Matio 5:22 - Kazambale lé Sebe Sauunu 1979

²² Naa, maa lé ka lɛ léé, miomian é bli fli é bwe ma, a yara lé weblezannu é we lɛdɔ a gi; yé mi lé é a fe é bwe lɛ léé: Tavozan, a yara lé webolikinimunu wo we lɛdɔ a gi; yé mi lé é é bwe laa, ’wuosɛrɛzan, a yara lé Bale é we lɛdɔ a gi kyɛ plɛplɛ lé wa laama jéɛna, a va.

Matio 5:22 ပူးပေါင်းရင်းမြစ်များ

Wepélisiananu 37:4

A bwenu a ye léé, Jozɛfu sɔ wo ti lɛ é mini wo faa ta, bɛwemalé a za a wo gi. Wo ’ka bɔa we drɔɔ fele lɛ a lɛ lo.

Wepélisiananu 37:8

A bwenu lé a lɛ léé: I dan pla lɛ ko nwiin? Bii ɛ dan kɛlɛ lɛ ko nwiinzan nyaa? Alé nyɛgyɛlenu valé a dérenu lé we ma, a za kɛlɛ é ziin é bwenu bli gi blɛn é mini é vinin ta.

2 Samuɛl 16:7

Siméi bale pa a ma, a fele nya léé: Nyɛzanami, mi ple, ’i gooo, ’i go!

2 Samuɛl 6:20

David nɔla élé kɔn drɔɔ vole we ma yé Saul lu Mikal da a si lɛ zia. É léé: Mɛ tɔbɔwe ɛ kɛlɛ kyɔ Izraɛl nwiinzan lɛ, yé é porole vɔ mi wuomunu valé mi wuolomu yuɛ va bélé boazan zo!

1 Minwiinzannu 21:4

Akab wɔra élé kɔn gi é bli kyɛ dɔle valé bli flile nya, dére ’ko lé Jizréɛl mi Nabɔt a fe a lɛ, a we ma. Nabɔt léé: Maa ’ka dan an tinu zarafɛ nɔ lɛ i lɛ lo. Yé é yia élé yialafɛ ta, yé é yara dɔ kɔnguru ma zia yé é ’ka fɛ do kpen ble lɛ lo.

2 Minwiinmunu lé Wezuofe Sɛbɛ 16:10

Aza bli fli fɛnayezan ma, yé é a vɔ bokɔn gi. A bli fli, azama. ’Bɛ bléyi duo nya, Aza yaa mi kenu ta.

2 Minwiinmunu lé Wezuofe Sɛbɛ 19:5

É weblezannu dɔ Juda tɛrɛ la fla plɛplɛnu faa ta do do.

Néémi 5:8

yé maa lé wo lɛ léé: Ko kwa kuli yé Juifinu lé wo wo dan bɛnnu lee, ko wo tabo ’naan, yé ’kaa, ka ka bwenu daan ka ke lee? Wo vo é tadɔle; wo ’ka a zi vɔ dére do ye lɛ lo.

Lɛrɛvɔ Sɛbɛ 109:3

Woo an zi lɛ sɔɔan zapadérenu nya, Woo guli daan an va é pla.

Lɛrɛvɔ Sɛbɛ 14:1

Lɛrɛ lé David a vɔle gɔɔn lɛrɛvɔmunu ’lɛzan lɛ. ’Tugyɛzan lé é bli gi léé: Bale ’ka pelo. Wa é vɔnle; wo tɛrɛgyɛwe kɛlɛ; Wo va mi do lé éé wezin kɛla, ’bɛzan ’ka lo.

Lɛrɛvɔ Sɛbɛ 25:3

Munu faa lé wo bli ke i lɛ, wo fuu ’ka dan si lɛ wo ta lo. Munu lé wo yuɛ gi éé blaan é boa Wo ɛ fuu é dan si lɛ wo ta.

Lɛrɛvɔ Sɛbɛ 35:19

Munu lé an sɛrɛ wo gi, ’té wo ke an nyanézannu nya, té wo gi é nana an ma lo, Yé munu lé woo an za paan é pla, té wo yara kplililii bo an ma, an sɔnɔle nya lo.

Lɛrɛvɔ Sɛbɛ 37:8

’I bliflile vo, ’i sɔn vɔ bli tɔntɔn ma, Té we é ’na i ma lo. ’Bɛ éé goo mi nya wenaané gi.

Lɛrɛvɔ Sɛbɛ 49:10

Wo ’ka dan vo lɛ é yuɛma yifaama lo, Wo ’ka dan vuru lɛ guru gi yele ma lo.

Lɛrɛvɔ Sɛbɛ 69:4

An lagi éé kinié siaale nya, an bɔrɔ gi éé gaan, An yuɛ pɛ ga a gi anlé Bale lɛbɛnle saa nya.

Lɛrɛvɔ Sɛbɛ 7:4

Gakelebale, anlé Bale, dé maa ’bɛ kɛlɛ, Dé we ple a an lee,

Lɛrɛvɔ Sɛbɛ 92:6

Oo Gakelebale, i panyanamanu a blɛɛn; Mi ’ka i gibɔrɔle gi maan lo.

Wegɔnévɔlenu 14:16

Wedɔɔzan éé kanaan, yé éé sɔn vɔa wenaané ma, naa, ’tugyɛzan é ébo kɛla blɛn yé é a a gi léé, we ’ka kɛla ’é lɛ lo.

Wegɔnévɔlenu 18:6

’Tugyɛzan éé lɔlu vɔa wesiawe gi, yé a dére ma lé wa blaan.

Jérémi 17:11

Doo éé buaan nyɛné lé é ’ka a vɔ lɛ lo, a ta fɛan zo bɛ, A zo duo lé mi lé éé fua blé dabli nya, a zo lé alé we ke. Alé tɛrɛla é dan bɔi lɛ a ta yé é si wo zi, Yé é kɛlɛ ’tugyɛzan nya é voéla.

Jérémi Lé Wuvɔ Sɛbɛ 3:52

Munu lé wo ke an nyanézannu nya, ’té ko valé wonu lé we ’ka lo, Wo an zuo bin bélé wi zo.

Daniɛl 3:13

Tɔɔn, Nébukanɛsaa wɛwɛ dɔ yé a bli fli é baba. Yé é léé, ’wo da Sadrak koo, Mésak koo, Abɛd‐Négo koo, wo nya. Yé wo da munu ’konu nya minwiinzan blɛn ’lɛ.

Daniɛl 3:19

’Bɛna tɔɔn, Nébukanɛsaa fan bliflile nya, yé a yara kɛlɛ é nyané Sadrak koo, Mésak koo, Abɛd‐Négo koo, wo ma. Yé é léé, ’wo kyɛ taa zén ’furu gi fɔɔ gɔnɔ sɔrafié.

Abudias 1:10

Glawe lé bé kɛlɛ i bwe Jakɔb lɛ, ’bɛ lé we ma lé Yara blɛn é dan i gyɛ lɛ, Yé izé é dan nyaa lɛ tata.

Abudias 1:12

Té i gi é nana i bwe lé nyanébleyi nya lo; yian nya lé we tɔntɔn bɔ a ma, té i gi é nana lo. Yian nya lé Juda munu lé fɛna vo é ’bin nya, té i gi é nana ’bɛ ma lo. Wolé klebleyi nya, té i ’léé blɛnblɛn vɔ wo ma lo.

Matio 10:17

’Ka yuɛ pa kabozen va munu lé we ma, naa, wo dan ka pa lɛ weblezannu lee, yé wo dan ka bla lɛ plén nya ’wolé bazorokɔnnu gi;

Matio 10:28

Wo lé woo mi kɔlɛ gya, yé wo ’ka bɔa miboen gyɛle lɛ lo, té ka kana wonu lee lo. Mi lé éé bɔa miboen valé mi kɔlɛ gyɛle lɛ jéɛna kyɛ plɛplɛ va, a fila vɔ léé, ka kana ’bɛzan lee.

Matio 12:24

Farizimunu ’bɛ ’ma aan wo yé wo léé: Yonufaatagɔné Béɛlzébul lé plɛplɛ nya lé éé yonu sié munu gi.

Matio 17:5

É ke aan wo we fena, yé la fu tata do tua wo nwiin. Tɔɔn, Bale we fe la fu gi, yé é léé: Mi ’ko a an be lé é sɔ an lɛ é baba, a nya; a va sɔlɛle a an gi blɛn. ’Ka tɔné dɔ a lɛ.

Matio 18:21

Piɛri bié a va yé é léé: Mizan, dé an bwe éé wenyané kɛla an lɛ, maa a ma we vo fɔɔ gɔnɔ nɔɔ? Gɔnɔ sɔra?-?fiéé?

Matio 18:35

A zo lé an Ti lé é ke la gi é dan a kɛlɛ lɛ ka lɛ, ’té dé ka faa ’ka ka bwenu ma we voo ka bli faa nya lo.

Matio 23:15

Sɛbɛgifemunu valé Farizimunu, bodrɔzannu, ka gale nyɔ. Ka giéan wɛyi valé tɛrɛ faa la mi do kɛlɛle kazé bazorozan nya we gi; yé dé é kɛlɛ a nya, ka a kɛla jéɛna kyɛ vazan nya gɔnɔ fié é mini kazé ta.

Matio 23:33

Ménénu, ménénwunnu bɛn, ka kɛla kaa yé ka ’ka dan kle ble lɛ jéɛna kyɛ va loo?

Matio 25:41

A zuo an dan a fe lɛ an bɛbolazannu lɛ léé: Balepamazannu, ’ka si an va; ’ka go kyɛ lé é ’ka dirian monomono lo, ’té wa kɛlɛ yonufaatagɔné valé élé yonu zé nya bɛ, a va.

Matio 26:59

Balebamunu segelenu valé webolikinimunu, wo faa vo viéwenu naginina, ga dɔle Jézu nwiin we ma.

Matio 3:17

Yé bé ye, dére do we la gi yé é léé: Mi ’ko, é a an be lé é sɔ an lɛ é baba, a nya. A va sɔlɛle a an gi blɛn.

Matio 5:34

Naa, maa lé ka lɛ léé, té ka fɛ do kpen ’nyɔɔn lo; la a Kazambale nyanana nya, amalé té ka la ’nyɔɔn lo;

Matio 5:44

Naa, maa lé ka lɛ léé: Ka nyanézannu ’é sɔ ka lɛ ma; munu lé woo bale paan ka ma, ’ka wo drɔɔ vo ma; ’ka wezin kɛlɛ ka zapamunu lɛ ma; munu lé woo nyané valé kle paan ka ta, ’ka bazoro wolé we ma ma.

Maak 14:55

Balebanmunu segelenu valé webolikinimunu faa, wa wenu naginina Jézu ma, ga dɔle a nwiin we ma, naa, wo ’ka a do kpen ye lɛ lo.

Maak 15:1

Bladi tutu, Balebanmunu segelenu koo, mi segelenu koo, sɛbɛgifemunu koo, mi bɛnu lé ke webolikinimunu nya, wo koo é ziin, wo kun wo va weblele ma. Dé wo bale vɔ Jézu ma faa wo goan yé wa nɔ Pilat lɛ.

WENÉNÉ LÉ LUK A GYE (Évangile selon Luc) 12:5

Mi lé é a lé ka kana a lee, maa dan ’bɛzan nagɔɔn lɛ ka lɛ. Mi lé dé é mi kɔlɛ gyɛ faa, a vulile jéɛna kyɛ va se ke a lɛ, a lee lé ’ka kana ma; iin, maa lé ka lɛ léé, mi lé é a lé ka kana a lee, yee lé é ke bɛ.

WENÉNÉ LÉ LUK A GYE (Évangile selon Luc) 22:66

Tu kini aan wo, mi segelenu koo, Balebanmunu segelenu koo, sɛbɛgifemunu koo, wo zén ékeva yé wo da Jézu nya wolé webolikinimunu va.

WENÉNÉ LE JAN A GYE (Évangile selon Jean) 11:47

’Bɛna tɔɔn, Balebanmunu segelenu valé Farizimunu webolikinimunu zén ékeva yé wo lé ’bɛnu lɛ léé: Ko dan kɛlɛ lɛ kaa? Mi ’ko a gyɛzorowe kiɛre kɛlɛna.

WENÉNÉ LE JAN A GYE (Évangile selon Jean) 15:25

Naa, we ’ko bɔ, dére lé é ke é gyɛle wolé bélidɔwe gi, a lɛsɔɔle we ma; é léé: Wo an za pa é pla.

WENÉNÉ LE JAN A GYE (Évangile selon Jean) 7:20

Mi gu lé a lɛ léé: Yo a i gi. Mi kyɛn ɛ ke kwa kulina léé, ’é i gyaa?

WENÉNÉ LE JAN A GYE (Évangile selon Jean) 8:48

Juifinu lé a lɛ léé: Dé ko a fe léé, bii a Samari mi nya yé yo a i gi, ’té ko ’ka wezen fe lɛ loo?

Kelewenu 17:18

Migivuruzannu palu fié lé wo wo laama épikuri valé sitoisi, wo va mi kenu kun wefele ma a lɛ. Yé wo va mi kenu léé: Boawefezan ’ko, é a mɛ we ɛ fenaa? Yé dé wo va mi bɛnu a ’ma léé, é a Jézu valé mi nwale gale va lé we ɛ fena, wo léé: É dɔ ko gi léé, é a bale bɛnu ɛ lé we fena.

Kelewenu 22:30

’Bɛ é tu kini, é sɔ sunyanuzan segele lɛ léé, we lé Juifinu a dɔ a nwiin ’é a gi ’ma tegele. Yé é lé wo lɛ léé: ’wo balenu fuo a ma. Yé é Balebanmunu segelenu valé webolikinimunu faa zén ékeva. ’Bɛ zuo é léé, ’wo da Pɔl nya, yé wa dɔ wo worona.

Kelewenu 23:1

Pɔl vo webolikinimunu ginina téiin, yé é lee: An bwenu, an tawo Kazambale ’lɛ fɔɔ yi ’ko nya ’té anlé wevasibli ’ka we dɔa an nwiin lo.

Kelewenu 24:20

Dé ’bɛ kaan lo, dé maa a webolikinimunu ’lɛ, wenyanéan munu ’ko a ye an nwiin, ’wa fe ma.

Kelewenu 4:15

Wo lé wo lɛ léé: ’Ka bɔra sɛ. Yé ’bɛ zuo webolikinimunu lu zi ble

Kelewenu 5:21

Wo ’bɛ ’ma aan wo, wo go bladi Balebangikɔn gi yé wo kun we paale ma munu gi. Balebanmunu ’lɛzan valé é vamunu da aan wo, yé wo webolikinimunu valé Izraɛl mi segelenu faa laa, yé wo mi pa zia nwunvɔzannu sina bokɔn gi.

Kelewenu 5:27

Wo da aan wo wo nya webolikinimunu ’lɛ, Balebanmunu ’lɛzan we pla wo lɛ léé:

Kelewenu 6:12

É ziin, munu koo, mi segelenu koo, sɛbɛgifemunu koo, wo ’bɛnu bli nwa yé ’bɛnu baa Étiɛne ta, yé ’bɛnu a kun, yé ’bɛnu go a nya webolikinimunu va.

Kelewenu 6:15

Webolikinimunu faa vo Étiɛne naginina téiin, yé wa yara ye bélé lanje yara zo.

Kelewenu 7:37

Moizi ’ko ɛ we fe Izraɛl benu lɛ léé: Kazambale é dan mi do nwa lɛ ka lɛ ka bwenu méléna balelayezan nya bélé ’yee zo.

Rom munu 12:10

Ka bwenu ’é sɔ ka lɛ tegele ma. ’Ka ka bɔluzan kɛlɛ blɛn é mini kaboen ta.

1 Korent munu 6:10

kyeenwozannu koo, blibɔgɔɔlimazannu koo, nwɛgyɛzannu koo, mi sɔnɔzannu koo, mi tablezannu koo, wo ’ka dan tɔnɔ ble lɛ Kazambale lé fuatɛrɛ la lo.

1 Korent munu 6:6

É kɛlɛ kaa yé bwe do éé bwe do tɔ fé, munu lé wo bli ka é pale lo, wo vaa?

Bélidɔwesɛbɛ Fiézan 15:11

Nyanégyɛmunu é dan kɛlɛ lɛ kalé tɛrɛ la yifaama, bɛwemalé maa bélidɔwe ’ko nɔ ka lɛ: ’i kɛlɛ bɛ ma wolowolozan nya i bwe lɛ, ’té é ke nyanégyɛzan valé tiané nya ilé tɛrɛ la bɛ, a lɛ.

Bélidɔwesɛbɛ Fiézan 16:18

’Ka weblemunu valé dutinu dɔ, fla faa lé Gakelebale, kalé Bale a nɔ ka lɛ, wo ta, ka bɛn lɛgɔnɔnu faa gi; é a lé wo munu lé we ble tegele.

1 Tɛsalɔnik munu 4:6

Té mi do é wenyané ’ko zo kɛlɛ é bwe lɛ lo. Mizan ɛ ’bɛ zoɛ wenu lɛgi paan; yee lé ko a fe ka lɛ é kyɛn, yé ko a gɔɔn ka lɛ wéiin.

Tite 3:2

té wo mi do tɔ sɛrɛ lo; ’wo kɛlɛ mi drɔɔnu nya; ’wo kɛlɛ mi bli dɔralazannu nya; ’wo kɛlɛ bli drɔɔzannu nya munu faa va.

Ébrunu 12:25

’Ka yuɛ pa kabozen va, mi lé ke we fena ka lɛ, té ka sɔn vɔ a dére ma lo. Munu lé wo sɔn vɔ Moizi lé é we fe wo lɛ tɛrɛ la ’ko, a dére ma, dé Bale we lɛdɔ wo gi ’naan, ’té kaa nii? Dé kaa sɔn vɔ mi lé é ke we fena lagi loru bɛ, ’bɛzan dére ma, Bale ’ka dan we lɛdɔ lɛ kaa gi loo?

Ébrunu 5:9

Gun si Bale Be ma aan wo, é kɛlɛ bélile lé a glɛ ’ka lo, a bɔrazan nya, munu lé wa lɛdɔama, wo lɛ.

SEBE LÉ JAK A GYE (Épitre de Jacques) 2:20

Bii tavozan, blipale lé a kɛlɛwenu ’ka lo, a tɔnɔ ’ka lo, i ’ka ’bɛ gi dɔɔa loo?

SEBE LÉ JAK A GYE (Épitre de Jacques) 3:6

Nɛnɛ a kyɛ nya é ziin yé alé weple a tɛrɛ zo. Nɛnɛ a kaa kɔlɛvafɛnu va, ’té éé kɔlɛ faa tiri dɔa, yé ’té éé mi lé tɛrɛla faa kyɛ dɔa, yé ’té jéɛna kyɛ plɛplɛ éé vɔa yeebozen ma.

1 Piɛri 2:23

wa sɔnɔ yé é ’ka wo sɔnɔ lɛ lo; wo nyané pa a ta yé é ’ka siaa lɛ wo ta lo, naa, ébo bɛ pa mi lé éé we blé tegele, a lee;

1 Piɛri 3:9

Té ka wenyané lɛgi pa wenyané nya lo; yé té ka sɔnɔ lɛgi pa sɔnɔ nya lo; naa, ’ka munu drɔɔ vo, alé we ma lé wo ka laa, kaboen drɔɔ vole we gi.

1 Jan 2:9

Mian é léé, ’é a san va, ’té a bwe za a a gi, é a tan gunutinu va.

1 Jan 3:10

We ’ko ma lé woo Kazambale lé nénu dɔɔan yé woo yo lé nénu dɔɔan. Dé miomian é ’ka we tegele kɛla lo, ’té é ’ka Kazambale zé nya lo, yé mianzan bwe ’ka sɔ lɛ ’é lɛ lo, ’bɛzan ’ka Kazambale zé nya lo é ziin.

1 Jan 5:16

Wenyané lé ’bɛ ’ka mi no ga lɛ lo, dé mian é bwe ye a kɛlɛna, ’é bazoro, yé Kazambale é dan a béli lɛ. Wenyané lé ’bɛ ’ka mi no ga lɛ lo, munu lé wo ke ’bɛ kɛlɛna, ’bɛnu é dan béli lɛ. Wenyané do ana, ’bɛ éé mi no ga lɛ. Maa ’ka a fena léé, ka bazoro ’bɛ wenyané ma lo.

SEBE LÉ JUD A GYE (Épitre de Jude) 1:9

Yé lanjenu faa ’lɛzan Misɛl boen ke aan wo za kɛlɛna yonufaatagɔné va Moizi kɔlɛ ta, é ’ka dɔ lɛ a gi léé, é sɔnɔdére fe a ma lo, naa, é we dɔ é wo a nwiin léé: Mizambale ’é ilé we ble ma.

Wegɔɔnle 20:14

Yé wo ga valé gamunu nyanana vuli kyɛ lé ke blɛn bélé gyankyɛ zo, a va. Yee kyɛ blɛn lé ke gale fiézan nya, ’té mi gulii ga é wo sin bɛ.