Matio 5:18 - Kazambale lé Sebe Sauunu 1979

¹⁸ Naa, maa lé ka lɛ webozen nya léé, dé la valé tɛrɛ ’ka tan gié lɛ lo, bélidɔwe gyɛwɔlɛ kiiéné valé a bale kiiéné do kpen ’ka dan san lɛ a va lo, fɔɔ, yé a kɛlɛle faa lɛ é sɔɔ.

Matio 5:18 ပူးပေါင်းရင်းမြစ်များ

Lɛrɛvɔ Sɛbɛ 102:26

Bii ɛ tɛrɛ kɛlɛ é kyɛn, Yé lagi a i bɛ panyanama nya.

Lɛrɛvɔ Sɛbɛ 111:8

Wo ta ’ka vɔɔan monomono lo, É wo kɛlɛ yarapalale valé we tegele nya.

Lɛrɛvɔ Sɛbɛ 119:152

Ana mɔn, ’té maa a gi dɔɔ léé, Ilé weplalenu ana yifaama.

Ézai 40:8

Lu éé gaan, yé a vwi éé diaan; Naa, kolé Bale dére éé voo ana lɛɛfaama.

Ézai 44:26

Maa an wuozan dére dɔa plɛplɛ; Tɛlɛ tɛlamawe lé anlé nwunvɔzannu a fé, maa a lɛ sɔɔan; Maa lé Jérusalɛm ma léé, munu é dan nyana lɛ ana, Yé maa lé Juda lé flanu ma léé, wo dan wo pa lɛ ’wo pa gi; Yé wolé flanu lé wo vo ’wo ’bin nya, maa dan wo pa lɛ ’wo pa gi.

Ézai 51:6

’Ka yuɛ vɔ la gi, ’ka tɛrɛ va gini. Naa, lanu ta é dan saan lɛ bélé kyɛgoi zo, Tɛrɛ é dan dia lɛ é kuru nya bélé sɔ zo, A tamunu é dan zamaga wo lɛ bélé nyɔnɔtoro zo; Naa, anlé mi sile we gi é dan vo lɛ ana lɛɛfaama, Yé anlé wetegele nyaana ’ka lo.

Matio 10:15

Webleyi nya, fla ’ko zé kleblele é dan mini lɛ Sɔdɔm valé Gɔmɔɔ zé ta. Maa fe ka lɛ.

Matio 10:23

Dé wo nyané pa ka ta fla do ta, ’ka fwi ana yé ’ka go fla bɛ la. Maa lé ka lɛ webozen nya léé, ka giéle Izraɛl lé flanu la lɛ ’ka dan sɔɔ lɛ lo, ’té maa blami Be da.

Matio 10:42

Yé dé miomian ’yi drɔɔ kanané do nɔ mi kiénénu ’ko va mi do lɛ é pla, a kɛlɛle an zuozan nya we ma, ’bɛzan é dan a ma gooli ye lɛ kpɔ. É ’ka dan vuru lɛ a ma lo. Maa fe ka lɛ.

Matio 11:11

Maa lé ka lɛ webozen nya léé, munu lé lomu wo yaa, wo va mi do kpen ’ka nwa lɛ yé ’bɛ blɛn mini mibatizéwozan Jan ta lo, dɔlé ’té munu lé Kazambale ke é plale wo nwiin, wo va mi kiiéné a blɛn é mini mi batizéwozan Jan ta.

Matio 13:17

Maa lé ka lɛ webozen nya léé, fɛ lé ka ke a yena, balelayemunu kiɛre valé mi tegelenu a a va léé, wa ye, yé wo ’ka a ye lɛ lo; we lé ka ke a ’mana, wa a va léé, ’wa ’ma, yé wo ’ka a ’ma lɛ lo.

Matio 16:28

Maa a fe ka lɛ webozen nya léé: Munu lé wo ke ’ko, wo va mi kenu ’ka dan ga lɛ lo fɔɔ yé wo maa blami Be ye dana plale munu nwiin we ma.

Matio 17:20

Jézu lé wo lɛ léé: Ka bli ’ka é pale tegele lo, amalé. Dé kalé blipale a bélé sénévéwɔlɛ do zo, ka dan a fe lɛ gɔ ’ko lɛ léé: ’I si ’ko yé ’i go mun, yé é dan a kɛlɛ lɛ; yé we do kpen ’ka dan ka kele lɛ lo. Maa fe ka lɛ.

Matio 18:18

Fɛ faa lé ka dan a yere lɛ tɛrɛ la ’ko, wo dan a yere lɛ la gi, yé fɛ faa lé ka dan a fuo lɛ tɛrɛ la ’ko, wo dan a fuo lɛ la gi. Maa fe ka lɛ.

Matio 18:3

Maa lé ka lɛ webozen nya léé, dé ka ’ka ka bli nɔlaan lo, dé ka ’ka kinin‐é bélé né kiénénu zo lo, ka ’ka dan go lɛ Kazambale lé fla lo.

Matio 19:23

Jézu lé é zuomunu lɛ léé: Maa lé ka lɛ webozen nya léé, fuablezan plale Kazambale wuo a tɔntɔn.

Matio 19:28

Jézu lé wo lɛ léé: Maa lé ka lɛ webozen nya léé, a bléyi é dan bɔ lɛ yé ’wo fɛnu faa kɛlɛ é dɛrɛ; dé ’bɛ bléyi bɔ, dé maa, blami Be nyana anlé webleblin tɔbɔle ta, ka lé ka da an zuo, ka dan nyana lɛ webleblin vu ta fié ta, yé ka dan Izraɛl bɛn vu ta fié lé we ble lɛ.

Matio 21:21

Jézu lé wo lɛ léé: Maa lé ka lɛ webozen nya léé, dé ka bli ’ka kɛlɛ lɛ fié lo, dé ka bli pa a gi, we lé maa a kɛlɛ bɔrɔyili lɛ, yee duo lé ka dan a kɛlɛ lɛ, yé é ziin, dé ka fe gɔ ’ko lɛ léé: ’I si ’ko, yé ibo vuli wɛyi va, é dan a kɛlɛ lɛ a zo.

Matio 21:31

Woo mi fié ’ko, a kyɛnzan ɛ é ti lé blibɔmawe kɛlɛɛ? Wa zi pa léé: A vininzan lé. Yé Jézu lé wo lɛ léé: Maa lé ka lɛ webozen nya léé, vagɔɔlisimunu valé gɔnéginilomu é dan wɔra lɛ Kazambale lé fla ka ’lɛ.

Matio 23:36

Wo dan ’bɛ wenu faa dɔ lɛ bléyi ’ko vamunu nwiin. Maa fe ka lɛ.

Matio 24:2

É lé wo lɛ léé: Ka ’bɛ faa yee? Wo va gɔlɛ lé é dan vo lɛ é ke ta ’té wo ’ka dan ’bɛ zana lɛ lo, ’bɛ gɔlɛ ’ka lo. Maa fe ka lɛ.

Matio 24:47

Maa lé ka lɛ webozen nya léé, é dan élé fɛnu faa bɛ pa lɛ a lee.

Matio 25:12

Naa, é léé: Maa lé ka lɛ webozen nya léé, maa ’ka ka dɔɔa lo.

Matio 25:40

Maa minwiinzan é dan a zi pa lɛ wo lɛ léé: Maa lé ka lɛ webozen nya léé, yi faa‐an nya lé ka we ’konu kɛlɛ an zuané kiiénénu va mi do lɛ, ka a kɛlɛ maa ɛ lɛ.

Matio 25:45

An dan a zi pa lɛ wo lɛ léé: Maa lé ka lɛ webozen nya léé, a gɔnɔ faa‐an nya lé ka ’ka we ’konu kɛlɛ lɛ an zuané kiiénénu ’ko va mi do lɛ lo, ka ’ka a kɛlɛ lɛ maa ɛ lɛ lo.

Matio 5:26

Maa lé i lɛ webozen nya léé, i ’ka dan bɔra lɛ ’bɛna lo fɔɔ, ’té i alé gɔɔli faa nɔ ɛ wo, ’té alé su do kpen ’ka vo lɛ i lee lo.

Matio 6:16

Dé ka a lɔrɔ sɔnna, té ka yara kyɛ vɔ a gi, bélé bodrɔzannu zo lo; woo yara wɔraan a ma, a gɔɔnle nya munu lɛ léé, ’wa lɔrɔ sɔnna. Wo ’wozé gooli ye; maa fe ka lɛ.

Matio 6:2

Dé i a fɛ nɔna nyanégyɛmunu lɛ, té bé pa i lɔlu ma béli nya lo, bélé bodrɔzannu a kɛla fɛan zo, a zo lo. Woo fɛ no bazorokɔnnu gi, yé woo fɛ no vuun la, munu lé wo tɔ zin bɔle we gi. Té ka kɛlɛ wo zo lo. Maa lé ka lɛ webozen nya léé, wo ’wozé ma gooli ye.

Matio 8:10

Jézu a ’ma aan wo, a gi vuru yé munu lé wo ke a zuo, é lé wo lɛ léé: Maa ’ka a ye lɛ léé, Izraɛl mi do kpen bli a é pale tegele bélé mi ’ko zo lo, maa fe ka lɛ.

Maak 10:15

Dé miomian é ’ka Kazambale plale ’é nwiin nyi sié bélé né kiéné zo lo, é ’ka dan wɔra lɛ Bale va lo. Maa fe ka lɛ.

Maak 10:29

Jézu lé a lɛ léé: Maa lé ka lɛ webozen nya léé, mian é daan élé fɛnu ma, dé alé kɔn léé, dé a bwenu léé, dé a burunu léé, dé a bu léé, dé a ti léé, dé alé nénu léé, dé alé tɛrɛnu léé, dé é daan wo ma, maa valé Wenéné ’ko lé we ma,

Maak 11:23

Maa lé ka lɛ webozen nya léé: Dé miomian é a fe gɔ blɛn ’ko lɛ léé: ’I si ’ko yé ibo vuli wɛyi va, dé a bli ’ka kɛlɛ lɛ fié a laale ma lo, naa, dé a bli vo a lɛ léé, we lé é a fe é dan kɛlɛ lɛ, a lɛ é dan sɔɔ lɛ a lɛ.

Maak 12:43

Jézu é zuomunu laa, yé é lé wo lɛ léé: Nyanégyɛ gyɛzarale ’ko, é a vɔ di é mini mi faa lé wo gɔɔli vɔ gɔɔlizéngi kɛsu gi bɛ, wo ta. Maa fe ka lɛ.

Maak 13:30

Maa lé ka lɛ webozen nya léé, munu lé wo ke ana ’bɛ bléyi va, wo faa ’ka dan ga lɛ we ’konu faa bɔle ’lɛ lo.

Maak 14:18

Wa tablé zi fɛ blena aan wo, Jézu léma: Maa lé ka lɛ webozen nya léé, ka va mi do lé é ke fɛ blena an va, é dan an pa lɛ munu lee.

Maak 14:25

Maa lé ka lɛ webozen nya léé, maa ’ka dan dɔrɔyi mini lɛ é ziin monomono lo fɔɔ, ’té an bɔ é wo Kazambale lé fuatɛrɛ la, yé maa a dɛrɛ mini.

Maak 14:30

Jézu lé a lɛ léé: Kyɔ é béli ’ko, dé manegɔné ’ka tan we lɛ a gɔnɔ fiézan nya lo, i dan a fe lɛ gɔnɔ yaa léé, ’é ’ka an dɔɔa lo. Maa fe i lɛ.

Maak 14:9

Fɛfaana lé munu é dan Wenéné ’ko fe lɛ tɛrɛ faa la, we lé lezan ’ko a kɛlɛ, wo dan a zuo fe lɛ yé lezan ’ko sele é dan dɔ lɛ munu gi. Maa fe ka lɛ.

Maak 3:28

Maa a fe ka lɛ webozen nya léé, wenyanénu valé sɔnɔwenu lé blaminu a kɛla bɛ, Bale é dan wo ma we vo lɛ ’bɛ faa ma,

Maak 6:11

Dé fɛdona munu ’ka ka si lɛ bɛn nya lo, yé wo ’ka ’wo tɔné dɔ lɛ ka lɛ lo, ’ka si ’bɛna, yé ’ka wo ma we fe wolé fla vungoi puole nya ka gane ma.

Maak 8:12

Jézu flin vɛɛɛn, yé é léma: Mɛmalé mi kulu ’ko éé tɔmase ma laan? Wo ’ka dan tɔmase gɔɔn lɛ mi kulu ’ko lɛ lo. Maa fe ka lɛ.

Maak 9:1

Jézu lé wo lɛ é ziin léé: Munu lé wo ke ’ko, wo va mi kenu ’ka dan ga lɛ lo fɔɔ yé wa ye léé, Kazambale a é plale munu nwiin plɛplɛ. Maa fe ka lɛ.

Maak 9:41

Yé dé miomian é ’yi kanané do nɔ ka lɛ, ka kɛlɛle Krist zé nya we ma, maa lé ka lɛ webozen nya léé, ’bɛzan é dan a ma gooli ye lɛ kpɔ. É ’ka dan vuru lɛ a ma lo.

WENÉNÉ LÉ LUK A GYE (Évangile selon Luc) 11:51

é sia Abɛl ma fɔɔ yé é bɔ Zakari lé wa gyɛ balebanna valé Balebangikɔn worona bɛ, a ma, wo nyɛ lé é zana bɛ, wo dan a we dɔ lɛ bléyi ’ko vamunu nwiin. Iin, maa fe ka lɛ.

WENÉNÉ LÉ LUK A GYE (Évangile selon Luc) 12:37

Wuomunu lé wozan é dan bɔ lɛ wo ma é yuɛma, wozé é dan kɛlɛ lɛ é zima. Maa lé ka lɛ webozen nya léé, wozan é dan sɔ vɔ lɛ é tɛrɛla, yé é dan wo nyana lɛ tablé zi, yé é dan fɛ nɔ lɛ wo lɛ.

WENÉNÉ LÉ LUK A GYE (Évangile selon Luc) 13:35

Ka ye, kalé kɔn é dan vo lɛ ka lɛ é koro nya; naa, maa lé ka lɛ léé, ka ’ka dan an ye lɛ é dɛrɛ lo, fɔɔ ’té ka fe é wo léé, mi lé é da Mizambale tɔ gi, a drɔɔ ’é vo ma.

WENÉNÉ LÉ LUK A GYE (Évangile selon Luc) 16:17

Bélidɔwe gyɛwɔlɛ kiiéné sanle a va a plɛplɛ é mini tɛrɛ valé la giéle ta.

WENÉNÉ LÉ LUK A GYE (Évangile selon Luc) 18:17

Maa fe ka lɛ webozen nya léé, dé miomian é ’ka Kazambale plale é nwiin nyi sié bélé né kiéné zo lo, é ’ka dan wɔra lɛ Bale va lo.

WENÉNÉ LÉ LUK A GYE (Évangile selon Luc) 18:29

Yé Jézu lé wo lɛ léé: Maa fe ka lɛ webozen nya léé, mian éé daan élé fɛnu ma, dé alé kɔn léé, dé a na léé, dé a bwenu léé, dé a lelenu léé, dé alé nénu léé, mi lé é daan wo ma Kazambale plale a nwiin lé we ma yé é ’ka wo lɛgi yé kiɛre yé é mini wo ta lao lo, ’bɛzan ’ka lo,

WENÉNÉ LÉ LUK A GYE (Évangile selon Luc) 23:43

Yé Jézu lé a lɛ léé: Kyɔ, i dan kɛlɛ lɛ an va paradi webozen nya. Maa fe i lɛ.

WENÉNÉ LÉ LUK A GYE (Évangile selon Luc) 4:24

Naa, é we taa fe léé: Maa lé ka lɛ webozen nya léé, wo ’ka balelayezan do kpen yé mi nya ébo lé tɛrɛ la lo.

WENÉNÉ LE JAN A GYE (Évangile selon Jean) 1:51

Yé é lé a lɛ léé: Ka dan la lɛ ye lɛ é sole, yé ka dan Kazambale lé lanjenu ye lɛ gona loru, ’té woo zunwo, maa blami Be ta. Maa fe ka lɛ.

WENÉNÉ LE JAN A GYE (Évangile selon Jean) 10:1

Maa fe ka lɛ kyɔ webozen nya, mian é ’ka wɔraan ’blagɔrɔ ’léé zia lo, naa, éé wɔraan a fɛ bɛna zia, é a kyeenwozan valé ’bla?-?gyɛzan nya.

WENÉNÉ LE JAN A GYE (Évangile selon Jean) 10:7

Jézu lé é ziin wo lɛ léé: Maa fe ka lɛ kyɔ webozen nya, maa a ’bla gɔrɔ ’léé nya.

WENÉNÉ LE JAN A GYE (Évangile selon Jean) 12:24

Maa fe ka lɛ kyɔ webozen nya, ’sawɔlɛ do lé wa vɔ, dé a gɔn ’ka bɔ lɛ lo, é vo é do; naa, dé a gɔn bɔ, éé baan di.

WENÉNÉ LE JAN A GYE (Évangile selon Jean) 13:16

Maa fe ka lɛ kyɔ webozen nya, miwuozan ’ka minié ézan lɛ lo, yé nwunvɔzan ’ka minié é paziazan lɛ lo.

WENÉNÉ LE JAN A GYE (Évangile selon Jean) 13:38

Jézu lé a lɛ léé: I gaan anlé we maa? Dé manegɔné ’ka tan we lɛ lo, i dan a fe lɛ gɔnɔ yaa léé, ’é ’ka an dɔɔa lo. Maa fe i lɛ.

WENÉNÉ LE JAN A GYE (Évangile selon Jean) 14:12

Maa fe ka lɛ kyɔ webozen nya, mi lé é an si, é dan an kɛlɛwenu kɛlɛ lɛ é ziin yé an gole an Ti va lé we ma lé, ’bɛzan kɛlɛwenu é dan kɛlɛ lɛ blɛn é minié anzé ta.

WENÉNÉ LE JAN A GYE (Évangile selon Jean) 16:20

Maa fe ka lɛ kyɔ webozen nya, ka dan wuvɔ lɛ, yé ka dan gyɛ bo lɛ, yé tɛrɛlamunu gi é dan nana lɛ. Ka gi kyɛ é dan dɔ lɛ, naa, kalé gi kyɛ dɔle é dan nɔla lɛ gi nanale nya.

WENÉNÉ LE JAN A GYE (Évangile selon Jean) 16:23

’Bɛ yi nya, ka ’ka dan we do kpen gi laa lɛ an lee é dɛrɛ lo. Maa fe ka lɛ kyɔ webozen nya, dé ka fɛofɛan laa an Ti lee, é dan a nɔ lɛ ka lɛ an tɔ lé we ma.

WENÉNÉ LE JAN A GYE (Évangile selon Jean) 21:18

Maa fe i lɛ kyɔ webozen nya, dé i a mi boroné nya, biibozen ɛ ilé kyɛsidi dɔa i gyɛn, yé fɛ lé ana sɔ i lɛ yé i go ana. Naa, dé i kɛlɛ segele, i dan i bɛ nwa lɛ, yé mi bɛ é dan ilé kyɛsidi dɔ lɛ, yé fɛana ’ka sɔ lɛ i lɛ lo, yé é go i nya ’bɛna.

WENÉNÉ LE JAN A GYE (Évangile selon Jean) 3:11

Maa fe i lɛ kyɔ webozen nya, we lé ko dɔɔ, yee lé ko fé, yé we lé ko ana ye, yee lé ko fé, yé ko dére ’ka goo ka ’wuo gi lo.

WENÉNÉ LE JAN A GYE (Évangile selon Jean) 3:3

Jézu lé a lɛ léé: Maa fe i lɛ kyɔ webozen nya, dé wo ’ka mi yaa lɛ é dɛrɛ lo, é ’ka dan kɛlɛ lɛ munu lé Kazambale ke é plale wo nwiin, wovazan do nya lo.

WENÉNÉ LE JAN A GYE (Évangile selon Jean) 3:5

Jézu lé a lɛ léé: Maa fe i lɛ kyɔ webozen nya, dé wo ’ka mi yaa lɛ ’yi valé Kazambale Léli nya lo, é ’ka bɔa gole lɛ Kazambale lé fla lo.

WENÉNÉ LE JAN A GYE (Évangile selon Jean) 5:19

Bɛwemalé Jézu kun wefele ma é ziin, yé é lé wo lɛ léé: Maa fe ka lɛ kyɔ webozen nya, maa Bale Be, an ’ka bɔa we do kpen kɛlɛle lɛ anbo ’wuo gi lo; we lé maa an Ti ye a kɛlɛna, yee saa lé maa a kɛla. Yé we faa lé an Ti ke a kɛlɛna, yee duo lé maa a Be ke a kɛlɛna é ziin.

WENÉNÉ LE JAN A GYE (Évangile selon Jean) 6:26

Jézu lé wo lɛ léé: Maa fe ka lɛ kyɔ webozen nya, gyɛzorowenu yele saa lé we ma‐an ka ke an naginina lo. Naa, ka buru ble yé ka kan, bɛwemalé ka ke an naginina.

WENÉNÉ LE JAN A GYE (Évangile selon Jean) 6:32

Jézu lé wo lɛ léé: Maa fe ka lɛ kyɔ webozen nya, Moizi ’ka lagi buru nɔ lɛ ka lɛ lo; naa, an Ti ɛ lagi buru bozen no ka lɛ.

WENÉNÉ LE JAN A GYE (Évangile selon Jean) 6:47

Maa fe ka lɛ kyɔ webozen nya, mi lé a bli vo an lɛ, vole é yuɛma lé a glɛ ’ka lo, é wɔra ’bɛ gi.

WENÉNÉ LE JAN A GYE (Évangile selon Jean) 6:53

Jézu lé wo lɛ léé: Maa fe ka lɛ kyɔ webozen nya, dé ka ’ka maa blami Be wi blé lo, dé ka ’ka an nyɛ minian lo, ka ’ka voo é yuɛma monomono lo.

WENÉNÉ LE JAN A GYE (Évangile selon Jean) 8:34

Jézu lé wo lɛ léé: Maa fe ka lɛ kyɔ webozen nya, dé miomian éé wenyané kɛla, ’bɛzan a wenyané lé luu nya.

WENÉNÉ LE JAN A GYE (Évangile selon Jean) 8:51

Maa fe ka lɛ kyɔ webozen nya, dé mian éé tawoo an dére ta, é ’ka dan ga lɛ monomono lo.

WENÉNÉ LE JAN A GYE (Évangile selon Jean) 8:58

Jézu lé wo lɛ léé: Maa fe ka lɛ kyɔ webozen nya, bléyian va lé Abraam ’ka lo, ’té maa ana.

1 Piɛri 1:25

Naa, Mizambale dére éé voo lɛɛfaama. Yee dére ’ko lé wa fe ka lɛ Wenéné fele nya.

Wegɔɔnle 20:11

A zuo maa webleblin fu blɛn valé étazan ye. Tɛrɛ valé la fwi a lee baa, yé wo dɔna ’ka é dɛrɛ lo.