Matio 24:14 - Kazambale lé Sebe Sauunu 1979

¹⁴ Wo dan Kazambale plale mi nwiin lé wenéné ’ko fe lɛ tɛrɛ faa la, wenayedére nya, bɛnnu faa lɛ. A zuo, a ’wuo pla bléyi é dan bɔ lɛ.

Matio 24:14 ပူးပေါင်းရင်းမြစ်များ

Ézékiɛl 7:10

Bé ye, a yi lo; bé ye, é bɔ. Izé bɔ. Yili vwi bi. Boblɛn foe.

Matio 10:7

’Ka go, ’ka fe munu lɛ léé: Kazambale plale mi nwiin bɔ é pu.

Matio 18:19

Maa lé ka lɛ é ziin léé, dé ka va mi fié bli kɛlɛ do fɛofɛan laale ma, an Ti lé é ke la gi é dan a nɔ lɛ wo lɛ.

Matio 24:3

É nyana Ɔlivi gɔ nwiin yé a zuomunu da we ’ko laa lɛ a lee, ’té wa wo saa, yé wo léé: Bé gi fe ko lɛ, ’bɛ é dan bɔ lɛ mɛ yi laa, yé i dale valé tɛrɛla nyaale tɔmase é dan kɛlɛ lɛ kaa?

Matio 24:6

Ka dan gulidan we ’ma lɛ, yé ka dan a ’ma lɛ léé, wa guli danna fɛ kiɛrena. ’Ka yuɛ pa kabozen va, té ka ’bɛ gi bɔrɔ pa lo. É a bélé we ’konu é bɔ, naa, ’bɛ ’ka a nyaabléyi nya lo.

Matio 4:23

Jézu gié Galilé tɛrɛ faa la, we paale nya munu gi bazorokɔnnu gi, ’té éé Bale plale mi nwiin lé Wenéné fé, ’té éé gyɛgyɛmunu valé mayaamunu faa bélié.

Matio 9:35

Jézu gié fla kuru ’léénu valé flanénu faa ta, we paale nya munu gi bazorokɔnnu gi, ’té éé Kazambale plale mi nwiin lé Wenéné fé, ’té éé gyɛamamunu faa valé mayaamunu faa bélié.

Maak 13:10

É a lé wo Wenéné fe bɛnnu faa lɛ é vinin.

WENÉNÉ LÉ LUK A GYE (Évangile selon Luc) 2:1

’Bɛ yinu la, Sézaa Ogisi bélidɔwe fe léé, ’wo tɛrɛlamunu faa nɔnɔ.

WENÉNÉ LÉ LUK A GYE (Évangile selon Luc) 24:47

yé wo dan bli nɔlale valé mi ma we vole lé we fe lɛ a tɔ nya bɛnnu faa lɛ, é sia Jérusalɛm.

WENÉNÉ LÉ LUK A GYE (Évangile selon Luc) 4:5

Yonufaatagɔné go a nya loru yé é tɛrɛ la bɛntɛrɛnu faa gɔɔn a lɛ bléyi do kpen nya

Kelewenu 11:28

Wo va mi do lé wa laama Agabu, é nwa, yé é we fe Kazambale Léli nya léé, lɔrɔ blɛn é dan dɔ lɛ tɛrɛ faa la. Yé wezen lé, é bɔ minwiinzan Klode bléyi va.

Kelewenu 17:6

Yé wo ’ka wo ye lɛ lo, yé wo Jazɔn valé bwe kenu gana yé wo go wo nya minwiinmunu ’lɛ siaale nya léé: Munu lé wo tɛrɛ faa sɛrɛ wo da é ziin ’ko,

Kelewenu 19:27

We lé ke we ’ko gi naané yee lé ke ’ko: dé kolé nyanama kɛlɛ boawe nya munu yuɛ gi, ’bɛ a do; dé baleda Diane bankɔn vo é pla, ’bɛ a do; le lé Azi munu valé tɛrɛlamunu faa a bɔa bɛ, dé é kɛlɛ boazan nya, ’bɛ a do; we lé ke é naané, yee lé ke bɛ.

Kelewenu 20:25

Yé sin, maa gi dɔɔ léé, ka ’ka dan an yara ye lɛ é dɛrɛ lo, ’kaa lé, maa gié Kazambale lé plale mi nwiin lé wefele nya ka faa méléna, ka lé.

Rom munu 10:18

Naa, maa léé: Wo ’ka a ’ma lɛ loo? ’Bɛ kaan lo. Wo dére nwɛɛn tɛrɛ faa la, Yé wenu lé wa fe, wo bɔ fɔɔ tɛrɛ glɛ sina.

Kolɔs munu 1:23

’té dé ka suni wɔra yé ka tin blɛɛn blipale gi, yé we lé ka bli ke a lɛ Wenéné lé ka a ’ma, alé we ma, ’té ka bli ’ka sié ’bɛ lɛ monomono lo. Wenéné ’ko, wa fe tɛrɛlamunu faa lɛ, yé maa Pɔl, maa kɛlɛ a gi nyanamapazan nya.

Kolɔs munu 1:6

Wenéné ’ko, é bɔ ka va, é a tɛrɛ la fɛfaana, ’té a tɔnɔ éé kɛla a ma yé ’té a gi éé gya bélé fɛan zo lé é a kɛlɛna ka va, a zo. É sia yian nya lé ka Kazambale lé zin lé we ’ma yé ka a dɔɔ webozen nya, a yi ma, we ’konu a nyanama pana ka va.

Ébrunu 1:6

Yé é ziin, bléyian va lé élé né vininzan pa zia tɛrɛ la, é léé: Kazambale lé lanjenu faa a bɔ ma.

Ébrunu 2:5

Naa, tɛrɛ lé wo dan a kɛlɛ lɛ, ’té ko ke alé we fena bɛ, Kazambale ’ka lanjenu pla lɛ a nwiin lo.

Wegɔɔnle 14:6

Maa lanje do ye é ziin sina la méléna, ’té Wenéné lé é ’ka nyaan lo, é a a lee, a fele tɛrɛlamunu lɛ we gi, bɛntɛrɛ faa koo, bɛn faa koo, dére faa koo, migɔnɔ faa koo, woo lé.

Wegɔɔnle 16:14

Yo lélinu lé é ke wo nya; woo we blɛnblɛnnu kɛla, ’té woo goo tɛrɛ faa la, minwiinmunu va, wo zénle ékeva Plɛplɛfaazan Bale lé yi blɛn la gulidanle we ma.

Wegɔɔnle 3:10

I tawo an dére ta yarapalale nya, amalé maa é ziin, bléyi tɔntɔn lé é dan bɔ lɛ tɛrɛ faa la, tɛrɛlamunu gi danle we gi bɛ, maa dan ka tabin lɛ ’bɛ bléyi va.