Matio 20:6 - Kazambale lé Sebe Sauunu 1979

⁶ É bɔra é nyanadi yiri zɔrɔ nya, yé é mi bɛnu ye é dɔle vuun la é ziin yé é lé wo lɛ léé: Mɛmalé ka dɔ ’ko bladi fɔɔ yé nyanadi pa a zo yé ka ’ka we do kɛlɛna loo?

Matio 20:6 ပူးပေါင်းရင်းမြစ်များ

Wegɔnévɔlenu 19:15

Kun‐anwole éé mi gya yi nya, yé lɔrɔ é dan mi yowuliné gyɛ lɛ.

Bale Lé We Gifezan 9:10

Nyanama faa lé i wo yé, ’i wo pa ilé plɛplɛ nya; naa, i a gona fɛana, migalenu nyanana bɛ, wekɛlɛle koo, ’wuo gi bɔrɔle koo, gikinile koo, wedɔɔle koo, wo ’ka ana lo.

Ézékiɛl 16:49

I buru Sɔdɔm lé weplenu lé ke ’ko: Boblɛn a a gi, ’té tɔnɔfɛ kiɛre a a lee, ’té é a éboma duaa, ’té gibɔrɔ do kpen ’ka a ma lo, yee valé é lunu nya, yé mi lé we tɔntɔn bɔ a ma, ’bɛ valé mi lé we do ’ka a lee lo, é ’ka bɔ lɛ wo va lo.

Matio 20:5

Yé wo go ’bɛna. É bɔra é ziin é yiéyi valé yiri tɛnla bléyi va yé é yee we duo kɛlɛ.

Matio 20:7

Wa zi pa a lɛ léé: Mi do kpen ’ka ko si lɛ lo, amalé. É lé wo lɛ léé: ’Kaa é ziin, ’ka go anlé dɔrɔféi.

Matio 20:9

Munu lé wo go nyanadi yiri zɔrɔ nya, wo da, yé é wo gooli pa dénié do do nya.

WENÉNÉ LE JAN A GYE (Évangile selon Jean) 9:4

Bléyian va lé fɛna a é kinile, mi lé é an pa zia, é a lé maa alé nyanama pa; béli a dana tan lɛ, ’té mi do kpen ’ka bɔa nyanama pale lɛ lo.

Kelewenu 17:21

We dɛrɛ fele valé we dɛrɛ ’male ɛ ke Atɛne munu faa valé wolé fla bɛnnu panyanama nya yifaama.

Ébrunu 6:12

É sɔ ko lɛ léé, té ka yuɛ gi é blan lo, naa, munu lé wo ke blivolɛdére lɛsɔɔle yena, blipale valé yarapalale nya, ’ka kɛlɛ bélé wo zo.