Matio 19:29 - Kazambale lé Sebe Sauunu 1979

²⁹ Dé miomian é daan élé fɛnu ma an tɔ lé we ma, dé alé kɔnnu léé, dé a bwenu léé, dé a burunu léé, dé a ti léé, dé a bu léé, dé a na léé, dé alé nénu léé, dé alé tɛrɛnu léé, dé miomian é daan fɛ ’konu ma an tɔ lé we ma, é dan wo lɛgi ye lɛ gɔnɔ yɔ soru, yé é dan vo lɛ é yuɛma lɛɛfaama a glɛ ’ka lo. Tɔnɔ lé é dan a ble lɛ, yee lé ke bɛ.

Matio 19:29 ပူးပေါင်းရင်းမြစ်များ

Bale Lé We Gifezan 3:6

fɛ ginibléyi a, yé fɛ sanbléyi a; fɛ tadɔbléyi a, yé fɛ vulibléyi a;

Matio 10:22

An tɔ lé we ma lé munu faa é dan ka za pa lɛ. Naa, mian éé yara paan anlé we kɛlɛle ta fɔɔ yé ’é bɔ a ’wuoplana ’bɛzan é dan si lɛ we gi.

Matio 13:23

’Sawɔlɛ lé é dia tɛrɛ zima la, ’bɛ a mi lé éé Bale dére maan yé éé wɔraan a ’wuo gi, a nya; a wɔlɛ éé baan webozen nya, a nɛnɛ do wɔlɛ éé kɛla yɔ soru, yé a nɛnɛ do wɔlɛ éé kɛla yɔ yaa, yé a nɛnɛ do wɔlɛ éé kɛla yɔ do wɔlɛ vu.

Matio 13:8

A wɔlɛ kenu dia tɛrɛ zima ta; a wɔlɛ baa yé a nɛnɛ do wɔlɛ kɛlɛ yɔ soru, a nɛnɛ do wɔlɛ kɛlɛ yɔ yaa, a nɛnɛ do wɔlɛ kɛlɛ yɔ do wɔlɛ vu.

Matio 16:25

Naa, mian é sɔ a lɛ léé, é ’élé tɛrɛla kɛlɛ blɛn, é dan vuru lɛ a gi, yé mian é vuru we faa gi anlé we ma, ’bɛzan é dan ézé ye lɛ.

Matio 19:16

Yé mi do bié yé é lé Jézu lɛ léé: Anzan, maa mɛ we zima ɛ kɛla yé an vo é yuɛma lɛɛfaama yé a glɛ ’ka dɔa loo?

Matio 25:34

Yé maa minwiinzan ’é dan a fe lɛ an bɛyilazannu lɛ léé: Ka lé an Ti ka drɔɔ vo, ’ka da; tɔnɔtɛrɛ lé é a kɛlɛ kazé nya tɛrɛ pélisia bléyi va, ’ka nyana ana.

Matio 25:46

Yé munu ’ko, wo dan go lɛ kle lé é ’ka nyaan lo, a ble lɛ, naa, mi tegelenu é dan go lɛ vole é yuɛma lé é ’ka nyaan lo, a ye lɛ.

Matio 5:11

Dé wo ka sɔnɔ anlé we maoo, dé wo kle pa ka ta anlé we maoo, dé wo ka tɔ sɛrɛ bɛ faa ma anlé we maoo, ka a bɛan ’bɛ gi bɛ, ’bɛ a é zima kazé nya.

Matio 6:33

Naa, ’ka kwa kuli léé, ka kɛlɛ munu lé Kazambale ke é plale wo nwiin, wo vazannu nya, ’bɛ valé Kazambale lé we tegele kɛlɛzannu nya, yé Kazambale é dan fɛ ’konu faa nɔ lɛ ka lɛ ’bɛnu ta loru.

WENÉNÉ LÉ LUK A GYE (Évangile selon Luc) 14:26

Dé mian da an va yé a ti koo, a bu koo, a na koo, alé nénu koo, a bwenu valé a burunu koo, abozen lé tɛrɛla koo é ziin, dé wo za ’ka a gi lo, é ’ka bɔa kɛlɛle lɛ an zuozan nya lo.

WENÉNÉ LÉ LUK A GYE (Évangile selon Luc) 5:11

Wo da aan wo ’yitagoronu nya wɛyi gɔɔn ma yé wo daan fɛnu faa ma yé wo go a zuo.

WENÉNÉ LÉ LUK A GYE (Évangile selon Luc) 6:22

Dé wo ka za paoo, dé wo ka bin?-?oo, dé wo ka sɔnɔoo, dé wo sɔn vɔ ka tɔ ma fɛ naané zo‐oo, maa blami Be lé we ma, ka a bɛan gi bɛ, ’bɛ a é zima kazé nya.

WENÉNÉ LE JAN A GYE (Évangile selon Jean) 15:19

Dé é vo kɔɔn léé, ka a tɛrɛlamunu zé nya, ’té ka sɔ wo lɛ, naa, ka ’ka tɛrɛlamunu zé nya lo, yé maa ka si tɛrɛlamunu méléna, bɛwemalé ka za a tɛrɛlamunu gi.

WENÉNÉ LE JAN A GYE (Évangile selon Jean) 4:36

Woo ’sagyɛzan gooli paan, yé éé féi ma tɔnɔ yé vole é yuɛma lé a glɛ ’ka lo, azé nya, ’savɔzan valé ’sagyɛzan gi nanale ékeva we gi.

Kelewenu 9:16

É dan nyané ble lɛ an tɔ ma fɛan zo, maa dan ’bɛ gɔɔn lɛ a lɛ.

1 Korent munu 2:9

’Ko zo lé é a é gyɛle Bale lé sɛbɛ gi: Fɛnu lé mi ’ka tan a ye lɛ é yuɛ nya lo, Wenu lé mi ’ka tan a ’ma lɛ é tɔné gi lo, É valé wenu lé mi ’ka tan boenwo é bɔn‐in bɔrɔ lɛ a ma lo, Woo lé Kazambale wo ma’lɛrɛ, munu lé Kazambale sɔ wo lɛ, wozé nya.

2 Korɛnt Munu 5:16

Bɛwemalé, é sia bléyi ’ko va, ko ’ka mi do kpen dɔɔa mi nya tɛrɛlamunu lé midɔɔbɛ nya lo, yé dé ko Krist dɔɔ tɛrɛlamunu lé midɔɔbɛ nya é kyɛn, lao ko ’ka a dɔɔa é dɛrɛ ’bɛ bɛ gi lo.

Filip munu 3:8

Anzan Jézu Krist dɔɔle bozen lé we ma lé an fɛnu faa yé boafɛnu nya. É sɔ an lɛ léé, ’an Krist ye anzé nya yé an kɛlɛ a gi, aléwemalé an bli si fɛnu faa lɛ yé wa an yuɛ gi bélé bli zo.

1 Piɛri 4:14

Dé wo ka sɔnɔ Krist tɔ ma, kazé a néné, naa, fuasan Léli, Kazambale Léli, é a ka ta.

3 Jan 1:7

Jézu Krist tɔ lé we ma lé wo go, yé wo ’ka fɛ do kpen si lɛ yolémunu lee lo.