Matio 26:53 - Kazambale lé Sebe Sauunu 1979

⁵³ É dɔ i gi kaa? Dé an siaa béli ’ko an Ti lɛ do kpen, é ’ka bɔalɛ yé é lanje lɛ blɛɛn vu ta fié pa an lɛ zia é nya do yé é mini ’bɛ ta loo?

Matio 26:53 ပူးပေါင်းရင်းမြစ်များ

2 Minwiinzannu 6:17

Élizé bazoro yé é léé: Gakelebale, bé yuɛ fuo yé ’é wo ye. Yé Gakelebale a wuozan yuɛ fuo yé é a ye léé, wisoonu valé kyɛgoro lé ke Élizé zi wo gɔ ma faa ble.

Daniɛl 7:10

Kyɛ éé bɔraan a ’lɛ, ’té éé yoroan bélé yuu zo. Mi wuru é wuru a bɔa, yé mi baa é wuru é wuru a é dɔle a ’lɛ. Weblezannu nyana, yé wo sɛbɛnu fuo.

Matio 25:31

Dé maa blami Be da anlé fua ta gɔɔnle nya anlé lanjenu faa nya an va, an dan nyana lɛ anlé webleblin tɔbɔle ta.

Matio 4:11

Yé yonufaatagɔné daan a ma. Yé bé ye, lanjenu da Jézu va, yé wa mawe kɛlɛ.

Maak 5:15

Wo da Jézu va, yé yoagizan lé Léjɔn ke a gi turu, yé wa ye é nyanale, sɔ nya é ta, ’té a ’wuo gi a é pla. Yé di kini wo gi.

Maak 5:9

Yé é a laa a lee léé: I tɔ lé nɔɔ? Yé é a zi pa a lɛ léé: Ko a kiɛre, amalé woo an tɔ laama Léjɔn.

WENÉNÉ LÉ LUK A GYE (Évangile selon Luc) 8:30

Jézu a laa a lee léé: I tɔ lé nɔɔ? É lé a lɛ léé: Wo an laama Léjɔn. Yo kiɛre a a gi, amalé é a fe.

WENÉNÉ LE JAN A GYE (Évangile selon Jean) 10:18

Mi do kpen ’ka an gya lo, naa, maa anbo no gale lɛ. A se a an lɛ léé, an ga yé a se a an lɛ léé, an nwa é ziin. ’Ko zo lé an Ti an béli dɔ.

WENÉNÉ LE JAN A GYE (Évangile selon Jean) 18:36

Jézu lé a lɛ léé: Maa ’ka minwiinzan blɛn nya tɛrɛ la ’ko lo. Dé maa a minwiinzan blɛn nya kɔɔn tɛrɛ la ’ko, ’té an wuomunu ɛ nɔ an ma guli daan léé, té wo an nɔ Juifinu lɛ lo, naa, sin maa ’ka minwiinzan blɛn nya béera ’ko lo.

2 Tɛsalɔnik munu 1:7

Yé ka lé wa kle pana ka ta bɛ, é dan flinle nɔ lɛ kaa lɛ, bléyian va lé Mizan Jézu é dan si lɛ la gi yé é zun, yee valé élé lanje plɛplɛnu nya, ’bɛ bléyi va.

SEBE LÉ JUD A GYE (Épitre de Jude) 1:14

Wolé we ma lé Énɔk lé é ke Adam kulu sɔrafiézan nya, é balelawe fe léé: Ka yua bɛ, Mizambale da, ’é zuo lé élé munu ’léé kiɛre kiɛre nya,