Matio 24:15 - Kazambale lé Sebe Sauunu 1979

¹⁵ Amalé mi lé é ke sɛbɛ ’ko ta fena, ’bɛzan ’é yuɛ pa ébozen va ma. Fɛ sɛrɛle tata fɛ naané lé wo ’ka wo yuɛ vɔa a ta lo, ’té balelayezan Daniɛl alé we fe bɛ, dé ka a ye é dɔle fɛna sauun na,

Matio 24:15 ပူးပေါင်းရင်းမြစ်များ

Jérémi 44:29

Yé Gakelebale léé: Tɔmase do é dan kɛlɛ lɛ, ’bɛ nya lé ka dan a gi dɔɔ lɛ léé, maa dan we lɛdɔ lɛ ’wo gi fɛkona, kalé a dɔɔle we ma léé, an dére lɛ é dan sɔɔ lɛ wenaané bɔle ka ma nya.

Ézékiɛl 40:4

Mi ’ko lé an lɛ léma: Blami be, ’i yɛrɛ gini i yuɛ nya, yé ’i we ’ma i tɔné nya. Yé we faa lé maa dan wo nagɔɔn lɛ i lɛ, ’é vo i ’wuo gi. Naa, wo da i nya ’ko, léé, maa we ’konu gɔɔn i lɛ. Fɛnu faa lé i dan wo ye lɛ, bé nagɔɔn Izraɛl munu lɛ.

Daniɛl 1:6

Juda pɛniɛnu va mi kenu lé ke ’ko: Daniɛl koo, Aanania koo, Misaɛl koo, Azaria koo, woo lé.

Daniɛl 11:31

A dére ta lé sunyanu é dan da lɛ, wo dan fɛna sauun, kɔn plɛplɛ sɔnné sɛrɛ lɛ, yé balebanwi lé wa kyɛ blé, ’té wa no yifaama, wo dan a nɔle yi ga lɛ, yé fɛ sɛrɛle tata fɛ naané lé mi ’ka é yuɛ vɔa a ta lo, wo dan a dɔ lɛ fɛna sauun na.

Daniɛl 12:11

É sia bléyian va lé balebanwi lé wa kyɛ blé yifaama, wa nɔle yi ga, fɔɔ yé fɛ naané lé mi ’ka é yuɛ vɔa a ta lo, yé wa dɔ fɔɔ bléyi ’ko va, yi wuru suiɛdo yi yɔ ziɛn wɔlɛ vu é dan gié lɛ.

Daniɛl 9:23

I kun bazorole ma bléyian va, Gakelebale dére fe yé an da a fe lɛ i lɛ. Naa, i sɔ a lɛ é baba. I tɔné dɔ dére ’ko lɛ yé i yuɛziwe gi ’ma.

Daniɛl 9:25

Bɛwemalé, ’i we ’ko ’ma, yé bé gi ’ma ma. Dére lé é a fe léé, wo dan Jérusalɛm pa lɛ é ziin, a febléyi va fɔɔ yé é bɔ Nyɔnɔzénnwiinzan, Zigɔɔnzan bléyi ma, é a flɛyi sɔrafié nya. Flɛyi yɔ yaa wɔlɛ fié gi, wo dan vuunlanu kɛlɛ lɛ yé wo dan gurunu bo lɛ, naa bléyi tɔntɔnnu lé.

Daniɛl 9:27

Minwiinzan ’ko é dan gipawe gligli do kɛlɛ lɛ mi kiɛre va flɛyi do wuo. Yé flɛyi ’ko méléna, é dan saraka bole valé blɛ kɛlɛle yi ga lɛ. Fɛsɛrɛzan é dan bozowenu kɛlɛ lɛ fɔɔ yé a sɛrɛle valé wean wa ma’lɛrɛ azé nya, yé é bɔ a ma.

Matio 24:16

’bɛ bléyi va, munu lé wo ke Judé tɛrɛ la, ’wo fwi yé ’wo go gɔnu nwiin ma;

Maak 13:14

Mian éé sɛbɛ ’ko ta fé, ’bɛzan ’é yuɛ pa ébozen va ma. Fɛ sɛrɛle tata fɛ naané lé wo ’ka ’wo yuɛ vɔa a ta lo, dé ka a ye é dɔle fɛana lé a se ’ka a lɛ léé, é dɔ ana lo, ana, munu lé wo ke Judé tɛrɛ la, ’wo fwi yé ’wo go gɔnu nwiin ma.

WENÉNÉ LÉ LUK A GYE (Évangile selon Luc) 19:43

A yi é dan bɔ lɛ, yé i nyanézannu é dan guru bo lɛ i zi, yé wo dan i zi lɛ sɔɔ lɛ yé wo dan i tunu lɛ bɛ faa ma.

WENÉNÉ LÉ LUK A GYE (Évangile selon Luc) 21:20

Dé ka Jérusalɛm zi lɛ ye é sɔɔle sunyanu nya, ka gi dɔɔ léé, a sɛrɛle bɔ é pu.

WENÉNÉ LE JAN A GYE (Évangile selon Jean) 11:48

Dé é vo we ’ko kɛlɛna yé ko ’ka we lɛ a zi lo, mi faa é dan bli pa lɛ a lɛ, yé Rom munu é dan da lɛ yé wo kolé Balebangikɔn sɛrɛ yé ko bɛn tɔ é san.

Kelewenu 21:28

Izraɛl munu, ’ka da bɔ ko va. Mi lé éé we fé munu koo, bélidɔwe koo, fɛkona koo, wo faa ma munu faa lɛ fɛfaana, yee lé ke ’ko. É go Grɛkinu nya é ziin Balebangikɔn gi yé é fɛna sauun ’ko sɛrɛ.

Kelewenu 6:13

Wo viéwena?-?yezannu bɔra yé ’bɛnu léé: Mi ’ko, é ’ka daan sɔnɔ dérenu fele ma fɛna sauun ’ko valé bélidɔwe ma lo.

Ébrunu 2:1

Bɛwemalé, wenu lé kaa wo ’ma, é a lé kaa wo kɛlɛ kaa bli faa nya, dé wo da saan kaa gi.

Wegɔɔnle 1:3

A bléyi bɔ é pu, amalé mian éé sɛbɛ ’ko ta fé, é valé munuan woo balelawefele ’ko maan, yé wenu lé é ke é gyɛle sɛbɛ ta, ’té woo a ta tawoo bɛ, wo drɔɔ a é vole.

Wegɔɔnle 3:22

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma.