Matio 28:20 - Kazambale lé Sebe Sauunu 1979

²⁰ yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

Matio 28:20 ပူးပေါင်းရင်းမြစ်များ

Wepélisiananu 39:21

Gakelebale a Jozɛfu va yé é wezin kɛlɛ a lɛ. É a kɛlɛ mi zin nya bokɔngimunu nwiinzan yuɛ gi.

1 Minwiinzannu 1:36

Jéojada be Bénaja a zi pa minwiinzan lɛ léé: ’É kɛlɛ a zo. Gakelebale, anzan minwiinzan lé Bale, ɛ fe a zo.

Minwiinzannu lé Wezuofe Sɛbɛ 16:36

Gakelebale, Izraɛl munu zé Bale, A drɔɔ ’é vo ma, lɛɛfaama a glɛ ’ka lo. Yé munu faa a fe léma: Amɛɛn. ’Ka Gakelebale tɔ zin fe.

Lɛrɛvɔ Sɛbɛ 46:11

’Ka da, yé ’ka we ’ko dɔɔ ma: maa a Bale nya, Maa ɛ ke bɛnnu nwiin, maa ɛ ke tɛrɛ nwiin.

Lɛrɛvɔ Sɛbɛ 46:7

Bɛnnu wo gi gunu yé wolé plale mi nwiin ma nyɔɔn; Bale we do fe yé tɛrɛ ’yi bo kanale nya.

Lɛrɛvɔ Sɛbɛ 72:19

’Wo a tɔ zin bɔle drɔɔ vo yifaama ma! Tɛrɛ faa ’é fan a tɔbɔle nya ma! Amɛɛn! Amɛɛn!

Fwile 3:12

Kazambale léé: Maa dan kɛlɛ lɛ i va; dé i munu si Éjipiti tɛrɛ la ka dan Kazambale bɔ lɛ gɔ ’ko nwiin; ’bɛ dan kɛlɛ lɛ tɔmase nya i lɛ léé, maa ɛ i nwunvɔ.

Fwile 8:27

We lé Moizi a laa, Gakelebale a kɛlɛ; dirimabounu si Faraɔn koo, é wuozannu koo, élé munu koo, wo ma baa. A do kpen ’ka vo lɛ lo.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Jérémi 26:2

Gakelebale léma: ’I dɔ Gakelebale lé kɔn gɔrɔ gi yé munu lé wo si Juda flanu faa la yé wo dia ’wo bli la Gakelebale lé kɔn gi, dérenu faa lé maa i béli dɔ a nya, bé fe wo lɛ. Té i paa a do kpen zi lo.

Ézékiɛl 46:10

Dé wo wɔra ana bléyian va, minwiinzan é dan wɔra lɛ wo va, yé dé wa bɔrana bléyian va, é dan bɔra lɛ wo va.

Matio 1:23

Bé ye, blɛn lé gɔné ’ka tan a dɔɔ lɛ le nya lo, é dan bɔn si lɛ yé é dan négɔné do yaa lɛ. Wo dan a tɔ pa lɛ Emanuɛl, ’bɛ gi léé, Bale a ko va.

Matio 13:49

A zo duo lé é dan kɛlɛ lɛ tɛrɛla nyaabléyi va. Lanjenu é dan da lɛ weplekɛlɛmunu si lɛ mi tegelenu va,

Matio 18:20

Dé é a mi fié nyaoo, dé é a mi yaa nyaoo, fɛana lé woo zén‐é ékeva an tɔ gi, maa ana wo méléna.

Matio 24:3

É nyana Ɔlivi gɔ nwiin yé a zuomunu da we ’ko laa lɛ a lee, ’té wa wo saa, yé wo léé: Bé gi fe ko lɛ, ’bɛ é dan bɔ lɛ mɛ yi laa, yé i dale valé tɛrɛla nyaale tɔmase é dan kɛlɛ lɛ kaa?

Matio 6:13

Té i go ko nya ko gi danna lo; ’i ko si Satan lé plɛplɛ wuo. Plale mi nwiin koo, plɛplɛ koo, fuablele koo, wa izé nya lɛɛfaama. Amɛɛn.

Maak 16:20

Yé wo go Bale lé we fe lɛ fɛfaana. Mizan vo nyanama pana wo va, yé é dére dɔ gligli gyɛzorowenu lé wa kɛlɛna, wo nya.

Kelewenu 2:42

Wo yara pa nwunvɔzannu lé we paale valé nanale ékeva koo, Taboyi lé buru blele valé bazorole koo, wo ta.

1 Korent munu 11:2

An sele a ka gi yifaama, yé we faa lé maa a paa ka gi, ka a tawona wo ta ’kyɛ, amalé maa ka tɔ zin fé.

1 Korent munu 11:23

We lé maa a paa ka gi bɛ, Mizan ɛ gɔɔn an lɛ. Yee lé ke ’ko: yian nya lé wo dan Mizan Jézu pa lɛ munu lee, é buru si,

1 Korent munu 14:37

Dé é a mian gi léé, é a balelayezan nyaoo, dé é a a gi léé, léli ɛ ke we kɛlɛna é nyaoo, ’bɛzan ’é we ’ko ’ma ma: wean maa a gyɛ ka lɛ bɛ, é a Mizambale lé bélidɔwe nya.

Bélidɔwesɛbɛ Fiézan 12:32

We lé maa a fena ka lɛ, ’ka wo lɛdɔma, ’ka wo ta tawo; té ka wo taa do kpen pa lo, té ka a do kpen si wo va lo.

Bélidɔwesɛbɛ Fiézan 5:32

We lé Gakelebale, kalé Bale a fe ka lɛ, ’ka a kɛlɛ é zima; dé ka bɛyila léé, dé ka bɛbola léé, té ka nɔla ana lo.

Kolɔs munu 1:28

Krist ’ko, alé we lé ko fé, ’té ko we plaan mi faa lɛ, ’té ko wedɔɔwe faa paan mi faa gi, léé, dé ko go wo nya Bale va ’té gun a é sile wo ma Jézu Krist lé we ma.

2 Timoté 4:17

Mizan ɛ bɔ an va, yé é an dɔ plɛplɛ anlé wefele lɛsɔɔle we ma, bɛnnu faa lé a ’male we gi. Yé Bale an si golizra lɔ ma.

Jozué 1:5

Mi do kpen ’ka dan dɔ lɛ i’lɛ i yuɛma bléyi faa va lo. Maa dan kɛlɛ lɛ i va, fɛan zo lé maa kɛlɛ Moizi va, a zo; maa ’ka dan i vo lɛ i do lo, maa ’ka dan daan lɛ i ma lo.

2 Piɛri 3:2

Maa a a va léé, wenu lé balelayemunu sauun a fale vɔ ka lɛ, a sele ’é vo ka gi, yé é ziin, Mizan lé é ke mi Bélizan nya, bélidɔwe lé é a nɔ ka lɛ élé nwunvɔmunu lɔlu nya, yé ’bɛ sele ’é vo ka gi.

Wegɔɔnle 1:18

An ga, yé maa lo, maa a é yuɛma sin lɛɛfaama, a glɛ ’ka lo. Yé ga valé gamunu nyanana lé lakléwɔlɛnu a maa ɛ lee.

Wegɔɔnle 22:14

Munu lé woo ’wolé sɔnu zuruwo, mibéliyiliporo blele se valé wɔrale fla ’léé zia se yele we gi, wozé a é zima.