Matio 5:19 - Kazambale lé Sebe Sauunu 1979

¹⁹ Mi lé éé bélidɔwe kiiéné boen lɛganma, ’té éé we paan munu gi léé, ’wa lɛgama, dé Kazambale lé plale mi faa nwiin da bléyian va, é dan ’bɛzan kɛlɛ lɛ mi kiiéné boen nya, naa, mi lé éé bélidɔwe lɛdɔama, ’té éé a paan munu gi léé, ’wa lɛdɔma, dé Kazambale lé plale mi faa nwiin da bléyian va, é dan ’bɛzan kɛlɛ lɛ mi blɛn nya.

Matio 5:19 ပူးပေါင်းရင်းမြစ်များ

Lɛrɛvɔ Sɛbɛ 119:128

Bɛwemalé maa i déretawenu faa yé we tegelenu nya; Viéwo zinu faa za a an gi.

Lɛrɛvɔ Sɛbɛ 119:6

Dé an yuɛ pa ilé bélidɔwe sɔnnénu va, Yara ’ka dan an gyɛ lɛ lo,

Daniɛl 12:3

Wedɔɔzannu é dan bi lɛ bélé lagi fuasan zo, yé munu lé woo we tegele paan munu gi, wo dan bi lɛ bélé lagi monénénu zo, bléyi faa ma, ’bɛ glɛ ’ka dɔa lo.

Matio 11:11

Maa lé ka lɛ webozen nya léé, munu lé lomu wo yaa, wo va mi do kpen ’ka nwa lɛ yé ’bɛ blɛn mini mibatizéwozan Jan ta lo, dɔlé ’té munu lé Kazambale ke é plale wo nwiin, wo va mi kiiéné a blɛn é mini mi batizéwozan Jan ta.

Matio 19:28

Jézu lé wo lɛ léé: Maa lé ka lɛ webozen nya léé, a bléyi é dan bɔ lɛ yé ’wo fɛnu faa kɛlɛ é dɛrɛ; dé ’bɛ bléyi bɔ, dé maa, blami Be nyana anlé webleblin tɔbɔle ta, ka lé ka da an zuo, ka dan nyana lɛ webleblin vu ta fié ta, yé ka dan Izraɛl bɛn vu ta fié lé we ble lɛ.

Matio 20:26

É ’ka ’bɛ zo ka va lo. Naa, dé é sɔ miomian lɛ léé, ’é kɛlɛ ka nwiinzan nya, ’bɛzan ’é kɛlɛ ka wuozan nya ma;

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

WENÉNÉ LÉ LUK A GYE (Évangile selon Luc) 1:15

Naa, é dan kɛlɛ lɛ mi blɛn nya Mizambale yuɛ va. É ’ka dan nwɛ valé dɔrɔ mini lɛ lo, dé a bu a yaa tɔɔn, Léli Sauun é dan vɔ lɛ a ta;

WENÉNÉ LÉ LUK A GYE (Évangile selon Luc) 11:42

Farizimunu, ka gale nyɔ. Zian va blaanu lé wo ke mant valé ru nya, é valé ziannu koo, ka wo vuzan no, yé ka Kazambale lé we tegele valé é lɔrɔpale vo ka bɛ zuo; é a lé ’ka bɛnu é kɛlɛ, yé té ka a vininzannu kɛlɛle vo lo.

WENÉNÉ LÉ LUK A GYE (Évangile selon Luc) 9:48

Dé miomian éé né kiéné ’ko sié anlé we ma, ’té éé maabozen sié é ziin; yé mian éé an sié, mi lé é an pa zia éé ’bɛzan sié. Naa, mian é ke kiiéné ka faa méléna, yee ɛ ke mi blɛn nya.

Kelewenu 1:1

Téofil, maa léma: we faa lé Jézu a kɛlɛ, é valé we faa lé é a paa munu gi, é sia Jézu lé nyanama pale pélisia bléyi va fɔɔ yé é bɔ a goyi ma la gi, ’té é nyaa nwunvɔzannu lé é wo si a va é kyɛn, wo béli dɔle nya Léli Sauun nya bɛ, maa wo zuo fe anlé sɛbɛ vininzan gi.

Rom munu 3:8

É ’ka lé, ko wenyané kɛlɛ yé ’bɛ ’wuo ’é pla wezin nya loo? Yé weboen lé, mitɔsɛrɛmunu an wɔra ka ’léé, léé, Pɔl ɛ fe a zo. A yara lé wo we lɛdɔ munu ’konu gi.

Rom munu 6:1

Bɛwemalé kaa fé nɔɔ? Kaa vo wenyané kɛlɛna Bale lé zin kɛlɛle kiɛre we maa?

Rom munu 6:15

É dɔ ka gi kaa? Kaa ’ka bélidɔwe la lo, kaa a zin la, bɛwemalé kaa dan wenyané kɛlɛ lɛɛ? Gba.

Bélidɔwesɛbɛ Fiézan 12:32

We lé maa a fena ka lɛ, ’ka wo lɛdɔma, ’ka wo ta tawo; té ka wo taa do kpen pa lo, té ka a do kpen si wo va lo.

Bélidɔwesɛbɛ Fiézan 27:26

Mi lé é ’ka bélidɔwe ’konu kɛlɛle lɛ sɔɔan lo, ’té é ’ka wo ta tawoo lo, ’té bale a é pale ’bɛzan ma; yé munu faa é dan a fe lɛ léé: Iin, ’é kɛlɛ a zo.

1 Timoté 6:11

Naa, bii Kazambale lé mi, ’i vlan buru we ’konu lee, yé we tegele koo, Kazambale lé zi sɔlɛle koo, blipale koo, sɔlɛle koo, bli tiéé koo, bli drɔɔ koo, ’i kwa kuli léé, wo vɔ i bli gi.

Tite 3:8

We ’ko a wegɔné nya. É sɔ an lɛ léé, i dɔ a ta tegele, té i daan a fele ma lo, léé, munu lé wo bli vo Kazambale lɛ, ’wo wezinnu kɛlɛ wo bli faa nya. We lé é ke é zima ’té munu éé tɔnɔ yé a ma, yee lé ke bɛ.

1 Piɛri 5:4

Yé dé Mipazan segele da yian ma, tɔkoro lé ke fua tɔbɔle nya, ’té é ’ka sɛra lo, ka dan a ye lɛ kazé nya.

1 Jan 3:4

Dé miomian éé wenyané kɛla, ’té é a bélidɔwe sɛrɛna, yé wenyané lé é ke bélidɔwe sɛrɛle nya.

Wegɔɔnle 2:20

Naa, i ma we do a an gi; yee lé ke léé, lezan Jézabɛl lé é a fe léé, ’é a balelaye le nya, i zi nɔ a lɛ léé, é we paa an wuozannu gi, ’té éé wo saan léé, ’wo ’wobo nɔ pɛnpɛnnégyɛle lɛ, ’té woo miyili banwi blé.

1 Samuɛl 2:30

Bɛwemalé Gakelebale, Izraɛl lé Bale léma: Maa lé turu léé, ilé munu valé i ti lé munu é dan vo lɛ an ’lɛ lɛɛfaama, ’bɛ glɛ ’ka lo. Gakelebale léé: Sin, ’bɛ ’ka an gi é dɛrɛ lo. Naa, mi lé é an lɛdɔama, maa dan ’bɛzan lɛdɔ lɛ a ma, yé mi lé é serele bo an ma, maa dan serele bo lɛ ’bɛzan ma.