Matio 2:16 - Kazambale lé Sebe Sauunu 1979

¹⁶ Érɔd a ye aan wo léé, wedɔɔzannu dabli kɛlɛ é lɛ, a bli fli é baba. É munu pa zia Bɛtléɛm valé é zi tɛrɛ faa la léé, négɔnénu lé wo lɛɛ bɔ fié, é valé wo lé wo lɛɛ ’ka tan bɔ lɛ fié lo, ’wo wo gyɛ, moné yi lé é a laa wedɔɔzannu lee, a yɛrama.

Matio 2:16 ပူးပေါင်းရင်းမြစ်များ

Wepélisiananu 39:14

yé é ’élé kɔngimunu laa yé é lé wo lɛ léé: Ka yua, an zana da Ébru mi do nya ’ko blɛn gle wole ko va we ma. Mi ’ko da yi gyɛle an va we ma, yé maa siaa an dére plɛplɛ nya.

Wepélisiananu 39:17

Yé é we fe ’bɛ lɛ léé: Ébru luugɔné lé i da a nya ko va, é da blɛn glewo lɛ an va.

Wepélisiananu 49:7

Wolé bliflile a é nyané amalé ’wo bale pa wo ma ma; Wo wɛwɛ a, yé wo bli ta a plɛplɛ, Amalé maa dan wo kini lɛ ékema Jakɔb va, Yé maa dan wo sɔɔla lɛ Izraɛl méléna.

2 Minwiinzannu 8:12

Azaɛl léé: Mɛmalé anzan wuvɔɔ? Élizé a zi pa léé: We tɔntɔn lé i dan a kɛlɛ lɛ Izraɛl lé nénu lɛ, maa a dɔɔ, ’bɛzama; i dan wolé fla plɛplɛ kyɛ vɔ lɛ, i dan wolé pɛniɛnu gyɛ lɛ gwɔun nya, i dan wolé né kiénénu pun dɔ lɛ yé i dan wolé bɔnlomu bɔn gi bo lɛ.

JOB (Job) 12:4

Dé an Kazambale laa léé, ’é bɔ an va, ’Té an kɛlɛ an béénu lé yérisiémazan nya; Mi tegele, weanwiinlozan, ’bɛ kɛlɛ yérisiémazan nya.

Wegɔnévɔlenu 28:15

Mi naané lé éé plaan nyanégyɛmunu nwiin, é a bélé golizra lé ke wena, é valé urisi lé lɔrɔ ke a gyɛna, wo zo.

Wegɔnévɔlenu 28:17

Mi lé mi bɛ nyɛwe ke a nwiin, éé fwian fɔɔ yé é go guru gi; té mi do kpen a diéra lo ma.

Ézai 26:21

Naa, ka ye, Gakelebale nwa é nyanana yé é dan we lɛdɔ lɛ tɛrɛlamunu gi wolé wenyané blɛnnu ma, yé tɛrɛ é dan mi nyɛ zanale ta bɔra lɛ; é ’ka dan migyɛle yɔɔ lɛ é dɛrɛ lo.

Ézai 59:7

Ka vlanburuwo wenaané vazia; ka ta a é kelekele weanwiinlozan nyɛ zanale ma; ka gibɔrɔle a weple gibɔrɔle nya; ’wiile fɛ ta valé guru zanale a gi a kalé zi ta.

Daniɛl 3:13

Tɔɔn, Nébukanɛsaa wɛwɛ dɔ yé a bli fli é baba. Yé é léé, ’wo da Sadrak koo, Mésak koo, Abɛd‐Négo koo, wo nya. Yé wo da munu ’konu nya minwiinzan blɛn ’lɛ.

OZÉ (Osée) 10:14

kalé munu bɔ é dan gyɛ lɛ, yé kalé guliyɔɔkɔn plɛplɛnu faa guru é dan zana lɛ a gi, bélé Salman‐Bɛt‐Aabɛl guru zanale a gi gulidanyi nya zo, ’té wo né valé ’wo bunu wii ékeva fɛan zo, a zo.

Mi Nɔnɔle 22:29

Balaam a zi pa sokofale tina lɛ léé: I an ma we nana, azama. Dé é vo lé gwɔun a an lee, ’té maa i gyɛ é nya do.

Mi Nɔnɔle 24:10

Balak bli fli Balaam ma, é bɛ gyɛ, yé é lé Balaam lɛ léé: Maa i laa léé, i bale pa an nyanézannu ma, yé bé ye, i wo drɔɔ vo tan gɔnɔ yaa.

Matio 2:1

Wo Jézu yaa aan wo Bɛtléɛm, Judé tɛrɛ la, minwiinzan Érɔd bléyi va, yirinwanazia wedɔɔmunu da Jérusalɛm,

Matio 2:17

’Ko zo lé, we lé balelayezan Jérémi a fe, a lɛ sɔɔ. É léé:

Matio 2:7

’Bɛ zuo, Érɔd wedɔɔmunu laa kyeen gi, yé é we laa wo lee a gi ’male pɛnpɛn we ma léé, ka monéné bile ye bléyi kyɛn vaa?

Wegɔɔnle 12:4

Lagi monénénu faa va, dé monéné a yaa, dragɔn woli a do ganaan a va, yé é a vuli tɛrɛ va yé a fié é voo. Yee dragɔn a é dɔle lezan lé é ke né yaana bɛ, a ma, léé, dé é né yaa tɔɔn yé ’é alé né mini.

Wegɔɔnle 17:6

Yé maa le ’ko ye é gyɛlɛ Kazambale lé munu valé Jézu lé wenayemunu nyɛ nya bélé nwɛ zo. Maa a ye aan wo, an gi vuru é baba.

Weblezannu 16:10

Délila lé Samsɔn lɛ léé: I gi kɛlɛ an lɛ, ’té i vié woo an lɛ. Dé wo i yerean fɛan nya, bé fe an lɛ.