Matio 25:34 - Kazambale lé Sebe Sauunu 1979

³⁴ Yé maa minwiinzan ’é dan a fe lɛ an bɛyilazannu lɛ léé: Ka lé an Ti ka drɔɔ vo, ’ka da; tɔnɔtɛrɛ lé é a kɛlɛ kazé nya tɛrɛ pélisia bléyi va, ’ka nyana ana.

Matio 25:34 ပူးပေါင်းရင်းမြစ်များ

Lɛrɛvɔ Sɛbɛ 2:6

’Té éé a fé léé: Maa ɛ nyɔnɔ zén anlé minwiinzan blɛn nwiin, Siɔn, gɔblɛn sauun nwiin.

Wegɔnévɔlenu 11:17

Mi zin éé we zin kɛla ébozen lɛ, naa, gi pɔnpɔnzan ébo gi kyɛ dɔa.

Ézai 33:22

Naa, Gakelebale a kolé weblezan nya; Gakelebale a kolé bélidɔwe nɔzan nya; Gakelebale a ko nwiinzan blɛn nya; yee ɛ ke ko siéwegizan nya.

Ézai 6:5

Yé maa léé: Wenaané kɛlɛ an lɛ! Maa a é sanle weboen nya, naa, maa a mi lé a lɔlu tiri ke é dɔle, a nya, yé maa nyanaan munu lé wo lɔlu tiri ke é dɔle, wo va; maa Minwiinzan blɛn, lai sunyanuzan Gakelebale ye an yuɛ nya, azama.

Ézai 9:7

Mizan we do pa Jakɔb lɛ zia yé a bɛ dia Izraɛl ta.

Daniɛl 9:25

Bɛwemalé, ’i we ’ko ’ma, yé bé gi ’ma ma. Dére lé é a fe léé, wo dan Jérusalɛm pa lɛ é ziin, a febléyi va fɔɔ yé é bɔ Nyɔnɔzénnwiinzan, Zigɔɔnzan bléyi ma, é a flɛyi sɔrafié nya. Flɛyi yɔ yaa wɔlɛ fié gi, wo dan vuunlanu kɛlɛ lɛ yé wo dan gurunu bo lɛ, naa bléyi tɔntɔnnu lé.

Sofoni 3:15

Gakelebale we lɛdɔle ka gi yi ga, Yé é ka nyanézannu si ka ma baa; Izraɛl nwiinzan blɛn, Gakelebale a ka méléna; We tɔntɔn ’ka dan bɔ lɛ ka ma é dɛrɛ lo.

Matio 13:35

we lé balelayezan a fe, a lɛsɔɔle we gi. É léé: An dan an ’léé fuo lɛ gɔnévɔlenu nya; Yé wenu lé wo ke é yɔɔle tɛrɛ kɛlɛbléyi va fɔɔ kyɔ, Maa dan wo bɔra lɛ.

Matio 19:29

Dé miomian é daan élé fɛnu ma an tɔ lé we ma, dé alé kɔnnu léé, dé a bwenu léé, dé a burunu léé, dé a ti léé, dé a bu léé, dé a na léé, dé alé nénu léé, dé alé tɛrɛnu léé, dé miomian é daan fɛ ’konu ma an tɔ lé we ma, é dan wo lɛgi ye lɛ gɔnɔ yɔ soru, yé é dan vo lɛ é yuɛma lɛɛfaama a glɛ ’ka lo. Tɔnɔ lé é dan a ble lɛ, yee lé ke bɛ.

Matio 20:23

É lé wo lɛ léé: Webozen lé, ka dan ’yi mini lɛ anlé kana gi, naa, nyanale an bɛyila valé an bɛbola, ’bɛ nɔle ’ka sié an va lo. An Ti é dan a nɔ lɛ munu lé é a tadɔ wozé nya, wo ɛ lɛ.

Matio 21:5

’Ka fe Siɔn munu lɛ léé: Ka ye, ka nwiinzan da ka va É gi drɔɔ nya, ’té é a é nyanale sokofale tina ta, Kɔnésiwi lé né ta.

Matio 25:21

Azan lé a lɛ léé: An wuozan zima, yarapawelazan, ’bɛ a é zima. I kɛlɛ yarapawelazan nya we kiéné ’ko gi, amalé maa dan fɛ kiɛre bɛ pa lɛ i lee; ’i da, ’i nyana an va, yé ko gi ’é nana ékeva.

Matio 25:23

Azan lé a lɛ léé: An wuozan zima, yarapawelazan, ’bɛ a é zima. I kɛlɛ yarapawelazan nya we kiéné ’ko gi, amalé maa dan fɛ kiɛre bɛ pa lɛ i lee; ’i da, ’i nyana an va, yé ko gi ’é nana ékeva.

Matio 25:40

Maa minwiinzan é dan a zi pa lɛ wo lɛ léé: Maa lé ka lɛ webozen nya léé, yi faa‐an nya lé ka we ’konu kɛlɛ an zuané kiiénénu va mi do lɛ, ka a kɛlɛ maa ɛ lɛ.

Matio 25:41

A zuo an dan a fe lɛ an bɛbolazannu lɛ léé: Balepamazannu, ’ka si an va; ’ka go kyɛ lé é ’ka dirian monomono lo, ’té wa kɛlɛ yonufaatagɔné valé élé yonu zé nya bɛ, a va.

Matio 27:37

Wean ma lé wo ga dɔ a nwiin, wa sɛbɛ gyɛ yé wa pa a nwiin loru léé: Juifinu nwiinzan blɛn Jézu lé ke ’ko.

Matio 3:2

É léé: Kazambale lé plale mi nwiin bɔ é pu, amalé ’ka bli nɔla.

Matio 5:19

Mi lé éé bélidɔwe kiiéné boen lɛganma, ’té éé we paan munu gi léé, ’wa lɛgama, dé Kazambale lé plale mi faa nwiin da bléyian va, é dan ’bɛzan kɛlɛ lɛ mi kiiéné boen nya, naa, mi lé éé bélidɔwe lɛdɔama, ’té éé a paan munu gi léé, ’wa lɛdɔma, dé Kazambale lé plale mi faa nwiin da bléyian va, é dan ’bɛzan kɛlɛ lɛ mi blɛn nya.

Maak 10:17

Dé Jézu a zi siana, gɔné do da vlan nya a va, yé é zun é powuo la a ’lɛ, yé é we laa a lee léé: Anzan zin, maa kɛla kaa yé an vo é yuɛma lɛɛfaama yé a glɛ ’ka dɔa loo?

Maak 10:40

Naa, nyanale an bɛyila valé an bɛbola, ’bɛ nɔle ’ka sié an va lo. Bale é dan a nɔ lɛ munu lé, é a ta dɔ wozé nya, wo ɛ lɛ.

WENÉNÉ LÉ LUK A GYE (Évangile selon Luc) 11:28

Yé Jézu a zi pa a lɛ léé: Gba, munu lé woo tɔné dɔa Kazambale dére lɛ, ’té woo a ta tawoo, wo ɛ zé ke néné.

WENÉNÉ LÉ LUK A GYE (Évangile selon Luc) 11:50

balelayemunu faa nyɛ lé wa zanale sia tɛrɛ bɔra bléyi va, a we dɔle bléyi ’ko vamunu nwiin we gi;

WENÉNÉ LÉ LUK A GYE (Évangile selon Luc) 12:32

’Bla palu kiéné, té ka kana monomono lo, fuatɛrɛ nɔle ka lɛ sɔ ka Ti lɛ é baba.

WENÉNÉ LÉ LUK A GYE (Évangile selon Luc) 19:38

yé wo léé: Minwiinzan lé é da Mizambale tɔ gi, a drɔɔ ’é vo ma. Lagi ’é vo drɔɔ, yé fuasan ’é kɛlɛ fɛna loru baa mi.

WENÉNÉ LE JAN A GYE (Évangile selon Jean) 1:49

Natanaɛl lé a lɛ léé: Anzan, bii a Kazambale Be nya. Bii a Izraɛl munu nwiinzan blɛn nya.

WENÉNÉ LE JAN A GYE (Évangile selon Jean) 12:13

amalé wo yɔlaanu sia yé wo go a si lɛ zia siaale nya léé: Ozana, mi lé é da Mizambale tɔ gi, a drɔɔ ’é vo ma! Izraɛl nwiinzan blɛn drɔɔ ’é vo ma!

WENÉNÉ LE JAN A GYE (Évangile selon Jean) 17:24

An Ti, é sɔ an lɛ léé, fɛana lé an ke, munu lé i wo nɔ an lɛ, ’wo kɛlɛ an va ana, anlé fua tɔbɔle lé bé nɔ an lɛ, wolé a yele we ma. An sɔ i lɛ tɛrɛ bɔrale ’lɛ, ’bɛ lé we ma.

WENÉNÉ LE JAN A GYE (Évangile selon Jean) 19:15

Naa, wo siaa léé: ’Bé gyɛ, ’bé gyɛ! ’Bé gyɛ yiliblan ta! Pilat lé wo lɛ léé: Maa ka nwiinzan blɛn gyɛ yiliblan taa? Balebanmunu segelenu léé: Sézaa ɛ ke ko nwiinzan blɛn nya é do kpen.

Kelewenu 15:18

Yé é wo dɔɔ a pélisia bléyi va, yee ɛ fe.

Kelewenu 3:26

Kazambale é wuozan Jézu nwa aan wo yé é a pa ka lɛ zia é vinin, ka drɔɔ vole we gi, yé ka faa do do ’é si kalé weple kɛlɛle zuo.

Rom munu 8:17

Dé kaa a alé nénu nya, ’té kaa a é ziin tɔnɔblezannu nya, Kazambale lé tɔnɔblezannu nya, tɔnɔblezannu nya Krist va, ’té dé kaa nyané ble a va, lagifua blele a va we gi.

1 Korent munu 15:50

Bwenu, we lé maa a fé, yee lé ke ’ko: mi ’ka bɔa lagi tɔnɔ blele lɛ tɛrɛlakɔlɛ ’ko nya é ta lo; yé vɔnfɛ ’ka bɔa vole lɛ é yuɛma lɛɛfaama lo.

1 Korent munu 2:9

’Ko zo lé é a é gyɛle Bale lé sɛbɛ gi: Fɛnu lé mi ’ka tan a ye lɛ é yuɛ nya lo, Wenu lé mi ’ka tan a ’ma lɛ é tɔné gi lo, É valé wenu lé mi ’ka tan boenwo é bɔn‐in bɔrɔ lɛ a ma lo, Woo lé Kazambale wo ma’lɛrɛ, munu lé Kazambale sɔ wo lɛ, wozé nya.

1 Korent munu 6:9

Ka ’ka a gi dɔɔa léé, mi plenu ’ka dan tɔnɔ ble lɛ Kazambale lé fuatɛrɛ la lo loo? Té ka saan we ’ko gi lo. Pɛnpɛnnégyɛzannu koo, miyilibɔzannu koo, le bɛ valé gɔné bɛ ginizannu koo, wizowe kɛlɛmunu koo, wevɔnle kɛlɛmunu koo,

Galasi munu 5:21

palu kɛlɛle koo, bli bɔle fɛ ma koo, nwɛ lé mi gyɛle koo, kɛlɛle bun‐anzan nya koo, ’bɛ zoɛ we bɛnu koo, woo lé. Maa a lɛ kini ka lɛ, fɛan zo lé maa a fe ka lɛ é kyɛn, a zo, léé, munuan woo ’bɛ zoɛ wenu kɛla, wo ’ka dan tɔnɔ ble lɛ Kazambale lé fuatɛrɛ la monomono lo.

Éfez munu 5:5

Naa, ’ka a dɔɔ é zima ma, dé é a pɛnpɛnnégyɛzan nyaoo, dé é a we tiridɔle kɛlɛzan nyaoo, dé é a bli bɔ gɔɔli mazan nyaoo, ’bɛ gi léé, miyilibɔzan, ’bɛnu va mi do kpen ’ka dan tɔnɔ ble lɛ Krist valé Kazambale lé fuatɛrɛ la lo.

1 Tɛsalɔnik munu 2:12

Ko we pla ka lɛ, ko ka tɔrɔ paa, yé ko zanté vɔ ka lɛ léé, ’ka tawo Kazambale tɔbɔle yɛrama. É ka laa léé, ’ka go élé fuatɛrɛ la, yé ka fua ble.

2 Timoté 2:12

dé ko yara pa alé we kɛlɛle ta, ko dan pla lɛ munu nwiin a va; dé ko sɔn vɔ a ma, yee é ziin, é dan sɔn vɔ lɛ ko ma.

2 Timoté 4:8

Yé sin, mi tegele lé tɔkoro ta a é dɔle anzé nya. Mizan, Weblezan tegele, é dan a nɔ lɛ an lɛ ’bɛ yi la. Naa, an do lɛan é dan a nɔ lɛ lo; munu faa lé, a dale sɔ wo lɛ, é dan a nɔ lɛ wo lɛ é ziin.

Ébrunu 1:14

Lanjenu faa ’ka bélé funu zo Kazambale lé nyanama gi loo? Bale ’ka wo pa lɛ zia munu lé wo dan si lɛ we gi, bɔle wo va we gi loo?

Ébrunu 11:16

Naa, sin, tɛrɛ zin baba do ma lé wo bli bɔ, ’bɛ ɛ ke lagi tɛrɛ nya. Bɛwemalé yara ’ka Kazambale gya ébo laale ma wolé Bale lo, naa, é fla blɛn do pa wozé nya.

Ébrunu 4:3

Naa, Bale a fe aan wo léé: ’É bli fli, amalé ’é ’ébo ’nyɔɔn léé, ’É ’ka dan ’élé flinle nɔ lɛ wo lɛ lo, flinle lé é a fe bɛ, kaa lé kaa bli vo a lɛ, kaa a ye. Weboen lé, é sia tɛrɛ bɔrale ma, Kazambale lé nyanama nyaa;

Ébrunu 9:26

dé é a a zo, é sia tɛrɛ bɔrale ma ’té é a kɔɔn léé, Krist é nyané ble gɔnɔ kiɛre nya, naa, lao, lɛɛnu nyaana, é bɔra gɔnɔ do kpen nya, yé ébo nɔ saraka nya wenyané nyaale we gi.

SEBE LÉ JAK A GYE (Épitre de Jacques) 2:5

’Kaa an bwenu lé ka sɔ an lɛ, ’ka tɔné dɔ. Munu lé wo ke nyanégyɛzannu nya tɛrɛlamunu yuɛ gi, Kazambale ’ka wo si lɛ léé, ’wo kɛlɛ fua nya blipale gi loo? yé wo kɛlɛ tɔnɔblezannu nya fuatɛrɛ lé é a ma blivolɛdére fe munu lé é sɔ wo lɛ, wo lɛ bɛ, a ta loo?

1 Piɛri 1:9

naa, kalé blipale mafɛ lé ke ka boen bélile nya.

1 Piɛri 3:9

Té ka wenyané lɛgi pa wenyané nya lo; yé té ka sɔnɔ lɛgi pa sɔnɔ nya lo; naa, ’ka munu drɔɔ vo, alé we ma lé wo ka laa, kaboen drɔɔ vole we gi.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.

Wegɔɔnle 17:8

Wi lé bé ye, é ana é kyɛn yé é ’ka ana é dɛrɛ lo. É a lé, ’é si guru lé a wɔlɛ ma nyaana ’ka lo, a gi, yé ’é go mi sanlenu gona. Yé tɛrɛlamunu lé wo ’ka wo tɔ gyɛ lɛ mi bélilenu tɔgyɛlasɛbɛ gi tɛrɛ pélisia bléyi va lo, wo gi é dan vuru lɛ wi ’ko yele ma; naa, é a é kyɛn, yé é ’ka ana é dɛrɛ lo, yé é dan bɔra lɛ é ziin, ’bɛzama.

Wegɔɔnle 19:16

Wo tɔ do gyɛ alé sɔ valé a boro ta léé: Minwiinzannu Nwiinzan, Mizannuzan.

Wegɔɔnle 21:7

Mian we ’ko ’wuo vo a lɛ, é dan fɛ ’konu ye lɛ ézé tɔnɔ nya; maa dan kɛlɛ lɛ alé Bale nya yé é dan kɛlɛ lɛ an be nya.

Wegɔɔnle 5:10

yé i wo kɛlɛ bɛngɔnɔ do nya, kolé Bale banzannu nya, yé wo dan pla lɛ tɛrɛ nwiin, amalé ilé sɛbɛ sile valé zɔrɔkaanyɔɔ bɔi yara lé.