Matio 28:18 - Kazambale lé Sebe Sauunu 1979

¹⁸ Jézu bié aan wo yé é lé wo lɛ léé: Wo plɛplɛ faa nɔ an lɛ tɛrɛ la valé la gi.

Matio 28:18 ပူးပေါင်းရင်းမြစ်များ

Lɛrɛvɔ Sɛbɛ 89:19

Naa, Gakelebale a ko takuunzan nya, Izraɛl lé Mi Sauun a ko nwiinzan blɛn nya.

Lɛrɛvɔ Sɛbɛ 89:27

Yee ɛ dan an laa lɛ, ’té é a fé léé, bii a an ti nya, Anlé Bale valé an Siéwegi gɔlɛgɔ nya,

Wegɔnévɔlenu 8:15

An nya lé minwiinzannu éé plaan munu nwiin, Yé minwiinzannu benu éé munu béli dɔa we tegele nya;

Matio 11:27

An Ti fɛnu faa nɔ an lɛ; yé mi do kpen ’ka maa Bale Be dɔɔa lo, ’té dé é ’ka an Ti nya lo, yé é ziin, mi do kpen ’ka an Ti dɔɔa lo, ’té dé é ’ka maa Bale Be nya lo, maa valé mian é sɔ an lɛ léé, maa a nagɔɔn ’bɛzan lɛ, ’bɛ nya lo.

Matio 16:28

Maa a fe ka lɛ webozen nya léé: Munu lé wo ke ’ko, wo va mi kenu ’ka dan ga lɛ lo fɔɔ yé wo maa blami Be ye dana plale munu nwiin we ma.

Matio 26:64

Jézu a zi pa a lɛ léé: Yee lé bé fe bɛ. ’Bɛ ta loru, maa lé ka lɛ léé, é sia bléyi ’ko va, ka dan maa blami Be ye lɛ é nyanale Plɛplɛzan Bale bɛyilazia, yé ka dan an ye lɛ dana latinu ta.

WENÉNÉ LÉ LUK A GYE (Évangile selon Luc) 10:22

An Ti fɛnu faa nɔ an lɛ, yé mi lé maa, a Be ke a nya, mi do kpen ’ka a dɔɔa lo, ’té dé é ’ka an Ti nya lo; yé mi lé an Ti ke a nya, mi do kpen ’ka a dɔɔa lo, ’té dé é ’ka maa, a Be nya lo; é valé mian é sɔ an lɛ léé, maa a nagɔɔn ’bɛzan lɛ, ’bɛ nya lo.

WENÉNÉ LE JAN A GYE (Évangile selon Jean) 13:3

Yé Jézu a gi dɔɔ léé, é Ti fɛ faa bɛ pa é lee; é a gi dɔɔ léé, é si Kazambale va yé é dan go lɛ Kazambale va é ziin.

WENÉNÉ LE JAN A GYE (Évangile selon Jean) 17:2

fɛan zo lé bé se kɛlɛ an lɛ léé, an pla mi faa nwiin, munu lé i wo nɔ an lɛ, vole é yuɛma lé a glɛ ’ka lo, anlé a nɔle wo lɛ we ma.

WENÉNÉ LE JAN A GYE (Évangile selon Jean) 3:31

Mi lé é si loru, é a fɛ faa nwiin; mi lé é si tɛrɛ va, é a tɛrɛlami nya, yé éé we fé tɛrɛ la wefebɛ gi. Yé mi lé é si la gi, é a fɛ faa nwiin;

WENÉNÉ LE JAN A GYE (Évangile selon Jean) 3:35

Be sɔ Ti lɛ, yé é we faa bɛ pa a lee.

Kelewenu 10:36

É dére pa Izraɛl munu lɛ zia yé é wenéné ’ko fe wo lɛ léé, mi é vo drɔɔ Jézu Krist lé we ma. Yee ɛ ke mi faa zan nya.

Kelewenu 2:36

Bɛwemalé, Izraɛl munu, é a lé ka faa a gi dɔɔ é zima léé, Jézu ’ko lé ka a gyɛ yili la, Kazambale a kɛlɛ Mizan valé Krist nya.

Rom munu 14:9

Naa, Krist ga, yé é nwa é ziin é yuɛma plale gamunu valé mi yuɛmalenu nwiin we gi.

1 Korent munu 15:27

Kazambale fɛnu faa pla Krist wuo webozen nya, naa, dé wa fe léé, fɛnu faa a é plale Krist wuo, é a wéiin léé, Kazambale lé é fɛnu faa pla Krist wuo, yeebozen ’ka Krist wuo lo.

Kolɔs munu 2:10

yé kalé we faa lɛ a é sɔɔle Krist gi; é a la worona wemaplɛplɛzannu valé fɛ faa lé woo wo lɛdɔama, wo nwiinzan nya.

Ébrunu 1:2

Naa, sin, bléyi voéla ’ko gi, é we fe kaa lɛ é Be Jézu lɔlu nya. É fɛnu faa nɔ é Be Jézu lɛ ’bɛzé nya yé Jézu nya lé é fɛnu faa kɛlɛ.

Ébrunu 2:8

Yé i fɛnu faa pla a wuo. Naa, dé wa fe léé, Bale fɛnu faa pla mi wuo, ’bɛ gi léé, fɛ lé é ’ka a pla lɛ a wuo lo, é ’ka lo. Naa, duowo, ko ’ka tan a ye lɛ léé, fɛnu faa a é plale a wuo lo.

1 Piɛri 3:22

Jézu go la gi yé é nyana Kazambale bɛyila, yé lanjenu koo, fɛnu lé woo wo lɛdɔama koo, plɛplɛnu koo, wo pla a wuo.

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.

Wegɔɔnle 17:14

Wo dan guli dan lɛ ’Blané va, yé ’Blané é dan wo kele lɛ; é a Mizannuzan nya yé é a minwiinzannu Nwiinzan nya, azama. Yé a vamunu lé é wo laa, ’té é wo si a va, ’té woo yara paan we la bɛ, ’bɛnu é dan wo kele lɛ é ziin.

Wegɔɔnle 19:16

Wo tɔ do gyɛ alé sɔ valé a boro ta léé: Minwiinzannu Nwiinzan, Mizannuzan.