Matio 27:25 - Kazambale lé Sebe Sauunu 1979

²⁵ Munu faa léé: Iin. A nyɛwe ’é dɔ ko valé kolé nénu nwiin ma.

Matio 27:25 ပူးပေါင်းရင်းမြစ်များ

2 Samuɛl 1:16

Yé David lé a lɛ léé: I nyɛ a ibo nwiin; bé fe léé, ’é Gakelebale lé nyɔnɔzénnwiinzan gyɛ, amalé ibo lɔlu we nɔ i lɛ.

1 Minwiinzannu 2:32

Gakelebale é dan a nyɛwe dɔ lɛ abo nwiin, naa, mi fié lé wo ke tegele, ’té wo ke mi zinnu nya é mini yee ta, é ’bɛnu gyɛ gwɔun nya an ti ma trɔnné va, yé wo ga; Izraɛl lé sunyanu nwiinzan Nɛɛ be Abinɛɛ valé Juda lé sunyanu nwiinzan Jétɛɛ be Amasa lé.

Fwile 20:5

Té i dia i bli la wo ’lɛ lo, té i wo mawe kɛlɛ lo; naa, maa, Gakelebale, ilé Bale, maa a maawo Bale nya, yé maa munu lé weple ma ban dɔa wolé nénu nwiin, fɔɔ an zapamunu kulu yaazan valé wo kulu ziɛnzan nya,

Mi Nɔnɔle 35:33

Tɛrɛ lé ka nyana ana, té ka a sɛrɛ lo, naa, mi nyɛ éé tɛrɛ sɛra. Nyɛ lé wa zana tɛrɛ la bɛ, a siafɛ ’ka lo, fɔɔ ’té mi lé é mi gyɛ, ’té wa gyɛ é wo.

Matio 21:44

Mian é dia gɔlɛ ’ko ta, azan é dan faa lɛ, yé mian gɔlɛ ’ko dia a ta, azan é dan wii lɛ.

Kelewenu 18:6

Juifinu dɔ a ma plɛplɛ yé wo vo a sɔnɔna. Pɔl élé sɔnu gi puo yé é lé wo lɛ léé: Ka nyɛ ’é vo kabo nwiin ma. Ka nyɛ lé we ’ka an nwiin lo. É sia bléyi ’ko va, ’an goo bɛn bɛnu va.

Kelewenu 5:28

Ko ’ka a yi ga lɛ ka lee wéiin léé, té ka we paa munu gi tɔ ’ko nya lo loo? Yé ka ye, ka kalé wepaale sɔɔla Jérusalɛm woro dii fɛfaana, yé ka a a va léé, ka mi ’ko nyɛwe dɔ ko nwiin.

Kelewenu 7:52

Balelayezannu va mi kyɛn ta lé ka tranu ’ka nyané pa lɛ loo? Munu lé, wo Mi Tegele dale fe é kyɛn, ka tranu wo gyɛ. Lao ka ’bɛzan liwo yé ka kɛlɛ ’bɛ gyɛzannu nya,

Bélidɔwesɛbɛ Fiézan 19:10

’Bɛ zo lé, mi lé we ’ka a nwiin lo, a nyɛ ’ka dan zana lɛ é pla, tɛrɛ lé Gakelebale, kalé Bale a nɔ ka lɛ kalé tɔnɔfɛ nya, a ta lo, yé ka ’ka dan kɛlɛ lɛ migyɛzannu nya lo.

Bélidɔwesɛbɛ Fiézan 19:13

Té ka nyanai é zén a ta lo, mi lé we ’ka a nwiin lo, ’ka a nyɛ sia Izraɛl tɛrɛ la, yé ka gi é dan nana lɛ.

Jozué 2:19

Dé wo va mi do bɔra béera, alé we a ébo nwiin, ’té ko nwiin a é pla; naa, munu lé wo dan kɛlɛ lɛ i va kɔn gi, dé ko va mi do bɛ mane wo va mi do ma, a we a ko nwiin.