Matio 22:3 - Kazambale lé Sebe Sauunu 1979

³ Munu lé é wo laa fɛti kɛlɛle ma, é wuomunu nwunvɔ wo laana léé, ’wo da. Naa, wo ’ka a va léé, ’wo da lo.

Matio 22:3 ပူးပေါင်းရင်းမြစ်များ

Lɛrɛvɔ Sɛbɛ 68:11

Oo Bale, tɛrɛ lé bé ma’lɛrɛ ilé zin nya wenaané bɔmazannu zé nya, Ilé munu wo nyanana kɛlɛ a ta.

Ézai 30:15

Naa, Mizan, Gakelebale, Izraɛl lé Mi Sauun léma: Dé ka nɔla an va yé ka flin an va, é dan kɛlɛ lɛ ka sile we gi nya; vole drɔɔ valé ka pale an ta, é dan kɛlɛ lɛ kalé plɛplɛ nya. Naa, ’bɛ ’ka sɔ lɛ ka lɛ lo.

Jérémi 25:4

Gakelebale é wuozannu balelayezannu faa nwunvɔ ka va yifaama, yé ka ’ka ka tɔné dɔ lɛ wo lɛ lo; ka ’ka wo ban lɛ ka tɔné nya lo.

Jérémi 35:15

Maa an wuozannu balelayemunu faa paan ka lɛ zia bladi nyanadi, a fele ka lɛ we gi léé: Ka faa do do, ’ka si kalé tawobɛ naané zuo, ’ka ka kɛlɛwenu nɔla, té ka go bale bɛnu zuo wo bɔle we gi lo, yé tɛrɛ lé maa a nɔ ka valé ka tranu lɛ, yé ka dan vo lɛ ana. Naa, ka ’ka an ban lɛ ka tɔné nya lo, yé ka ’ka tɔné dɔ lɛ an lɛ lo.

OZÉ (Osée) 11:2

Dé maa wo laaoo, ’té wo yara a wo ’lɛ mi; Wo Baalnu ban Yé wo lasikɔrɔpo kyɛ ble yonu lɛ.

OZÉ (Osée) 11:7

Saanbli a anlé munu gi, wo si an ma baa. Wa fe wo lɛ léé, ’wo Loruzan nagini, naa, wo va mi do kpen ’ka yuɛ vɔ lɛ ana lo.

Sofoni 1:7

’Ka tadɔ Mizan Gakelebale ’lɛ; naa, Gakelebale lé yi bɔ é pu, naa, Gakelebale élé saraka ma’lɛrɛ, élé sarakabofɛ blezannu si a va é kyɛn.

Matio 21:34

Dé dɔrɔporo sobléyi pa é ’é wuomunu nwunvɔ élé féinwiinzannu va élé féi dɔrɔporo sile we ma.

Matio 23:37

Jérusalɛm munuoo, Jérusalɛm munu, ka lé ka balelayemunu gya, ’té munu lé maa wo paan ka lɛ zia, ka wo gya gɔlɛ nya, gɔnɔ kiɛre nya maa a a va léé, maa ka wɔra an va, bélé fɛan zo lé mane tina élé nénu wɔraan ’é bɛa wuo, a zo, yé ka ’ka a nyi si lɛ lo.

Matio 3:2

É léé: Kazambale lé plale mi nwiin bɔ é pu, amalé ’ka bli nɔla.

Matio 9:15

Jézu lé wo lɛ léé: Dé ledɛrɛsizan a é béénu va, wo bli kyɛ éé dɔa kaa? Bléyi do é dan bɔ lɛ yé wo dan ledɛrɛsizan si lɛ wo va; ’bɛ bléyi nya lé wo dan lɔrɔ sɔn lɛ.

WENÉNÉ LÉ LUK A GYE (Évangile selon Luc) 13:34

Jérusalɛm munuoo, Jérusalɛm munu! Ka lé ka balelayemunu gya, ’té munu lé maa wo paan ka lɛ zia ka wo gya gɔlɛ nya, gɔnɔ kiɛre nya maa a a va léé, maa ka wɔra an va bélé fɛan zo lé mane tina é élé nénu wɔraan é bɛa wuo, a zo, yé ka ’ka a nyi si lɛ lo.

WENÉNÉ LÉ LUK A GYE (Évangile selon Luc) 15:28

Gɔnézan bli fli yé é ’ka a va léé, é wɔra kɔn gi lo. A ti bɔra yé ’bɛ zanté vɔ a lɛ léé, ’é wɔra.

WENÉNÉ LÉ LUK A GYE (Évangile selon Luc) 19:27

Naa, an nyanézannu lé an plale wo nwiin ’ka sɔ lɛ wo lɛ lo, ’ka da wo nya ’ko, yé ’ka wo bɔrɔ bo an yuɛ va.

WENÉNÉ LE JAN A GYE (Évangile selon Jean) 5:40

Yé é ’ka sɔ lɛ ka lɛ léé, ka da an va ka vole é yuɛma we gi lo.

Kelewenu 13:45

Juifinu mi gu ye aan wo, wo maawo Pɔlnu va yé wo we lɛrɛlɛrɛnu fe Pɔl ma yé wa dére nɔla, yé wa sɔnɔ.

Rom munu 10:21

Naa, é lé Izraɛl lé we ma léé: Maa bɛ soi bladi nyanadi Zavɔbɛn lé a tɔné gi ke plɛplɛ, a lɛ.

Ébrunu 12:25

’Ka yuɛ pa kabozen va, mi lé ke we fena ka lɛ, té ka sɔn vɔ a dére ma lo. Munu lé wo sɔn vɔ Moizi lé é we fe wo lɛ tɛrɛ la ’ko, a dére ma, dé Bale we lɛdɔ wo gi ’naan, ’té kaa nii? Dé kaa sɔn vɔ mi lé é ke we fena lagi loru bɛ, ’bɛzan dére ma, Bale ’ka dan we lɛdɔ lɛ kaa gi loo?

Ébrunu 9:15

We ’ko ma lé Krist kɛlɛ gipawe dɛrɛ gizan nya; wenyanénu lé munu a kɛlɛ bléyian va lé wo ke gipawe vininzan va, é ga wo sile wo lee we gi, munu lé Bale wo laa, tɔnɔ lé é ’ka nyaan lo, ’té Bale a fe léé, é dan a nɔ lɛ wo lɛ bɛ, wolé a blele we gi.

Wegɔɔnle 22:17

Yé Kazambale Léli valé bosizan léé: ’I da. Yé dé mianzan a ’ma, ’bɛzan ’é ’i da vɔ ma. Mian ’yiminilɔrɔ ke a gyɛna, ’é da ma; yé mian é sɔ a lɛ léé, ’é mivoéyuɛma ’yi si, ’bɛzan a si é pla ma.

1 Samuɛl 9:13

Dé ka bɔ fla, ka dan a ye lɛ faa yé é go balebanna loru fɛblele we gi; é a lé é saraka drɔɔ vo, amalé dé é ’ka tan da lɛ lo, munu ’ka dan fɛ ble lɛ lo; dé é a drɔɔ vo faa, ’bɛ zuo yé munu lé wo wo laa, wo dan fɛ ble lɛ. Amalé ’ka go, ka dan a ye lɛ laoɛ.