Matio 23:8 - Kazambale lé Sebe Sauunu 1979

⁸ Naa, ’kaa, té mi é ka laa ’ézan lo. Mi do kpen a kazan nya yé ka faa a ka ke bwenu nya.

Matio 23:8 ပူးပေါင်းရင်းမြစ်များ

Matio 10:25

We lé wa kɛlɛ wepaamigizan lɛ, é a é zima léé, ’é bɔ a va wedraanzan ma é ziin, yé we lé wa kɛlɛ mizan lɛ, é a é zima léé, ’é bɔ a wuozan ma é ziin. Dé wo kɔnzan tɔ pa Béɛlzébul, wo ’ka dan alé kɔngimunu tɔ pa lɛ a zo loo?

Matio 17:5

É ke aan wo we fena, yé la fu tata do tua wo nwiin. Tɔɔn, Bale we fe la fu gi, yé é léé: Mi ’ko a an be lé é sɔ an lɛ é baba, a nya; a va sɔlɛle a an gi blɛn. ’Ka tɔné dɔ a lɛ.

Matio 23:10

Té mi é ka laa ’ézangɔné lo; kazangɔné a do kpen, Krist nya.

Matio 23:7

munu wele wo va gɔrɔ la valé munu lé wo laale ’wozan, ’wozan, é sɔ wo lɛ.

Matio 26:25

A pamunuleezan Judas léma: Anzan, maa léé? Jézu a zi pa a lɛ léé: Yee lé bé fe bɛ.

Matio 26:49

Tɔɔn, é bié Jézu ma yé é léma: Anzan, i nyɔn‐o. Yé é a tuu gyɛ.

Maak 10:51

Jézu a laa a lee léé: É sɔ i lɛ léé, maa mɛ ɛ kɛlɛ i lɛɛ? Yuɛwiizan a zi pa a lɛ léé: Anzan, an yuɛ ’é fuo ma.

Maak 11:21

We lé é bɔ, a sele dɔ Piɛri gi, yé é lé Jézu lɛ léé: Anzan, bé nagini. Bɔrɔyili lé i bale pa a ma, é ga.

Maak 14:45

Judas bɔ aan wo tɔɔn, é bié Jézu ma yé é léma: Anzan. Yé é a tuu gyɛ.

Maak 9:5

Yé Piɛri lé Jézu lɛ léé: Anzan, kaa vole ’ko a é zima; ’ko ban yaa dɔ ma; izé do, Moizi zé do, yé Éli zé do.

WENÉNÉ LÉ LUK A GYE (Évangile selon Luc) 22:32

Naa, an bazoro ilé we ma, léé, té i blipale ta é zana lo; yé bii, dé i bli nɔla yian ma, ’i i bwenu dɔ gligli ma.

WENÉNÉ LE JAN A GYE (Évangile selon Jean) 1:38

Jézu nɔla yé é a ye aan wo léé, wa dana ’yee ɛ zuo, é lé wo lɛ léé: Mɛ fɛ lé ka ke a gininaa? Yé wo lé a lɛ léé: Rabi, ’bɛ gi léé, ’wozan, i nyanaan kyɛɛn?

WENÉNÉ LE JAN A GYE (Évangile selon Jean) 1:49

Natanaɛl lé a lɛ léé: Anzan, bii a Kazambale Be nya. Bii a Izraɛl munu nwiinzan blɛn nya.

WENÉNÉ LE JAN A GYE (Évangile selon Jean) 11:8

A zuomunu lé a lɛ léé: Kozan, Juifinu a kwa kulina yi la léé, ’wo i gya gɔlɛ nya Judé tɛrɛ la ’naan, yé i léé, ’é go ana é ziin?

WENÉNÉ LE JAN A GYE (Évangile selon Jean) 20:16

Jézu lé a lɛ léé: Mari. É nɔla yé é lé a lɛ Ébru dére gi léé: Rabuni, ’bɛ gi léé, anzan blɛn.

WENÉNÉ LE JAN A GYE (Évangile selon Jean) 3:2

É da Jézu va é béli, yé é lé a lɛ léé: Anzan, ko a gi dɔɔ léé, bii a wepaamigizan lé é si Kazambale va, a nya. Gyɛzorowenu lé bé kɛla ’ko, dé Kazambale ’ka mi va lo, é ’ka bɔa wo kɛlɛle lɛ lo.

WENÉNÉ LE JAN A GYE (Évangile selon Jean) 3:26

Yé wo da Jan va, yé wo lé a lɛ léé: Kozan, mi lé é ke turu i va Juudɛn yuu zi, ’té bé mawe fe, é a munu batizéwona, ’té wo faa éé goo a va.

WENÉNÉ LE JAN A GYE (Évangile selon Jean) 4:31

’Bɛ bléyi va, a zuomunu a a ma kyɛ dɔna léé, ’é fɛ ble. Yé wo léé: Kozan, ’i fɛ ble.

WENÉNÉ LE JAN A GYE (Évangile selon Jean) 6:25

Wo Jézu ye aan wo wɛyi zi, yé wo lé a lɛ léé: Kozan, bléyi kyɛn va lé i da ’koo?

WENÉNÉ LE JAN A GYE (Évangile selon Jean) 9:2

Yé a zuomunu we laa a lee léé: Kozan, mɛmalé wo mi ’ko yaa é yuɛ ’wiile nyaa? Abo lé wenyané ma lé laa, taa, a bu valé a ti lé wenyané ma léé?

2 Korɛnt Munu 1:24

Ko ’ka kalé blipale zavɔna lo, ka bli a we lɛ tegele, naa, é sɔ ko lɛ léé, ko bɔ ka va yé kalé gi nanale ’é kɛlɛ blɛn.

2 Korɛnt Munu 4:5

Ko ’ka kobozen lé we fena lo; Mizan Jézu Krist lé we lé ko ke a fena, yé ko léé, ko a ka wuozannu nya Jézu lé we ma.

Éfez munu 3:15

lagi lele valé tɛrɛ la lele faa tɔ éé sié a va, a ’lɛ, ’té maa laan a lee léé,

Filémɔn 1:16

Maa ’ka a fena léé, bé ye é ziin bélé luu zo lo, naa, sin alé we zima mini luu zé ta; bé ye sin i sɔlɛ zuané nya. É a an zuané nya, yé izé mini anzé ta, tɛrɛlawe vazia, yé é ziin Mizan gi.

SEBE LÉ JAK A GYE (Épitre de Jacques) 3:1

An bwenu, té ka va mi kiɛre ’é kɛlɛ wepaamigizannu nya lo, naa, ka a gi dɔɔ léé, wo dan kolé we ble lɛ yara plɛplɛ nya.

1 Piɛri 5:3

té kabo pla wo nwiin bélé fɛan zo lé wa ka wuozannu nya, a zo lo, naa, ’ka kɛlɛ trubɛnu lé wekɛlɛmazannu nya ma.

Wegɔɔnle 1:9

Maa Jan, maa a ka bwe nya. Nyanéblele valé plale mi nwiin valé yara pale we la lé ko ye Jézu lé we ma, é a kaazé nya. Maa a Kazambale dére valé Jézu lé we fena, amalé wo an si yé wo an zun wɛyi worona tɛrɛ lé wa laama Patimɔ, a ta.

Wegɔɔnle 19:10

Yé maa dia a gane ma a bɔle we gi, naa, é lé an lɛ léé: Té bé kɛlɛ lo. Bii valé i bwenu lé woo Jézu lé we fé, maa a ka vazan do nya. ’I Kazambale ɛ bɔ. Jézu lé we a balelawefele pun nya.

Wegɔɔnle 22:9

Naa, é lé an lɛ léé: Té bé kɛlɛ lo. Bii koo, i bwe balelayemunu koo, munu lé wo ke tawona sɛbɛ ’ko dérenu ta koo, maa a ka vazan do nya. ’I Kazambale ɛ bɔ.