Matio 26:39 - Kazambale lé Sebe Sauunu 1979

³⁹ Yé é go é ’lɛ sɛ, yé ébo dia é bli la yé é bazoro ’ko zo, léé: An Ti, dé é bɔalɛ ’é kɛlɛ, ’yiminikana ’ko ’é si an lee ma. Naa, té é kɛlɛ an sɔlɛwe nya lo, ’é kɛlɛ i sɔlɛwe nya ma.

Matio 26:39 ပူးပေါင်းရင်းမြစ်များ

Wepélisiananu 17:3

Abram dia é bli la yé Kazambale we fe a lɛ yé é léé:

2 Samuɛl 15:26

Naa, dé Bale a fe léé, an ’ka é gi nana lɛ lo, ’té maa lo, dé wean dɔ a gi wezin nya, ’é a kɛlɛ an lɛ ma.

Minwiinzannu lé Wezuofe Sɛbɛ 21:16

David é yara nwa loru yé é Gakelebale lé lanje ye é dɔle tɛrɛ valé la méléna, ’té gwɔun a a lee ’é soile Jérusalɛm vazia. Yé David valé mi segelenu dia ’wo bli la, ’té bɔlɔ a é zénle wo ta.

Ézai 50:5

Mizan Gakelebale an tɔné lɛ so, Yé maa ’ka sɔn vɔ lɛ a ma lo, Maa ’ka gyɛ lɛ an zuo pelo.

Ézai 53:12

Bɛwemalé maa dan azé nɔ lɛ a lɛ mi blɛnnu va; Maa dan gulizarafɛ guli lɛ yee valé mi plɛplɛnu ma, Ébo nɔ ga lɛ Yé wa pa wenaané kɛlɛzannu va, ’bɛzama; É mi kiɛre lé wenyanénu si Yé é dɔ wegyɛzannu lé we gi, ’bɛzama.

Ézékiɛl 1:28

San bile nyananyana ’ko lé wa yé a zi, é a bélé bɔmlɛ lé wa yé lati gi lɛɛ dayi la, a zo. Yuɛzi we ’ko é a Gakelebale lé fuasan foto do nya. Dé maa a ye tɔɔn, an dia an bli la, yé maa mi do dére ’ma.

Mi Nɔnɔle 14:5

Moizi valé Arɔn dia wo bli la Izraɛlnu faa lé wo zén ékeva, wo yuɛ va.

Mi Nɔnɔle 16:22

Moizinu dia ’wo bli la, yé wo léé: Oo Bale, munu faa lélinu lé Bale, mi do kpen wenyané kɛlɛ yé i bli fli munu faa maa?

Matio 20:22

Jézu léé: We lé ka a laa an lee, ka ’ka a gi dɔɔa lo. Kana lé an dan ’yi mini lɛ a gi ’naan, ka bɔalɛ léé, ka ’yi mini a gii? Wo lé a lɛ léé: Ko bɔalɛ.

Matio 24:24

Dabli Kristnu valé viébalelayemunu é dan nwa lɛ yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

Matio 26:42

É go é ziin a gɔnɔ fiézan nya yé é bazoro léé: An Ti, dé é ’ka bɔalɛ léé, ’yiminikana ’ko é si an lee lo, yé maa ’ka a gifɛ minian lo, ilé blibɔmawe ’é kɛlɛ ma.

Maak 13:22

Dabli Kristnu valé viébalelayezannu é dan nwa lɛ, yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

WENÉNÉ LÉ LUK A GYE (Évangile selon Luc) 17:16

É dia é bli la Jézu gane ma yé é a bɔ vɔ. Mi ’ko a Samari mi nya.

WENÉNÉ LE JAN A GYE (Évangile selon Jean) 11:41

Yé wo gɔlɛ si a ’léé. Yé Jézu é yara nwa loru yé é léé: An Ti, i an dére nyi si, amalé maa i bɔ vɔ.

WENÉNÉ LE JAN A GYE (Évangile selon Jean) 14:31

Naa, é a lé tɛrɛlamunu a gi dɔɔ léé, an Ti sɔ an lɛ yé maa a dére tawe kɛla. ’Ka nwa fɛkona, kaa go.

WENÉNÉ LE JAN A GYE (Évangile selon Jean) 18:11

Jézu lé Piɛri lɛ léé: ’Ilé gwɔun wɔra é kɔlɛ gi é ziin. Kana lé an Ti a nɔ an lɛ, i léé, té maa a gifɛ mini loo?

WENÉNÉ LE JAN A GYE (Évangile selon Jean) 5:19

Bɛwemalé Jézu kun wefele ma é ziin, yé é lé wo lɛ léé: Maa fe ka lɛ kyɔ webozen nya, maa Bale Be, an ’ka bɔa we do kpen kɛlɛle lɛ anbo ’wuo gi lo; we lé maa an Ti ye a kɛlɛna, yee saa lé maa a kɛla. Yé we faa lé an Ti ke a kɛlɛna, yee duo lé maa a Be ke a kɛlɛna é ziin.

WENÉNÉ LE JAN A GYE (Évangile selon Jean) 5:30

Maa ’ka bɔa we do kɛlɛle lɛ anbo ’wuo gi lo. We lé maa a maan, a yɛrama lé maa we blé; yé maa ’ka anbo lé blibɔmawe kɛlɛna lo; naa, mi lé é an pa zia, alé blibɔmawe lé maa ke a kɛlɛna, bɛwemalé an we blé tegele.

WENÉNÉ LE JAN A GYE (Évangile selon Jean) 6:38

An ’ka si lɛ la gi yé an da anbo lé blibɔmawe kɛlɛle we ma lo, naa, an si la gi yé an da, mi lé é an pa zia, alé blibɔmawe kɛlɛle we ma.

Kelewenu 10:25

Piɛri da aan wo, Kɔɔnéi go a si lɛ zia yé é dia ’é bli la a wuo.

Filip munu 2:8

Yé é ’ébozen kɛlɛ blami nya, yé é ’ébozen kɛlɛ kiéné, yé é kɛlɛ lɛdɔ?-?mazan nya fɔɔ yé é ga, yé é dunuzén?-?mita ga wo yiliblan ta.

Ébrunu 5:7

Bléyian va lé Jézu a blami nya, é bazoro yé é zanté vɔ Kazambale lé, éé bɔa a sile lɛ ga lee, a lɛ; é bazoro siaale plɛplɛ valé yuɛyi sole nya. Yé é pla Bale wuo é zima amalé Bale a ’ma.

Wegɔɔnle 19:10

Yé maa dia a gane ma a bɔle we gi, naa, é lé an lɛ léé: Té bé kɛlɛ lo. Bii valé i bwenu lé woo Jézu lé we fé, maa a ka vazan do nya. ’I Kazambale ɛ bɔ. Jézu lé we a balelawefele pun nya.