Matio 3:7 - Kazambale lé Sebe Sauunu 1979

⁷ Juifinu palu do ana, woo wo laama Farizimunu. Wo dɔ bélidɔwe gi plɛplɛ. Juifinu palu do ana é ziin, wo ’bɛnu laama Sadusémunu. Naa, Farizimunu valé Sadusémunu kiɛre da Jan lé mi batizéwona nagini lɛ. É wo ye aan wo, é lé wo lɛ léé: ménénwunnu bɛn, de ɛ we paa ka gi léé, bliflile lé é dan da lɛ bɛ, ka fwi a ’lɛɛ?

Matio 3:7 ပူးပေါင်းရင်းမြစ်များ

Wepélisiananu 3:15

Maa dan guli pa lɛ bii valé lezan méléna, a kulu valé i kulu méléna; a kulu é dan i ’wuo wii lɛ yé i kulu é dan suiɛ dɔ lɛ a kulu ganetɛn ma.

Wegɔnévɔlenu 28:4

Mi lé éé sɔn vɔa bélidɔwe ma, éé mi naanénu tɔ zin fé, naa, mi lé éé bélidɔwe ta tawoo a bli éé flian wo ma.

Ézai 59:5

Ka buaan bɔménéluzanuo nyɛné ta yé ka kolotɔné duaan vɔa. Mian é wo nyɛné blé, éé gaan; yé dé wa do ’wii, éé bɔraan a gi ménénwunu nya.

Jérémi 51:6

’Ka fwi Babilɔn, yé ka faa é vo é yuɛma, dé ka da zamaga wo a sɛrɛbléyi va. Naa, é a Gakelebale lé we lɛgi pabléyi nya; é dan alé we lɛgi pa lɛ a kɛlɛwenu yɛrama.

Jérémi 6:10

Maa dan we fe lɛ mi kyɛn lɛɛ? Yé mi kyɛn lé maa sié anlé wenayezan nya, yé wo tɔné dɔ an lɛɛ? Bé ye, wo tɔné ’ka voo Bale dére lɛ lo, yé wo ’ka bɔa ’wo tɔné dɔle lɛ we lɛ lo. Gakelebale dére a wo yuɛ gi serelebomafɛ nya, é ’ka wo gi nanamawe nya lo.

Matio 12:24

Farizimunu ’bɛ ’ma aan wo yé wo léé: Yonufaatagɔné Béɛlzébul lé plɛplɛ nya lé éé yonu sié munu gi.

Matio 12:34

Ménénwunnu bɛn, ka a mi plenu nya bɛan zo, ka kɛla kaa yé ka we zima fee? We lé éé mi bli faan, éé bɔraan a ’léé wefele nya.

Matio 15:12

Yé a zuomunu bié yé wo lé a lɛ léé: Bé gi dɔɔ léé, dérenu lé bé fe bɛ, é ’na Farizimunu maa?

Matio 16:1

Farizimunu valé Sadusémunu bié Jézu va a gi danle we gi yé wo léé: ’I tɔmase do si ko lɛ la gi.

Matio 16:6

Yé Jézu lé wo lɛ léé: ’Ka yuɛ pa kabozen va é zima Farizimunu valé Sadusémunu lé lévɛn lé we ma.

Matio 22:15

Yé Farizimunu go yé wa kwa kulina wo méléna léé, ’wo dia Jézu zi yé abo dére a kun we nya.

Matio 22:23

Juifinu palu do ana, woo wo laama Sadusémunu, wo léé: Mi ’ka nwaan gale va lo. Yee yi duo nya, wo da Jézu va yé wo we laa a lee léé:

Matio 22:34

Farizimunu a ’ma aan wo léé, Jézu Sadusémunu lɔlu ga, wo zén ékeva,

Matio 23:33

Ménénu, ménénwunnu bɛn, ka kɛla kaa yé ka ’ka dan kle ble lɛ jéɛna kyɛ va loo?

Matio 5:20

Maa lé ka lɛ léé, dé kazé Kazambale zuo tawole tegele ’ka minié sɛbɛgifemunu valé Farizimunu zé ta lo, dé Kazambale lé plale mi faa nwiin da bléyian va, kazé ’ka dan kɛlɛ lɛ a va lo.

Maak 12:13

Yé mi segelenu Farizimi kenu valé Érɔd zuo mi kenu nwunvɔ Jézu va, léé, ’wo dia a zi yé abo dére a kun we nya.

Maak 12:18

Sadusémunu léé: Mi ’ka nwaan gale va lo. Munu ’ko, wo bié Jézu va, yé wo we ’ko laa a lee léé:

Maak 8:15

Jézu we pla wo lɛ léé: ’Ka yuɛ pa kabozen va é zima Farizimunu valé Érɔd lé lévɛn lé we ma.

WENÉNÉ LÉ LUK A GYE (Évangile selon Luc) 16:14

Gɔɔli sɔ Farizimunu lɛ é baba, amalé wo ’bɛ we ’ko faa ’ma aan wo, wo Jézu ma we nana.

WENÉNÉ LÉ LUK A GYE (Évangile selon Luc) 18:11

Yee lé ke Farizimi nya, é dɔ loru, yé é bazoro ébo lɛ ’ko zo, léé: Oo Bale, maa i bɔ vɔa léé, maa ’ka bélé mi pɔnénu lé wo ke mitablezannu koo, mi plenu koo, leginizannu koo, é ziin vagɔɔlisizan ’ko koo, wo zo lo;

WENÉNÉ LÉ LUK A GYE (Évangile selon Luc) 7:30

Naa, zi lé Kazambale léé, mi ’é tawo a ta, Farizimunu valé bélidɔwedɔɔmunu a kɛlɛ boazi nya ’wo vazia sɔn vɔle nya Jan lé ’wo batizéwole ma.

WENÉNÉ LE JAN A GYE (Évangile selon Jean) 1:24

Munu lé, wo ’bɛnu nwunvɔ, wa Farizimunu nya.

WENÉNÉ LE JAN A GYE (Évangile selon Jean) 8:44

Ka ti a yonufaatagɔné nya, yé é sɔ ka lɛ léé, ka ka ti lé blibɔmawe kɛlɛle lɛ sɔɔ. A pélisia bléyi va fɔɔ kyɔ é a migyɛzan nya yé é ’ka dɔa wezen zuo lo. Wezen ’ka a gi lo, ’bɛzama. É a viéwozan nya, yé é a vié faa ti nya, bɛwemalé dé é a vié wona, ’té é a ébo dére vɔna.

WENÉNÉ LE JAN A GYE (Évangile selon Jean) 9:40

Farizimi kenu lé wo ke ana bɛ, wo dére ’konu ’ma aan wo yé wo lé a lɛ léé: Ko é ziin, ko a yuɛwiizannu nyaa?

Kelewenu 15:5

Yé Farizimi kenu lé wo bli ke Jézu lɛ, wo nwa, yé wo léé, é a lé wo bɛn bɛnu gane dɔ, yé ’wa fe wo lɛ léé, ’wo Moizi lé bélidɔwe kɛlɛ.

Kelewenu 20:31

Lɛɛ yaa gi maa ’ka daan lɛ we plale ma ka lɛ lo, é béli koo, é yiéyi koo, maa vo we plana ka faa do do lɛ an yuɛyi zénle nya. ’Bɛ sele ’é dɔ ka gi ma. Bɛwemalé ’ka vo é vuole.

Kelewenu 26:5

Dé é sɔ wo lɛ léé, wa fe, wa dɔɔ é kyɛn léé, maa a Farizimi nya. Palu lé é ke tegele é mini é bɔlunu ta kolé bazorozi ta, maa a a va mi do nya.

Kelewenu 5:17

Naa, Balebanmunu ’lɛzan valé Sadusémunu lé wo ke a va, wo bli a é fanle nwunvɔzannu ma maawole nya yé wo nwa,

Rom munu 1:18

Munu lé wo webozen gi sɛra wolé weple kɛlɛle nya, Kazambale bli a flina wo ma la gi wolé Kazambale lé zi ma wenyané fele faa valé wolé weple faa lé we ma.

Rom munu 5:9

Ko kɛlɛ tegele sin a nyɛ nya ’naan, é ’ka dan ko si lɛ bliflile wuo é ziin loo?

1 Tɛsalɔnik munu 1:10

Yé Bale Be Jézu lé é a nwa gamunu va bɛ, ’té éé ko sié Bale lé bliflile lé é dan da lɛ bɛ, a wuo, ka a a sile la gi lɛbɛnna fɛan zo, wa faa zuo fe ko lɛ.

Ébrunu 11:7

Kazambale tɛlɛ tɛlama we fe aan wo Noé lɛ, kana zén a gi, yé blipale nya lé é ’yitagoro do kɛlɛ yee valé é kulu sile we gi we ma; alé blipale nya lé é we dɔ tɛrɛlamunu nwiin, yé kɛlɛle tegele lé mi a yé blipale ma, é a ye ézé nya.

Ébrunu 6:18

Yé we fié ’ko lé wo ’ka nɔlaan monomono lo, ’té Kazambale ’ka bɔaléé, é viéwo wo gi lo, woo plɛplɛ no kaa lɛ. Kaa lé, kaa kaa yɔɔna ye, we fié ’ko, woo plɛplɛ no kaa lɛ, yé yee yɔɔna lé é ke blivolɛdére lé Bale a fe kaa lɛ, a nya.

1 Jan 3:10

We ’ko ma lé woo Kazambale lé nénu dɔɔan yé woo yo lé nénu dɔɔan. Dé miomian é ’ka we tegele kɛla lo, ’té é ’ka Kazambale zé nya lo, yé mianzan bwe ’ka sɔ lɛ ’é lɛ lo, ’bɛzan ’ka Kazambale zé nya lo é ziin.