kpen ’nyɔɔn lo. Naa, kalé iin ’é kɛlɛ iin nya ma, yé kalé gba ’é kɛlɛ gba nya ma, dé we é da dɔ ka nwiin.

1 Jan 2:13

Né tinu, mi lé é ke ana tɛrɛ bɔrayi nya, ka a dɔɔ, amalé maa a sɛbɛ ’ko gyɛna ka lɛ. ’Kaa pɛniɛnu, ka Satan kele, amalé maa a sɛbɛ ’ko gyɛna ka lɛ. Anlé né kiénénu, ka Ti dɔɔ, amalé maa sɛbɛ gyɛ ka lɛ.

1 Jan 3:12

Kain lé é ke Satan zé nya yé é é zuané gyɛ, té kaa kɛlɛ bélé yee zo lo. Mɛwemalé é a gyɛɛ? Abozen kɛlɛwenu a é naané, yé a zuané zé a tegele, bɛwemalé é a gyɛ.

1 Jan 5:18

Kaa gi dɔɔ léé, Kazambale lé né do kpen ’ka wenyané kɛla lo. Naa, Kazambale Be éé yuɛ paan wo va, yé Satan ’ka manean wo ma lo.