Matio 23:13 - Kazambale lé Sebe Sauunu 1979

¹³ Sɛbɛgifemunu valé Farizimunu, bodrɔzannu, ka gale nyɔ. Ka Kazambale lé fla zi lɛ tan munu lee; kabozen, ka ’ka wɔrana lo, yé munu lé é sɔ ’bɛnu lɛ léé, ’wo wɔra, ka ’ka ’bɛnu wɔrale ana nyi sié lo.

Matio 23:13 ပူးပေါင်းရင်းမြစ်များ

Ézai 33:14

Kana zén wenyanékɛlɛzannu gi Siɔn; Bale lé zi ma wenyanéfezannu ma a nyɔɔnna; ko va mi kyɛn ɛ bɔalɛ léé, é vo kyɛ lé é ke fɛ blena, a sɔnɔɔ? Ko va mi kyɛn ɛ bɔalɛ léé, é vo kyɛnɛnɛ lé é ’ka dirian lo, a sɔnɔɔ?

Zakari 11:17

Mipazan boazan lé é élé ’blanu vo mi, we tɔntɔn ’é bɔ ’bɛzan ma ma. Gwɔun ’é vɔ a bɛ ma yé gwɔun a bɛyila yuɛ fɔn ma. A bɛ ’é ga a ma ma, yé a bɛyila yuɛ ’é diri ma.

Matio 23:16

’Kaa zilɛzannu lé ka yuɛ ke é ’wiile, ka gale nyɔ. Ka léé: Dé mi Balebangikɔn ’nyɔɔn, ’bɛ ’ka we do nya lo; naa, dé mi Balebangikɔn gi kyan ’nyɔɔn, ’té ’bɛ ɛ ke bale ’nyɔɔnle boen nya.

Matio 23:23

Sɛbɛgifemunu valé Farizimunu, bodrɔzannu, ka gale nyɔ. Zian va blaanu mant koo, anɛt koo, kumɛn koo, ka wo vuzan no, yé we lé é ke blɛn é mini wo ta bélidɔwe gi, ka ’bɛ voo ka bɛ zuo; we tegele kɛlɛle koo, nyanai zénle koo, yarapale we ta koo, woo lé ka wo voo ka bɛ zuo. É a lé ka ’bɛnu é kɛlɛ, yé té ka a vininzannu vo ka bɛ zuo lo.

Matio 23:25

Sɛbɛgifemunu valé Farizimunu, bodrɔzannu, ka gale nyɔ. Ka ’yiminikana valé fɛblekana lala folié, ’té wo gi a é fanle glawe valé mibo lé sɔlɛwe kɛlɛle nya.

Matio 23:27

Sɛbɛgifemunu valé Farizimunu, bodrɔzannu, ka gale nyɔ. Ka a bélé mi vunnu lé wo tɔrɛ fu gié wo ma, a zo. Wo ma a é nɔnɔmi yé wo gi a é fanle migale wɔlɛnu valé fɛ naané gɔnɔ faa nya.

Matio 23:29

Sɛbɛgifemunu valé Farizimunu, bodrɔzannu, ka gale nyɔ. Ka fɛ dɔa balelayezannu vun ta yé ka mi tegelenu vun guru ma nyɔɔ gya,

Matio 3:7

Juifinu palu do ana, woo wo laama Farizimunu. Wo dɔ bélidɔwe gi plɛplɛ. Juifinu palu do ana é ziin, wo ’bɛnu laama Sadusémunu. Naa, Farizimunu valé Sadusémunu kiɛre da Jan lé mi batizéwona nagini lɛ. É wo ye aan wo, é lé wo lɛ léé: ménénwunnu bɛn, de ɛ we paa ka gi léé, bliflile lé é dan da lɛ bɛ, ka fwi a ’lɛɛ?

WENÉNÉ LÉ LUK A GYE (Évangile selon Luc) 11:52

Bélidɔwedɔɔmunu, ka gale nyɔ. Ka wedɔɔle lé lakléwɔlɛ sia; yé kabozen ka ’ka wɔrana ana lo, yé munu lé wa a va léé, ’wo wɔra ana, ka ’ka a nyi sina wo lɛ lo.

WENÉNÉ LE JAN A GYE (Évangile selon Jean) 9:22

A yaamunu a kanana Juifinu lee, amalé wo we ’ko fe. Juifinu ’wo gi pa kɔɔn do léé, dé miomian é a nyi si léé, Jézu a Krist nya, wo dan ’bɛzan bɔra lɛ bazorokɔn gi.

WENÉNÉ LE JAN A GYE (Évangile selon Jean) 9:24

Mi lé a yuɛnu ke turu é ’wiile, Farizimunu a laa a gɔnɔ fiézan nya yé wo léé: ’I Kazambale tɔ bɔ. Ko gi dɔɔ léé, mi ’ko a wenyanékɛlɛzan nya.

WENÉNÉ LE JAN A GYE (Évangile selon Jean) 9:34

Yé wa zi pa a lɛ léé: Wo i yaa wenyanékɛlɛzan nya tegele boenwo yé bii ɛ we paan ko gii? Yé wa bin.

Kelewenu 13:8

Naa, Élimas, ’bɛ gi léé, yokɛlɛzan, é dɔ Pɔlnu ma Kazambale lé we gi sɛrɛle gbɔrɔnama bɛgizan tɔné gi we ma.

Kelewenu 5:28

Ko ’ka a yi ga lɛ ka lee wéiin léé, té ka we paa munu gi tɔ ’ko nya lo loo? Yé ka ye, ka kalé wepaale sɔɔla Jérusalɛm woro dii fɛfaana, yé ka a a va léé, ka mi ’ko nyɛwe dɔ ko nwiin.

Kelewenu 5:40

Wo dɔ a dére ta. Wo nwunvɔzannu laa aan wo, yé wo wo bla plén nya yé wa yi ga wo lee léé, té wo we fe Jézu tɔ nya lo, yé wo daan wo ma.

Kelewenu 8:1

Étiɛne gyɛle sɔ Sɔl lɛ. A yi duo nya wo nyané pa Jérusalɛm léglizigimunu ta é baba, yé wo faa nwɛɛn Judé tɛrɛ valé Samari tɛrɛ la. Nwunvɔzannu saa ɛ vo Jérusalɛm.

2 Timoté 3:8

Fɛan zo lé Janɛs valé Jambrɛs dɔ Moizi ma plɛplɛ, a zo duo lé munu ’ko éé dɔa webozen ma plɛplɛ. Wa é vɔnle we ’male gi, wo ’ka mi nya blipale lé we vazia lo.

2 Timoté 4:15

É dɔ ko dérenu ma plɛplɛ; amalé ’i yuɛ pa ibo va alé we ma é ziin.