Matio 20:30 - Kazambale lé Sebe Sauunu 1979

³⁰ Yé yuɛwiizannu fié a é nyanale zi péli ta. Wa ’ma aan wo léé, Jézu a giéna, yé wo siaa léé: Mizan, David Be, ’i nyanai zén ko ta.

Matio 20:30 ပူးပေါင်းရင်းမြစ်များ

Lɛrɛvɔ Sɛbɛ 146:8

Gakelebale éé yuɛwiizannu yuɛ fuoan; Munu lé wo ke é plinle, Gakelebale éé wo drɔan tegele; We tegele kɛlɛzannu ɛ sɔa Gakelebale lɛ.

Ézai 29:18

’Bɛ yi la, tɔnéwiizannu é dan sɛbɛ gi dérenu ’ma lɛ yé gunu ’ka dan kɛlɛ lɛ yuɛwiizannu yuɛi é dɛrɛ lo, yé wo dan yɛrɛ ye lɛ.

Ézai 42:16

Maa dan a kɛlɛ lɛ léé, yuɛwiimunu é tawo zi lé wa dɔɔa lo, a ta, Maa dan go lɛ wo nya zi prɔɔné lé wo ’ka a dɔɔa lo, a ta; Maa dan gunuti nɔla lɛ san nya wo ’lɛ, Yé maa dan zi plinle drɔ lɛ zi tegele nya; We lé maa dan a kɛlɛ lɛ, yee lé ke bɛ, yé an ’ka dan sɔn vɔ lɛ wo ma lo.

Ézai 42:18

Tɔnéwiimunu, ’ka tɔné dɔ. Yuɛwiimunu, ’ka nagini, ’ka ye.

Ézai 59:10

Ko bɛ daan, bélé yuɛwiizan ɛ ke é bɛ danna kɔnguru ma; ko bɛ daan bélé mi lé a yuɛ ’ka lo, a zo; ko sɔné éé saan é yiéyi bélé béli lé; ko a fɛ kiɛre méléna, ’té ko a bélé migalenu zo.

Matio 13:4

É a nwɛɛnna aan wo, a wɔlɛ kenu dia zi sɔnɔ; yé mianénu da yé wa ble.

Matio 15:22

Yé Kanaan le do lé é si tɛrɛ ’konu la, é siaa Jézu lɛ léé: Mizan, David Be, ’i nyanai zén an ta. An lu a nyané blena kaii yo lee.

Matio 20:31

Mi gu siaa wo ta léé, ’wo tadɔ, naa, wo siaa é ziin plɛplɛ léé: Mizan, David Be, ’i nyanai zén ko ta!

Matio 21:14

Yuɛwiizannu valé tunbozannu bié a va Balebangikɔn gi yé é wo béli.

Matio 21:9

Mi gunu lé wo ke tawona Jézu ’lɛ, é valé munu lé wo ke tawona a zuo, wo siaa léé: David Be, ozana! Mi lé é da Mizambale tɔ gi, a drɔɔ ’é vo ma. Lai loru munu, ’ka siaa mi, ozana!

Matio 22:42

Jézu we laa wo lee léé: Krist lé we dɔ ka gi kaa? É a de ɛ be nyaa? Wa zi pa léé: David be lé.

Maak 10:46

Jézu koo, é zuomunu koo, mi gu blɛn koo, wo bɔ Jériko. Wo si aan wo ana, ’té Timé be Baatimé lé é ke yuɛwiizan nya, ’té éé doro paan, é a é nyanale zi nɔnɔ.

WENÉNÉ LÉ LUK A GYE (Évangile selon Luc) 4:18

Mizambale Léli a maa ta Yé é nyɔnɔ zén an nwiin anlé wenéné fele nyanégyɛmunu lɛ we gi; É an pa zia munu lé blikyɛdɔwe blɛn bɔ wo ma, wo va, wo bélile koo, Luugimunu vole woboma valé Yuɛwiimunu yuɛ fuole koo, Munu lé woo yaan wo ta, wo vole woboma valé

WENÉNÉ LÉ LUK A GYE (Évangile selon Luc) 7:21

’Bɛ bléyi va Jézu gyɛgyɛmunu kiɛre béli yé é migyɛgyɛnu si munu ma yé é yonu si munu gi, yé é yuɛwiizannu yuɛnu fuo.

Kelewenu 2:30

É ke aan wo balelayezan nya, é a gi dɔɔ léé, Kazambale a fe ébo kunle nya léé, é dan David kululazan do nyana lɛ David lé webleblin ta.