Matio 26:31 - Kazambale lé Sebe Sauunu 1979

³¹ Yé Jézu lé wo lɛ léé: Anlé we é dan ka faa kele lɛ é béli ’ko; naa, é a é gyɛle Kazambale lé sɛbɛ gi léé: Maa dan ’blatabinzan gyɛ lɛ yé alé ’bla trubɛnu é dan fwila lɛ.

Matio 26:31 ပူးပေါင်းရင်းမြစ်များ

Lɛrɛvɔ Sɛbɛ 38:11

An zuru éé diaan, anlé plɛplɛ éé sié an ta, Yé an yuɛ va ’ka é kinile é dɛrɛ lo.

Lɛrɛvɔ Sɛbɛ 69:20

Serele lé wa boo an ma koo, anlé yaragyɛle koo, yaragyɛwe lé wa bɔa an ma koo, i wo gi dɔɔ; Bii an mazannu faa dɔɔ.

Lɛrɛvɔ Sɛbɛ 88:18

Wo an zi lɛ sɔɔ bélé ’yinu zo, bladi fɔɔ nyanadi, Wo faa zén an ta ékeva, yé woo an ta yɔɔan.

Ézai 53:10

Élé tɛrɛla nɔ wenyané ’yibofɛ nya, Yé Gakelebale a ’wii nyanéblele nya, é sɔ a lɛ fɛan zo, a zo; A kulu é dan kɛlɛ lɛ yé a yinu é dan kɛlɛ lɛ di, Yé Gakelebale lé nyanama va é dan gyɛ lɛ a lee.

Jérémi Lé Wuvɔ Sɛbɛ 1:19

Maa an béénu laa, yé wo dabli kɛlɛ an lɛ, Bléyian va lé anlé Balebanzannu valé anlé mi segelenu a fɛblele naginina, Léé, wo fuu ’é kɛlɛ ’wo ta é ziin, Wo ga fla blɛn ta.

Zakari 13:7

Gwɔun‐oo, gwɔun, ’i soi anlé ’blatabinzan ma! Lai sunyanu lé Gakelebale léma: ’I soi an bɔluzan ma. ’I ’blatabinzan gyɛ yé alé ’blanu ’é fwila. Yé maa dan bɔ lɛ ’bla tɔɔtɔɔnu va.

Matio 11:6

Mian, maa ’ka kɛla a saanzan nya lo, ’bɛzan zé a néné.

Matio 26:24

Maa blami Be a gona fɛan zo lé wo anlé we gyɛ sɛbɛ gi, a zo. Mi lé é maa blami Be pa munu lee, a gale nyɔ. A fila vɔ kɔɔn léé, té wa yaa boenwo lo.

Matio 26:56

Naa, we ’konu faa bɔ, we lé balelayemunu a gyɛ Kazambale lé sɛbɛ gi, a lɛsɔɔle we ma. ’Bɛ zuo Jézu zuomunu si ’é zi vlan nya.

WENÉNÉ LE JAN A GYE (Évangile selon Jean) 16:32

Ka ye, a bléyi é dan bɔ lɛ yé é bɔ tɛkɛ, yé ka dan fwila lɛ yé ka faa é go kalé fɛna do do, yé ka an vo an do; naa, an Ti a an va, amalé maa ’ka an do lo.