Matio 5:12 - Kazambale lé Sebe Sauunu 1979

¹² Ka bli ’é vo drɔɔ yé ’ka vo gi nanale blɛn gi, naa, ka gooli é dan kɛlɛ lɛ blɛn la gi. A zo duo lé balelayemunu lé wo ke ka ’lɛ é vinin, wo nyané pa wo ta yee ɛ zo.

Matio 5:12 ပူးပေါင်းရင်းမြစ်များ

Wepélisiananu 15:1

We ’konu bɔle zuo, Gakelebale we fe Abram lɛ yuɛzi gi, yé é léé: Abram, té i kana pelo. Maa a i takuunfɛ nya, yé maa dan i gooli pa lɛ blɛn.

1 Minwiinzannu 18:13

Dé Jézabɛl a Gakelebale lé balelayezannu gyɛna, we lé maa a kɛlɛ, wo ’ka a fe lɛ anzan lɛ loo? Maa balelayezannu yɔ soru yɔɔ mi yɔ fié wɔlɛ vu vu gɔmagurunu gi yé maa buru valé ’yi nɔ wo lɛ.

1 Minwiinzannu 18:4

bléyian va lé Jézabɛl Gakelebale lé balelayezannu kulu ga, Abudias balelayezannu si yɔ soru yé é wo yɔɔ mi yɔ fié wɔlɛ vu vu gɔmagurunu gi, yé é buru valé ’yi nɔ wo lɛ.)

1 Minwiinzannu 19:2

Jézabɛl mi nwunvɔ Éli va a fele a lɛ we gi léé: Tɛlɛ, bléyi ’ko va, i we kɛlɛ wo lɛ fɛan zo, dé maa ’ka we kɛlɛ lɛ bii lɛ a zo lo, balenu ’é we kɛlɛ an lɛ wolé plɛplɛ faa nya ma.

1 Minwiinzannu 21:20

Akab lé Éli lɛ léé: An nyanézan, i an yee? Yé é a zi pa léé: We lé ke é naané Gakelebale yuɛ gi, ibo nɔ a kɛlɛle lɛ, amalé maa i ye.

1 Minwiinzannu 22:8

Izraɛl nwiinzan a zi pa Jozafat lɛ léé: Mi do ana é ziin yé ko bɔa we laale lɛ Gakelebale lee ’bɛ nya; naa, a za a an gi, é ’ka balelawe zin fé an lɛ monomono lo, é balelawe naané saa ɛ fé, azama. Jimla be Misé lé. Yé Jozafat léé: Té minwiinzan é we fe ’bɛ zo lo ma.

2 Minwiinzannu 1:9

É mi yɔ fié wɔlɛ vu valé ’wo nwiinzan nwunvɔ Éli va. Wo nwiinzan ’ko go Éli va, ’té ’bɛ a é nyanale gɔ nwiin, yé é lé Éli lɛ léé: Bale lé mi, minwiinzan léé, ’i zun.

2 Minwiinmunu lé Wezuofe Sɛbɛ 16:10

Aza bli fli fɛnayezan ma, yé é a vɔ bokɔn gi. A bli fli, azama. ’Bɛ bléyi duo nya, Aza yaa mi kenu ta.

2 Minwiinmunu lé Wezuofe Sɛbɛ 36:16

Naa, wo Bale lé nwunvɔzannu ma we nana; wo lɔlu plɛn ’bɛnu dérenu ma, yé wo yéri si alé balelayezannu ma, fɔɔ, yé Gakelebale lé bliflile élé munu ma gié é glɛ la.

Néémi 9:26

Naa, duowo, wo péli vɔ i ma yé wo nwa i ma. Wo ilé bélidɔwe vo ’wo bɛ zuo; ilé balelayezannu lé woo we plaan munu lɛ léé, ’wo da i va é ziin, wo wo gyɛ, yé wo i gɔɔn é naané.

Lɛrɛvɔ Sɛbɛ 19:11

Wo wea é mini kyan lɛ, é mini kyan tegele kiɛre ta; Wo néné mini zɔrɔnyɔnɔ ta, é mini zɔrɔnyɔnɔ lé éé sié zɔrɔyoduo gi, ’té éé yoroan, a ta.

Lɛrɛvɔ Sɛbɛ 58:11

Dé mi tegele we lɛgi pale ye tɔɔn, ’té a gi éé nanama, É dan é ganenu ma zuru lɛ mi nyanénu nyɛ nya.

Wegɔnévɔlenu 11:18

Mi nyané éé dabli tɔnɔ yé, naa, mi lé éé we tegele kɛla, éé gooli bozen yé.

Ézai 3:10

’Ka fe léé, mi tegele bɛ ma é dan kɛlɛ lɛ néné; a gi é dan nana lɛ é kɛlɛwenu tɔnɔ ma.

Jérémi 2:30

Maa ilé nénu bla, naa, ’bɛ tɔnɔ ’ka lo. Anlé we lɛdɔle wo gi ’ka wo yuɛ gi bɔ lɛ lo. Ka balelayezannu gyɛ gwɔun nya bélé fɛan zo lé golizra éé mi gya, a zo.

Jérémi 26:8

We faa lé Gakelebale a pa Jérémi ’léé, léé, ’é a fe munu faa lɛ, é nyaa aan wo a faa fele nya, yé Balebanzannu koo, balelayezannu koo, munu faa koo, wa kun, yé wo léé: Ko i gya!

Jérémi 37:14

Jérémi lé a lɛ léé: Vié bɛ. Maa ’ka an péli vɔna Kaldé munu va lo. Naa, Jiréija ’ka a nyi si lɛ lo, yé é go Jérémi nya minwiinzannu va.

Matio 16:27

Maa blami Be, an dan da lɛ an Ti lé fua tɔbɔle nya, é valé alé lanjenu nya, yé maa dan mi faa gooli pa lɛ do do wo kɛlɛwenu yɛrama.

Matio 6:16

Dé ka a lɔrɔ sɔnna, té ka yara kyɛ vɔ a gi, bélé bodrɔzannu zo lo; woo yara wɔraan a ma, a gɔɔnle nya munu lɛ léé, ’wa lɔrɔ sɔnna. Wo ’wozé gooli ye; maa fe ka lɛ.

WENÉNÉ LÉ LUK A GYE (Évangile selon Luc) 13:34

Jérusalɛm munuoo, Jérusalɛm munu! Ka lé ka balelayemunu gya, ’té munu lé maa wo paan ka lɛ zia ka wo gya gɔlɛ nya, gɔnɔ kiɛre nya maa a a va léé, maa ka wɔra an va bélé fɛan zo lé mane tina é élé nénu wɔraan é bɛa wuo, a zo, yé ka ’ka a nyi si lɛ lo.

WENÉNÉ LÉ LUK A GYE (Évangile selon Luc) 6:23

’Bɛ yi la ka gi ’é nana fɔɔ nɛnɛ bole nya, naa, ka gooli é dan kɛlɛ lɛ blɛn la gi. A zo duo lé wo tranu a kɛlɛ balelayemunu lɛ.

WENÉNÉ LÉ LUK A GYE (Évangile selon Luc) 6:35

Naa, ka nyanézannu ’é sɔ ka lɛ ma, yé ’ka wezin kɛlɛ ma; ’ka drɔn pa mi ma, yé té ka bli é vo a lɛgi yele lɛ lo ma. Ka gooli é dan kɛlɛ lɛ blɛn, yé ka dan kɛlɛ lɛ Loruzan benu nya; naa, éé wezin kɛla bɔvɔalozannu valé wenyanékɛlɛzannu lɛ.

Kelewenu 16:25

Tu méléna, Pɔl valé Silas a bazorona ’té woo lɛrɛ vɔa Kazambale tɔ zin fele nya, ’té bokɔngimunu a maan.

Kelewenu 5:41

Nwunvɔzannu si webolikinimunu va yé wo gi nana léé, Kazambale a ye léé, wo dɔle nyané blele wuo Jézu tɔ ma yara lé.

Rom munu 5:3

Yé ’bɛ ta loru, ko gi a nanana kolé kleblelenu gi, naa, ko gi dɔɔ léé, kleblele éé dan yara pale we la nya,

1 Korent munu 3:8

Mian éé fɛ vɔa koo, mian éé ’yi zén‐é a ta koo, wolé we a do, yé wo dan wo fiénu banwo lɛ wo panyanama yɛrama.

2 Korɛnt Munu 4:17

Kolé klenu ’ka we do nya lo yé wo dan nyaa lɛ laoɛ. Wo ma tɔnɔ é dan kɛlɛ lɛ fuasan lé ke fɛ boen nya, ’té a glɛ ’ka lo, a nya. É gié mi lé gi bɔrɔle faa ta.

Filip munu 1:29

Naa, Bale blɛ kɛlɛ ka lɛ Krist pli zi, léé, ka bli ’é vo Krist lɛ, yé ’bɛ saa kaan lo; ’bɛ ta loru, é blɛ kɛlɛ ka lɛ léé, ka nyané ble Krist lé we ma.

Filip munu 2:17

Dé wo kalé blipale nɔ Kazambale lɛ bélé saraka zo, dé a ta’yi kɛlɛ an nyɛ nyaoo, ’bɛ an gi nanaan, yé kaa faa gi ’é nana ékeva.

Kolɔs munu 1:24

Kle lé maa a blena kalé we ma, éé an gi nanaan. Krist kɔlɛ lé ke léglizigimunu nya, a ma kleblele lé wo vo, maa a a lɛ sɔɔna an kɔlɛ nya.

Kolɔs munu 3:24

ka a gi dɔɔ léé, ka dan tɔnɔ ye lɛ ka ban nya Mizan va. ’Ka kɛlɛ Mizan Krist lé luu nya ma.

1 Tɛsalɔnik munu 2:15

Juifinu ’konu ɛ Mizan Jézu valé Balelayemunu gyɛ, wo ɛ nyané pa ko ta. Wo ɛ kɛlɛwe ’ka sɔ lɛ Kazambale lɛ monomono lo; wo ɛ ke munu faa nyanézannu nya.

Ébrunu 10:34

É ziin, ka nyanai zén bokɔngimunu ta, yé dé wo kalé fɛnu si ka lee, ka gi nana ’bɛ ma, naa, ka gi dɔɔ léé, fɛ zin babanu lé wo ’ka nyaan lo, wa ka lee.

Ébrunu 11:26

A sɔnɔ lé wa wo Krist lé we ma, é a ye fuafɛ blɛn nya é mini Éjipiti fuafɛnu ta, naa, a bli a é gooli lɛ tegele.

Ébrunu 11:33

Blipale nya lé wo bɛntɛrɛnu kele, wo we tegele kɛlɛ, wo dɔ blivolɛdérenu ta, wo golizranu lɔlu lɛ tan;

Ébrunu 11:6

naa, dé mi bli ’ka Kazambale lɛ lo, ’bɛzan ’ka bɔa sɔle lɛ Kazambale lɛ lo. Naa, mian éé biéan Kazambale sɔnɔ é a lé é pa a ta léé, Bale a, yé munuan wa naginina é a wo goolipazan nya.

SEBE LÉ JAK A GYE (Épitre de Jacques) 1:2

An bwenu, wa ka gi danna bɛ faa ma fɛan zo bɛ, ka gi ’é nana a we ma ma.

SEBE LÉ JAK A GYE (Épitre de Jacques) 5:10

An bwenu, Balelayemunu lé wo we fe Mizan tɔ gi, ’ka wo si kalé wekɛlɛmazannu nya, nyanéblele valé bli tiéé gi.

1 Piɛri 4:13

Naa, ka gi ’é nana léé, nyanénu lé Krist a ble, kazé a wo va, yé ka gi ’é nana fɔɔ yé é gié a glɛ la, Krist lé fua nagɔɔn yi nya.

RUT (Ruth) 2:12

Gakelebale ’é a lɛi kɛlɛ i lɛ ma; Gakelebale Izraɛl lé Bale lé, i da i ta yɔɔ lɛ a bɛ wuo, ’é i banwo tegele ma.