Matio 4:4 - Kazambale lé Sebe Sauunu 1979

⁴ Naa, Jézu a zi pa a lɛ léé: Wa gyɛ Kazambale lé sɛbɛ gi léé: Mi ’ka voo é yuɛma fɛblele saa nya lo, naa, mi éé voo é yuɛma dére faa lé éé sié Kazambale ’léé, yee ɛ nya.

Matio 4:4 ပူးပေါင်းရင်းမြစ်များ

Fwile 16:15

Izraɛl lé nénu a nagini yé wo lé ’wo ke lɛ léé: Mɛ fɛ léé? naa, wo ’ka a dɔɔ lɛ lo. Moizi lé wo lɛ léé: Buru lé Gakelebale a nɔ ka lɛ kalé fɛblele nya, yee lé.

Fwile 16:35

Izraɛl lé nénu mana ble lɛɛ yɔ fié, fɔɔ yé wo bɔ tɛrɛ lé munu nyanaan a ta, ana; wo mana ble fɔɔ yé wo bɔ Kanaan tɛrɛ glɛ la.

Fwile 16:8

Moizi léé: Gakelebale é dan wi nɔ lɛ ka lɛ é nyanadi ’ko, yé tɛlɛ bladi ka dan kan lɛ buru nya, gun lé ka a gyɛ Gakelebale ma, é a ’ma, ’bɛzama; naa, ko a de ɛ nyaa? Ko ma‐an ka gun gyɛ lo, Gakelebale ma lé ka kɛlɛ.

Fwile 23:15

Buru lé lévɛn ’ka a va lo, ’ka ’bɛlé fɛti kɛlɛ; bléyi lé wa dɔ, ’sa sola moné nya, buru lé lévɛn ’ka a va lo, i dan a ble lɛ yi sɔrafié nya, maa i bélidɔ fɛan zo, a zo, moné ’ko gi lé ka fwi Éjipiti tɛrɛ la, azama; té wo da wo lee koro nya an yara lo.

Matio 15:11

Fɛ lé éé wɔraan mi ’léé, é ’ka mi tiri dɔa lo, naa, we lé éé bɔraan mi ’léé, yee ɛ mi tiri dɔa.

Matio 4:10

Jézu lé a lɛ léé: Satan, ’i si an ma. É a é gyɛle Kazambale lé sɛbɛ gi léé: ’I ’wuo tua Mizan izé Bale lɛ, yé ’i yee do kpen ɛ bɔ.

Matio 4:7

Jézu lé a lɛ léma: É a é gyɛle é ziin Kazambale lé sɛbɛ gi léé: Té i Mizan ilé Bale gi dan lo.

Maak 7:20

É lé é ziin léé: We lé éé sié mi gi, yee ɛ mi tiri dɔa.

WENÉNÉ LÉ LUK A GYE (Évangile selon Luc) 4:12

Jézu a zi pa a lɛ léé: Wo léé: Té i Mizan izé Bale gi dan lo.

WENÉNÉ LÉ LUK A GYE (Évangile selon Luc) 4:4

Yé Jézu a zi pa a lɛ léé: Wa gyɛ Bale lé sɛbɛ gi léé: Mi ’ka voo é yuɛma fɛblele saa nya lo.

WENÉNÉ LÉ LUK A GYE (Évangile selon Luc) 4:8

Jézu a zi pa a lɛ léé: Wa gyɛ Bale lé sɛbɛ gi léé: ’I ’wuo tua Mizan izé Bale lɛ, yé i yee do kpen ɛ bɔ.

WENÉNÉ LE JAN A GYE (Évangile selon Jean) 15:26

Tɔrɔpaazan lé, maa dan a pa lɛ ka lɛ zia an Ti tɔ gi, yee ɛ ke webozen Léli lé éé sié an Ti va, a nya, dé é da é dan anlé we fe lɛ;

WENÉNÉ LE JAN A GYE (Évangile selon Jean) 6:63

Léli ɛ mi vo é yuɛma; mi kɔlɛ lé we tɔnɔ ’ka lo. Dérenu lé maa wo fe ka lɛ bɛ, wa léliwe nya yé wo ɛ mi vo é yuɛma.

Rom munu 15:4

Yé we faa lé wa gyɛ é kyɛn sɛbɛ gi, wa gyɛ we paale kaa gi we ma, léé, kaa bli ’é kɛlɛ we lɛ. Dé kaa bli kɛlɛ tiéé, ’té Kazambale lé sɛbɛ éé kaa tɔrɔ paan, ’bɛna lé kaa bli é dan kɛlɛ lɛ we lɛ.

Éfez munu 6:17

Yé é ziin, ka silewegi lé é ke kanakoro nya, ’ka a sia, é valé Kazambale Léli lé gwɔun lé é ke Kazambale dére nya bɛ, a nya.

Bélidɔwesɛbɛ Fiézan 8:3

É ka tua, é ka gyɛ lɔrɔ nya, yé mana lé ka ’ka a dɔɔ lɛ lo, yé ka tranu ’ka a dɔɔ lɛ é kyɛn lo, é a nɔ ka lɛ blefɛ nya; é fɛ ’ko nɔ ka lɛ kalé a gi dɔɔle we gi léé, mi ’ka voo é yuɛma fɛblele saa nya lo, naa, mi éé voo é yuɛma dére faa lé woo sié Gakelebale ’léé, wo ɛ nya.