Matio 25:16 - Kazambale lé Sebe Sauunu 1979

¹⁶ Tɔɔn, mi lé é talan soru nɔ ’bɛ lɛ, ’bɛ go yaawo lɛ a nya yé é pa a ma talan soru.

Matio 25:16 ပူးပေါင်းရင်းမြစ်များ

Minwiinzannu lé Wezuofe Sɛbɛ 28:2

Minwiinzan blɛn David dɔ loru yé é léma: Anlé munu, an bwenu, ’ka tɔné dɔ an lɛ. É a an gi léé, ’an kɔn dɔ yé ’bɛ é kɛlɛ Gakelebale lé gipawe pagikɛsu flinna valé kolé Bale gane dɔrana nya, yé maa a anbo ma’lɛrɛna a dɔle we ma.

Ézai 23:18

Naa, a gooli valé a banwofɛ lé é a ye élé wenyané ma, é dan kɛlɛ lɛ Gakelebale zé nya, é ’ka dan a téé lɛ lo, yé é ’ka dan a tadɔ lɛ lo. Munu lé woo nyanaan Gakelebale ’lɛ, a gooli é dan kɛlɛ lɛ wolé fɛblele kiɛre valé wo tasɔ nɔnɔmi mafɛ nya.

Ézai 49:23

Minwiinzannu valé wo lunu, wo dan kɛlɛ lɛ ilé nénu pazannu nya; Wo dan bua lɛ tɛrɛ va i ’lɛ, Yé wo dan vungoi flan lɛ i gane ma, Yé i dan a gi dɔɔ lɛ léé, maa lé ke Gakelebale nya, Yé munu faa lé wo bli ke an lɛ, yara ’ka dan wo gyɛ lɛ lo.

Matio 18:24

Bléyian va lé é kun gɔɔli nɔnɔle ma, mi lé alé talan baa soru vɛɛn ke ’bɛ ma, wo da ’bɛzan nya a lɛ. Talan do a gɔɔli lé mi a yé lɛɛ yɔ do wɔlɛ soru nyanama ma, a nya.

Matio 25:17

A zo duo lé, mi lé é talan fié nɔ ’bɛ lɛ, ’bɛzé pa a ma talan fié é ziin.

WENÉNÉ LÉ LUK A GYE (Évangile selon Luc) 19:13

Bɛwemalé é wuomunu vu laa yé wolé gɔɔli lé wa laama miné, ’té wa yé moné yaa nyanama ma, é a do do nɔ wo lɛ yé é lé wo lɛ léé: ’Ka go yaawo a nya fɔɔ yé an da.

Kelewenu 13:36

Naa, dé é a David zé nya, é Kazambale bɔ ’bɛlé blibɔmawe kɛlɛle nya élé tɛrɛla gi, yé é ga yé é go é tranu va yé é vɔn.

1 Korent munu 15:10

Maa ke fɛan nya ’ko, Kazambale lé zin ɛ an kɛlɛ a nya. Yé Kazambale ’ka élé zin sɛrɛ lɛ an ma lo, naa, an nyanama pa é baba, é mini wo faa ta. ’Té é ’ka maabozen nya lo, naa zin lé Kazambale a kɛlɛ an lɛ, yee lé.

2 Timoté 2:6

Féipazan lé éé nyanama paan, é a lé yee lé é fɛ si élé féi é vinin.