Matio 4:17 - Kazambale lé Sebe Sauunu 1979

¹⁷ É sia bléyi ’ko va, Jézu kun Bale lé wefele ma, yé é léma: Kazambale plale mi nwiin bɔ é pu, amalé ’ka bli nɔla.

Matio 4:17 ပူးပေါင်းရင်းမြစ်များ

Matio 10:7

’Ka go, ’ka fe munu lɛ léé: Kazambale plale mi nwiin bɔ é pu.

Matio 11:12

É sia mi batizéwozan Jan bléyi va fɔɔ kyɔ bléyi ’ko va, Kazambale plale mi nwiin a botunuwe nya, yé nyanazannu ɛ a yé gla nya.

Matio 13:11

Jézu lé wo lɛ léé: Wa se kɛlɛ ka lɛ léé, ka Kazambale plale mi nwiin lé weyɔɔlenu dɔɔ yé wo ’ka ’bɛ se kɛlɛ lɛ wo lɛ lo, ’bɛzama.

Matio 13:24

É gɔné bɛ vɔ wo lɛ yé é léé: Kazambale plale mi nwiin a bélé mi lé é ’sawɔlɛ zima nwɛɛn élé féi, a zo.

Matio 13:47

Yé é ziin, Kazambale plale mi nwiin a bélé séli lé wa nwɛɛn‐an wɛyi va, ’té éé pɔ gɔnɔ faa gya, a zo.

Matio 13:9

Mi lé we ’ma tɔné ke a ’wuo ma, ’bɛzan a ’ma ma.

Matio 25:1

Kazambale plale mi nwiin a bélé blɛn vu lé gɔné ’ka tan wo dɔɔ lɛ le nya lo, wolé we zo.

Matio 3:2

É léé: Kazambale lé plale mi nwiin bɔ é pu, amalé ’ka bli nɔla.

Matio 6:10

ilé plale munu nwiin ’é da ma; fɛan zo lé woo ilé sɔlɛwe kɛla la gi na, a zo lé ’wa kɛlɛ tɛrɛ la ’ko ma.

Matio 9:13

’Ka go, yé ’ka gi bɔrɔ we ’ko ma, dé a gi lé nɔɔ? Nyanai zénle ɛ sɔa an lɛ, yé saraka bole ’ka sɔa an lɛ lo. An ’ka da lɛ mi tegelenu laa lɛ lo; an da wenyanékɛlɛmunu ɛ laa lɛ.

WENÉNÉ LÉ LUK A GYE (Évangile selon Luc) 15:10

A zo duo lé, maa fe ka lɛ, dé wenyanékɛlɛzan do kpen é bli nɔla, la gi munu faa gi é dan nana lɛ Kazambale lé lanjenu va, alé we ma.

WENÉNÉ LÉ LUK A GYE (Évangile selon Luc) 15:7

A zo duo lé, maa lé ka lɛ léé, wenyanékɛlɛzan do kpen lé é bli nɔla, a ma gi nanale a blɛn la gi é mini mi tegele yɔ ziɛn wɔlɛ vu ta sɔraziɛn lé wo ma we ’ka ’wo bli nɔlale gi lo, wozé ta.

WENÉNÉ LÉ LUK A GYE (Évangile selon Luc) 24:47

yé wo dan bli nɔlale valé mi ma we vole lé we fe lɛ a tɔ nya bɛnnu faa lɛ, é sia Jérusalɛm.

WENÉNÉ LÉ LUK A GYE (Évangile selon Luc) 3:23

Jézu lɛɛ kɛlɛ aan wo, dé yɔ do wɔlɛ vu léé? é kun élé nyanama pale ma. Yé é dɔ munu gi léé, é a Jozɛfu be nya, yé Jozɛfu a Ééli be nya,

WENÉNÉ LÉ LUK A GYE (Évangile selon Luc) 5:32

An ’ka da lɛ mi tegelenu laa lɛ léé, ’wo bli nɔla lo, naa, an da wenyanékɛlɛmunu ɛ laa lɛ.

WENÉNÉ LÉ LUK A GYE (Évangile selon Luc) 9:2

É wo nwunvɔ Kazambale plale mi nwiin lé we fele valé gyɛgyɛmunu bélile we gi.

Kelewenu 11:18

Bale lé munu we ’ko ’ma aan wo, wo bli vo drɔɔ, yé wo Kazambale tɔ zin bɔ a fele nya léé: Kazambale bli nɔlale nɔ é ziin bɛn bɛnu lɛ, wo vole é yuɛma we gi.

Kelewenu 17:30

Bléyian va lé munu ke wo tanyila, Kazambale ’ka wolé wenyané pa lɛ é ’wuo gi we nya lo. É yi do dɔ, ’bɛ yi nya wo dan tɛrɛlamunu faa lé we ble lɛ tegele. Mi lé é a dɔ weblezan nya, é ’bɛzan nwa gamunu va, yee ɛ ke munu faa lé tɔmase zin nya léé, Kazambale a dɔ weblezan nya. Amalé, lao, é munu faa béli dɔ fɛfaana léé, ’wo ’wo bli nɔla ma.

Kelewenu 2:38

Piɛri lé wo lɛ léé: ’Ka bli nɔla ma, yé ’wo ka faa batizéwo Jézu Krist tɔ nya, Bale lé ka ma we vole we gi, yé ka dan Léli Sauun ye lɛ blɛ nya.

Kelewenu 20:21

yé an we fe Juifinu valé Grɛkinu lɛ léé, ’wo bli nɔla Kazambale vazia yé ’wo bli vo Kozan Jézu Krist lɛ.

Kelewenu 26:20

Maa we fe munu lɛ léé, ’wo bli nɔla yé ’wo zi nɔla yé ’wo da Kazambale va yé ’wo blinɔlale lé kɛlɛwe kɛlɛ ma. É vinin maa fe Damas munu lɛ, ’bɛ zuo maa fe Jérusalɛm valé Judé munu faa lɛ, bɛn bɛnu koo, maa a fe ’bɛnu é lɛo.

Kelewenu 3:19

Bɛwemalé, ’ka bli nɔla, yé ’ka zi nɔla kalé wenyané ’yibole we ma,

Ébrunu 6:1

Bɛwemalé Krist lé we vininzannu lé wa paa ka gi, té kaa vo ’bɛ saa ma lo. Sɔnvɔle mi kɛlɛwenu lé ke bélé fɛ gale zo, wo ma, ’bɛ koo, bli vole Kazambale lɛ koo, batizé lé we paale koo, bɛ plale mi ta koo, gamunu nwale koo, welɛdɔle mi gi lé a glɛ ’ka lo koo, ’bɛ faa a a pélisia la we nya, amalé té ka vo ’bɛ saa ma lo. ’Ka yara pa we lé éé gun sié mi ma, a kɛlɛle ta.