Matio 24:31 - Kazambale lé Sebe Sauunu 1979

³¹ Yé maa dan anlé lanjenu nwunvɔ lɛ béli fɛnle nya, yé munu lé maa wo si a va anzé nya, lanjenu é dan wo si lɛ tɛrɛ sun ziɛn ta, é sia la glɛ sina fɔɔ yé é bɔ la glɛ koɛ ma.

Matio 24:31 ပူးပေါင်းရင်းမြစ်များ

Lɛrɛvɔ Sɛbɛ 22:27

Wenaanébɔmazannu wo dan fɛ ble lɛ yé wo dan kan lɛ, Munu lé woo Gakelebale naginian, wo dan a tɔ nwa lɛ. Ka bli ’é vo é yuɛma yifaama ma.

Lɛrɛvɔ Sɛbɛ 67:7

Tɛrɛ éé tɔnɔ no; Bale, kolé Bale, é dan ko drɔɔ vo lɛ.

Lɛrɛvɔ Sɛbɛ 81:3

’Ka lɛrɛ vɔ, ’ka poo gyɛ yé a dére ’é we, Kɔnɔ lé a dére ke néné, é valé gitaa, ’wo wo gyɛ ma.

Fwile 19:16

A yi yaazan nya bladi, zagele ban, ’té lɛɛ yuɛ wuo éé vɔa, yé lati borozan zun gɔ ma; béli we plɛplɛ; yé kana zén munu faa lé wo ke sɔkɔndɔna, wo gi.

Ézai 11:12

É dan drapo nwa lɛ bɛnnu zé nya; Izraɛl munu lé wo ke lulazannu nya, é dan wo zén lɛ ékeva, yé Juda munu lé wo ke é sɔɔlale, é dan wo si lɛ tɛrɛ glɛ ziɛn sina yé é wo faa zén ékeva.

Ézai 13:5

Wo si tɛrɛ baa la, wo si la glɛ sina yé wo da. Gakelebale valé élé bliflile lɛsɔɔzannu, wo dan ana tɛrɛ faa sɛrɛ lɛ.

Ézai 27:13

A yi la, wo dan béli blɛn fɛn lɛ, yé munu lé wo vo lu la Asiri tɛrɛ la, ’bɛ valé munu lé wo yɔɔ Éjipiti tɛrɛ la, wo dan da lɛ yé wo dan dia lɛ ’wo bli la Gakelebale ’lɛ, gɔ sauun nwiin, Jérusalɛm.

Ézai 42:10

’Ka lɛrɛ dɛrɛ vɔ Gakelebale lɛ; Ka lé ka tawoo wɛyi ta, ka lé ka nyanaan wɛyi sɔnɔ, Wɛyi worona tɛrɛnu valé wo tamunu, ’Ka a tɔbɔlɛrɛnu vɔ tɛrɛ glɛ faa sina.

Ézai 43:6

Maa dan a fe lɛ yirinwana bɛbolazia lɛ léé, ’i wo nɔ. Maa dan a fe lɛ yirinwana bɛyilazia lɛ léé, té i kun wo ma lo. ’Ka an benu si tɛrɛ baanu ta, ’ka da wo nya, ’Ka an lunu si tɛrɛ glɛ sina, ’wo da.

Ézai 45:22

Ka faa lé ka ke tɛrɛ glɛ sinanu na, ’Ka nɔla an vazia yé ka dan si lɛ we gi. Naa, maa a Bale nya, yé a bɛ ’ka lo.

Ézai 49:18

’Ka yuɛ bɔrɔ ka zi yé ’ka nagini; Wo faa a zénna ékeva yé wo da i va. Gakelebale léé: Maa a é yuɛma. I dan wo zén lɛ i ta bélé ’lɛrɛfɛ zo, Wo dan ’lɛrɛ lɛ, bélé le lé ébo ma’lɛrɛ é bwɛ lɛ, a zo.

Ézai 60:4

’I yuɛ bɔrɔ i zi, bé nagini; Mi faa a zénna ékeva, wa dana i va, I benu a sina baa yé wo da, Wa dana i lunu nya ’wo bɛ gi.

Daniɛl 7:2

Daniɛl wefele péli sia yé é léé: Yuɛziwenu lé maa wo ye é béli, maa a wo naginina aan wo, yé bé ye, lagi fu ziɛn wɛyi blɛn nwa fiaa.

Zakari 14:5

Ka dan vɔ lɛ flii, anlé gɔ ’konu worona, naa, gɔworona ’ko é dan go lɛ fɔɔ yé é bɔ Azɛl; fɛan zo lé ka fwi tɛrɛ manyɔɔnle lee Juda nwiinzan blɛn Ozias bléyi va, ka dan fwi lɛ a zo. Yé Gakelebale anlé Bale é dan da lɛ élé mi sauunnu faa nya é va.

Zakari 2:6

Gakelebale léé: ’Ka fwi, ’ka fwi yirinwanazia tɛrɛ la. Naa, maa ka fwila fu sina ziɛn na. A zo lé Gakelebale a fe.

Zakari 6:5

Lanje a zi pa an lɛ léma: Lagi fu ziɛnnu lé woo bɔraan fɛana lé wo ke é dɔle Tɛrɛfaazan ’lɛ ana bɛ, wo lé.

Zakari 9:10

Maa dan Éfraim lé gulidangoronu sɛrɛ lɛ, Yé maa dan Jérusalɛm lé wisoonu gyɛ lɛ; Maa dan gulidansanu yi ga lɛ. É dan vole drɔɔ zana dɔɔ lɛ bɛnnu lɛ, É sia wɛyi do ma yé é bɔ wɛyi koɛ ma, É sia yuu ma fɔɔ yé é bɔ tɛrɛ glɛ sina, é dan pla lɛ wo nwiin.

Zakari 9:14

Gakelebale é dan bɔra lɛ wo ta loru Yé alé sawɔlɛ é dan go lɛ bélé lɛɛ yuɛwuovɔle zo; Mizan Gakelebale, é dan béli fɛn lɛ, É dan bié lɛ barikoko plɛplɛ lé éé sié yirinwana bɛyilazia, a gi.

Matio 13:41

Maa blami Be, an dan anlé lanjenu pa lɛ zia yé wo dan misaanwenu valé weplekɛlɛmunu faa si lɛ anlé munu méléna;

Matio 24:22

Dé Bale ’ka yi kenu si lɛ a ta lo, mi do kpen ’ka dan si lɛ we gi lo, naa, munu lé Kazambale wo si a va ézé nya, wolé we ma lé é dan yi kenu si lɛ a ta.

Matio 24:24

Dabli Kristnu valé viébalelayemunu é dan nwa lɛ yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

Matio 24:32

’Ka we ’ko dan bɔrɔyili ma yé ’ka a gi ’ma ma. Dé a ’yi dɔ ’é gi yé é a nɛɛna, ka gi dɔɔ léé, lɛɛdabléyi bɔ é pu.

Matio 25:31

Dé maa blami Be da anlé fua ta gɔɔnle nya anlé lanjenu faa nya an va, an dan nyana lɛ anlé webleblin tɔbɔle ta.

Matio 28:18

Jézu bié aan wo yé é lé wo lɛ léé: Wo plɛplɛ faa nɔ an lɛ tɛrɛ la valé la gi.

Maak 13:27

Yé maa dan anlé lanjenu nwunvɔ lɛ yé munu lé maa wo si a va anzé nya, maa dan wo si lɛ tɛrɛsun ziɛn ta, é sia tɛrɛ glɛ sina fɔɔ yé é bɔ la glɛ sina yé maa wo zén ékeva.

WENÉNÉ LÉ LUK A GYE (Évangile selon Luc) 24:47

yé wo dan bli nɔlale valé mi ma we vole lé we fe lɛ a tɔ nya bɛnnu faa lɛ, é sia Jérusalɛm.

WENÉNÉ LE JAN A GYE (Évangile selon Jean) 11:52

Yé a bɛn saa lé we ma kaan lo; naa, Kazambale lé nénu lé wo ke é nwɛɛnle fɛfaana, wo zénle ékeva yé ’wo kɛlɛ kɔlɛ do nya lé we ma lé é ziin.

Rom munu 10:18

Naa, maa léé: Wo ’ka a ’ma lɛ loo? ’Bɛ kaan lo. Wo dére nwɛɛn tɛrɛ faa la, Yé wenu lé wa fe, wo bɔ fɔɔ tɛrɛ glɛ sina.

1 Korent munu 15:52

bléyi do nya, bélé mi yuɛlakɔnɛ gyɛle zo, béli nyaanla fɛnle nya. Dé é we, mi galenu é dan nwa lɛ kɔlɛ lé é ’ka vɔn‐o é dɛrɛ lo, a nya wo ta, yé kaa é ziin, wo dan kaa kɔlɛ tavɔɔ lɛ.

Bélidɔwesɛbɛ Fiézan 30:4

Dé Gakelebale, kalé Bale ka bin fɔɔ la glɛ sinaoo, é dan go lɛ ka nagini lɛ ’bɛna, yé é dan ka zén lɛ ékeva.

Bélidɔwesɛbɛ Fiézan 4:32

We namɔnle kwakwa kyɛn lé é kɛlɛ, ’té wo ’ka tan ka yaa lɛ lo, é sia yian nya lé Kazambale mi kɛlɛ tɛrɛ la, yé é sia la glɛ do ma yé é bɔ a glɛ koɛ ma, ’ka nagini yé ’ka fe: ’bɛ zo we blɛnblɛnnu bɔ é vinin doo? wo ’bɛ zo we vinin ’maa?

1 Tɛsalɔnik munu 4:16

Naa, dé tɔmase do bɔ, dé lanjenuzan siaa, dé Kazambale lé béli we, ’bɛ bléyi nya tɔɔn, ’té Mizan bozen é dan si lɛ la gi yé é zun, yé munu lé wo ga Krist gi, wo dan nwa lɛ é vinin.

2 Tɛsalɔnik munu 2:1

Bwenu, é sɔ an lɛ léé, maa we pla ka lɛ Kaazan Jézu Krist dale valé kaa zénle ékeva a va lé we ma.

Ébrunu 12:19

fu plɛplɛ koo, béli vun koo, dére plɛplɛnu lé, dé munu a ’ma, wo léé, té ’wo ’bɛ zo dére bɛ ’ma lo, ’bɛ koo, ka ’ka é biéle wo sɔnɔ lo.

Wegɔɔnle 1:20

Monéné sɔrafié lé i wo ye an bɛyi lee, é valé kyan fintran sɔrafié, wolé we a é yɔɔle. A gi lé é ke ’ko: monéné sɔrafié a léglizi sɔrafié lé lanjenu nya, yé fintran sɔrafié a léglizi sɔrafié nya.

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.

Wegɔɔnle 7:1

’Bɛ zuo, maa lanje ziɛn ye é dɔle tɛrɛ sun ziɛn ta; wo kun tɛrɛ la fu ziɛn ma, té fu ’é gié tɛrɛ koo, wɛyi koo, yilinu koo, wo ma lo we gi.

Wegɔɔnle 8:2

Lanjenu sɔrafié lé woo dɔa Kazambale ’lɛ, maa wo ye, yé wo béli sɔrafié nɔ wo lɛ.