Matio 24:5 - Kazambale lé Sebe Sauunu 1979

⁵ Naa, mi kiɛre é dan da lɛ an tɔ gi, ’té wa fé léé, ’wo ɛ ke Krist nya. Wo dan mi kiɛre saan lɛ.

Matio 24:5 ပူးပေါင်းရင်းမြစ်များ

Jérémi 14:14

Yé Gakelebale lé an lɛ léma: Balelayezannu éé vié woo an tɔ gi; maa ’ka ’bɛ balelayezannu ’ko pa lɛ zia lo, maa ’ka dére ’ko pa lɛ wo ’léé lo, maa ’ka ’bɛ fe lɛ wo lɛ lo. Vié yuɛziwenu lé wa ye; wolé we lɛ kinile a we pla nya; dabliwenu lé woo sié ’wo bli gi, yee lé wa fe balelawefele nya.

Jérémi 23:21

Maa ’ka balelayezan ’konu nwunvɔ lɛ lo; wo go é wo; maa ’ka we pa lɛ wo ’léé lo, naa, wo balelawe fe.

Jérémi 23:25

Balelayezannu lé woo balelawe fé vié nya an tɔ gi, we lé wa fe, maa ’ma. Wo léma: Maa nyɛ do gyɛ, maa nyɛ do gyɛ.

Jérémi 37:9

Gakelebale léma: Té ka gi kɛlɛ kabo lɛ a fele nya léé, Kaldé munu é dan vlanburu lɛ ’wo ’lɛ baa, lo. Naa, wo ’ka dan fwi lɛ ka ’lɛ lo.

Matio 24:11

Viébalelayezannu kiɛre é dan nwa lɛ, yé wo dan munu kiɛre saan lɛ.

Matio 24:24

Dabli Kristnu valé viébalelayemunu é dan nwa lɛ yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

WENÉNÉ LE JAN A GYE (Évangile selon Jean) 5:43

Maa da an Ti tɔ gi, yé ka ’ka an si lɛ lo. Yé dé mi bɛ da ébo tɔ gi, ka ’bɛzan sié.

WENÉNÉ LE JAN A GYE (Évangile selon Jean) 8:24

Bɛwemalé maa lé ka lɛ léé, ka dan ga lɛ kalé wenyanénu nya ka lee. Naa, maa a mian nya, dé ka bli ’ka vo lɛ a lɛ léé, maa a ’bɛ nya lo, ka dan ga lɛ kalé wenyanénu nya ka lee.

WENÉNÉ LE JAN A GYE (Évangile selon Jean) 8:28

Jézu lé wo lɛ léé: Yian nya lé ka dan maa blami Be dun lɛ, ’bɛ yi la, dé mi lé maa ke a nya, ka dan a dɔɔ lɛ, yé ka dan a dɔɔ lɛ léé, maa ’ka we do kpen kɛlɛna anbo ’wuo gi lo, naa, we lé an Ti a paa an gi, yee saa lé maa ke a fena.

1 Jan 2:18

Né kiénénu, bléyi voéla lé é ke ’ko. Ka a ’ma léé, Kristmazan é dan da lɛ, yé sin, Kristmazannu kiɛre ana. Amalé ko a gi dɔɔ léé, bléyi voéla bɔ.

1 Jan 2:22

Viézan lé é ke de nyaa? É ’ka mian é léé, Jézu ’ka Krist nya lo, yee ɛ nya loo? Yé mi lé, é léé, Kazambale ’ka Jézu Ti nya lo, yé Jézu ’ka Kazambale Be nya lo, yee ɛ ke Kristmazan nya.

1 Jan 4:3

Léli faa lé wo ke a fena léé, Jézu ’ka da lɛ blami nya lo, wo ’ka Kazambale zé nya lo, wa Kristmazan zé nya. Ka a ’ma léé, é dan da lɛ, yé é a sin tɛrɛ la.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.