Matio 5:3 - Kazambale lé Sebe Sauunu 1979

³ Munu lé wo ’ka ’wobo yé ’wo bli gi mi nya lo, wa bɛan ’bɛ gi bɛ, ’bɛ a é zima wozé nya, naa, Kazambale a é plale wo nwiin.

Matio 5:3 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 33:12

Alé kleblele gi é zanté vɔ Gakelebale alé Bale lɛ, yé é ’ébo kɛlɛ kiéné é tranu lé Bale ’lɛ.

2 Minwiinmunu lé Wezuofe Sɛbɛ 33:19

Alé bazorole koo, fɛan zo lé Bale alé bazoro dére ’ma koo, alé wenyanénu koo, alé yuɛ gi blanlenu koo, fɛnu lé é gɔ nwiin yobannanu kɛlɛ wona yé é miyilinu valé yofotonu dɔ ana alé bo kɛlɛle kiéné ’lɛ, wonu koo, ’bɛ a é gyɛle Ozai lé sɛbɛ gi.

2 Minwiinmunu lé Wezuofe Sɛbɛ 33:23

Yé é ’ka ébo kɛlɛ lɛ kiéné Gakelebale ’lɛ bélé a ti Manasé a kɛlɛ fɛan zo, a zo lo. Naa, yee Amon kɛlɛ weanwiinzan blɛn nya.

2 Minwiinmunu lé Wezuofe Sɛbɛ 34:27

Mi guru zana a gi dére valé bale pa mi ma dére lé maa a fe tɛrɛ ’ko valé a tamunu ma, bé ’ma aan wo, i bli kyɛ dɔ yé i ibo kɛlɛ kiéné Bale ’lɛ; i ilé sɔnu fia yé i wuvɔ an ’lɛ, bɛwemalé maa é ziin, maa ’ma. Yee lé Gakelebale a fe.

2 Minwiinmunu lé Wezuofe Sɛbɛ 7:14

anlé munu lé an tɔ ke wo ma, dé wo wobo kɛlɛ kiéné yé wo bazoro yé wo an nagini, yé dé wo si ’wo kɛlɛwe naanénu zuo, maa dan wolé bazoro dére ’ma lɛ lanu gi, maa dan wo ma we vo lɛ wolé wenyanénu ma, yé maa dan wolé tɛrɛ dɔ lɛ é dɔbɛ gi.

JOB (Job) 42:6

Amalé anbo gyɛ we nya yé an bli nɔla Vungoi valé kyɛyee zénle nya an ta.

Lɛrɛvɔ Sɛbɛ 1:1

Mian é ’ka tawoo mi plenu lé weplale yɛrama lo, ’Té é ’ka dɔa wenyanékɛlɛzannu lé zi ta lo, Yé ’té é ka nyanaan mi ma wenanazannu va lo,

Lɛrɛvɔ Sɛbɛ 112:1

’Ka Gakelebale tɔ zin fe. Mian éé kanaan Gakelebale lee, ’Té alé bélidɔwenu sɔ a lɛ é baba, azé a néné.

Lɛrɛvɔ Sɛbɛ 128:1

Gɔ gié lɛrɛ do lé. Munu faa lé woo kanaan Gakelebale lee, ’Té woo tawoo alé zinu ta, wozé a néné.

Lɛrɛvɔ Sɛbɛ 146:5

Mian éé Jakɔb zé Bale sié é bɔavazan nya, ’Té a bli a Gakelebale, azé Bale lɛ, azé a néné.

Lɛrɛvɔ Sɛbɛ 2:12

’Ka a be tuu gyɛ ma, dé a bli é da nwa Yé ka zamagawo kalé zi ta, Naa, a bli éé flian é kele bélé kyɛblele zo. Munu faa lé woo paan a ta, wozé a néné.

Lɛrɛvɔ Sɛbɛ 34:18

Dé mi tegelenu siaa, Gakelebale a maan, Yé éé wo sié wolé kleblelenu faa gi.

Lɛrɛvɔ Sɛbɛ 41:1

Lɛrɛvɔzannu nwiinzan zé lé. Lɛrɛ do lé David a vɔ.

Lɛrɛvɔ Sɛbɛ 51:17

Mizan, ’i an ’léé fuo, Yé an dan i tɔ zin fele zana dɔɔ lɛ.

Lɛrɛvɔ Sɛbɛ 84:12

Naa, Bale, Gakelebale a yiri nya; é a mi takuunzan nya, Gakelebale éé zin valé fua no mi lɛ, Munu lé gun ’ka wolé tawobɛ ma lo, é ’ka sɔn vɔa zin do kpen kɛlɛle ma wo lɛ lo.

Wegɔnévɔlenu 16:19

Kɛlɛle bo kiénézan nya bo kiénézannu va fila vɔ é mini gulizarafɛnu gulile ta boblɛnzannu va.

Wegɔnévɔlenu 29:23

Boblɛn éé mi kɛla kiéné, naa, woo bokiénézan tɔ bɔa.

Wegɔnévɔlenu 8:32

Yé sin an benu, ’ka tɔné dɔ an lɛ; Munu lé woo tawoo anlé tawobɛ gi, wozé a néné.

Ézai 30:18

Duowo, Gakelebale a a va léé, é zin kɛlɛ ka lɛ, yé é dan nwa lɛ nyanai zénle ka ta we gi. Naa, Gakelebale a Bale lé éé we tegele kɛla, a nya. Munu faa lé wo bli ke a lɛ, wo gi a é nanale.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Ézai 61:1

Mizan Gakelebale Léli a an ta, Naa, Gakelebale an suu nyɔnɔ nya, anlé wenéné fele we tɔntɔn?-?bɔmazannu lɛ we ma. É an pa zia, munu lé blikyɛdɔwe blɛn bɔ wo ma, wo bélile we ma; A fele luugimunu valé bokɔngimunu lɛ léé, Wo vo woboma.

Ézai 66:2

An bɛan fɛ ’konu faa kɛlɛ loo? Maa‐an an fɛ ’konu faa bɔra loo? Mi lé maa dan yuɛ pa lɛ a ta, yee lé ke ’ko: Mi lé éé nyané blé yé a fuu si a ta, yee lé; mi lé éé kanaan an dére lee, yee lé.

Misé 6:8

Oo blami, we lé ke é zima, wa gɔɔn i lɛ; we lé é sɔ Gakelebale lɛ léé, bé kɛlɛ, yee lé ke léé, ’i we tegele kɛlɛ, yé nyanai zénle ’é sɔ i lɛ, yé ’i tawo bo kiéné nya ilé Bale va.

Matio 11:25

’Bɛ bléyi va, Jézu kun wefele ma yé é léé: An Ti, Lazan valé Tɛrɛzan, maa i tɔ zin fé léé, i we ’konu yɔɔ Wedɔɔzannu valé ’wuoatazannu ma, yé i wo nagɔɔn nénu lɛ.

Matio 11:6

Mian, maa ’ka kɛla a saanzan nya lo, ’bɛzan zé a néné.

Matio 13:16

Kazé a néné, naa, ka yuɛ a fɛnu yena; kazé a néné, naa, ka tɔné a we ’mana.

Matio 19:14

Yé Jézu léé: ’Ka daan nunukénénénu ma ’wo da an va. Té ka wo dale an va yi ga lo; naa, munu lé wo ke bélé nénu zo, Kazambale a é plale wo ɛ nwiin.

Matio 24:46

Mi leezan lé azan bɔ a ma we ’ko kɛlɛna, azé a é zima.

Matio 25:34

Yé maa minwiinzan ’é dan a fe lɛ an bɛyilazannu lɛ léé: Ka lé an Ti ka drɔɔ vo, ’ka da; tɔnɔtɛrɛ lé é a kɛlɛ kazé nya tɛrɛ pélisia bléyi va, ’ka nyana ana.

Matio 3:2

É léé: Kazambale lé plale mi nwiin bɔ é pu, amalé ’ka bli nɔla.

Matio 8:11

Naa, maa lé ka lɛ léé, munu kiɛre é dan si lɛ yirinwana valé yirivɔnazia, yé wo dan fɛ ble lɛ Abraam koo, Izak koo, Jakɔb koo, wo va, Kazambale lé fla.

Maak 10:14

Jézu a ye aan wo, é ’na a ma, yé é lé é zuomunu lɛ léé: ’Ka daan nunukénénénu ma, ’wo da an va. Té ka wo dale yi ga lo; naa, munu lé wo ke bélé nénu zo, Kazambale a é plale wo ɛ nwiin.

WENÉNÉ LÉ LUK A GYE (Évangile selon Luc) 11:28

Yé Jézu a zi pa a lɛ léé: Gba, munu lé woo tɔné dɔa Kazambale dére lɛ, ’té woo a ta tawoo, wo ɛ zé ke néné.

WENÉNÉ LÉ LUK A GYE (Évangile selon Luc) 18:14

Maa lé ka lɛ léé, mi ’ko go élé kɔn ’léé mi tegele nya, é mini é bɔluzan ta. Naa, dé mian ébo nwaan blɛn wo dan a tua lɛ, yé mi lé ébo tuaan wo dan a nwa lɛ blɛn.

WENÉNÉ LÉ LUK A GYE (Évangile selon Luc) 22:29

amalé maa fuatɛrɛ bɛ pa ka lee, bélé fɛan zo lé an Ti a bɛ pa an lee, a zo,

WENÉNÉ LÉ LUK A GYE (Évangile selon Luc) 22:30

yé ka dan fɛ ble lɛ anlé tablé ta anlé fuatɛrɛ la, yé ka dan nyana lɛ webleblinnu ta Izraɛl lé bɛn vu ta fié lé we blele we ma.

WENÉNÉ LÉ LUK A GYE (Évangile selon Luc) 4:18

Mizambale Léli a maa ta Yé é nyɔnɔ zén an nwiin anlé wenéné fele nyanégyɛmunu lɛ we gi; É an pa zia munu lé blikyɛdɔwe blɛn bɔ wo ma, wo va, wo bélile koo, Luugimunu vole woboma valé Yuɛwiimunu yuɛ fuole koo, Munu lé woo yaan wo ta, wo vole woboma valé

WENÉNÉ LE JAN A GYE (Évangile selon Jean) 20:29

Jézu lé a lɛ léé: I an ye sin, amalé bé nyi si. Munu lé wo ’ka an ye lɛ lo, yé wa nyi si bɛ, wozé a néné.

Bélidɔwesɛbɛ Fiézan 8:2

Zi faa lé Gakelebale, kalé Bale go ka nya a ta bwi gi, ka lɛɛ yɔ fié lo, a sele ’é dɔ ka gi ma; é a kɛlɛ ka tuale valé ka gidanle we gi, ka bli dɔɔle we ma, dé ka dan ’é sɔnnénu pa lɛɛ? dé ka ’ka dan wo pa lɛ loo? yé é a gi dɔɔ.

SEBE LÉ JAK A GYE (Épitre de Jacques) 1:10

Naa, é a lé fuablezan gi ’é nana élé fuatɔ sanle é lee we ma. Naa, alé we é dan nyaa lɛ bélé bwigilu vwi zo.

SEBE LÉ JAK A GYE (Épitre de Jacques) 1:12

Mian éé dɔa é gidanwenu wuo bli tiéé nya, azé a néné. Naa, a gi danle zuo, wo dan vole é yuɛma nɔ lɛ a lɛ bélé tɔkoro zo; tɔkoro lé Mizan a ma blivolɛdére fe munu lé, Mizan sɔ wo lɛ, wo lɛ bɛ, wo dan a nɔ lɛ a lɛ.

SEBE LÉ JAK A GYE (Épitre de Jacques) 2:5

’Kaa an bwenu lé ka sɔ an lɛ, ’ka tɔné dɔ. Munu lé wo ke nyanégyɛzannu nya tɛrɛlamunu yuɛ gi, Kazambale ’ka wo si lɛ léé, ’wo kɛlɛ fua nya blipale gi loo? yé wo kɛlɛ tɔnɔblezannu nya fuatɛrɛ lé é a ma blivolɛdére fe munu lé é sɔ wo lɛ, wo lɛ bɛ, a ta loo?

Wegɔɔnle 19:9

Yé lanje lé an lɛ léé: ’Bé gyɛ sɛbɛ gi léé: Munu lé wo wo laa ’Blané lé lesile lé fɛti kɛlɛle ma, wozé a é zima. Yé é lé an lɛ léé: Dére ’konu a Kazambale dére bozennu nya.

Wegɔɔnle 22:14

Munu lé woo ’wolé sɔnu zuruwo, mibéliyiliporo blele se valé wɔrale fla ’léé zia se yele we gi, wozé a é zima.

Wegɔɔnle 3:17

Bii léé, ’é a fua nya, yé ’é a fua blena yé ’é mawe ’ka fɛ do kpen gi lo, yé i ’ka a gi dɔɔa léé, i a wenaanébɔmazan koo, nyanaizénlazan koo, nyanégyɛzan koo, yuɛwiizan koo, mi porole koo, wo nya lo;