Matio 18:10 - Kazambale lé Sebe Sauunu 1979

¹⁰ ’Ka yuɛ pa kabozen va léé, té ka nénu ’ko va né do kpen ye boané nya lo; maa lé ka lɛ léé, wolé lanjenu a la gi mi, ’té an Ti lé é ke la gi, ’té wa yé yifaama.

Matio 18:10 ပူးပေါင်းရင်းမြစ်များ

2 Samuɛl 14:28

Abusalɔm nyana Jérusalɛm lɛɛ fié, ’té é ’ka minwiinzan yara yé lo.

1 Minwiinzannu 22:19

Yé Misé léé: ’I Gakelebale dére ’ma ma. Maa Gakelebale ye é nyanale élé fuablin ta, yé lai sunyanu faa a é dɔle a sɔnɔ, a bɛyila valé a bɛbola.

Esitɛɛ 1:14

Minisi sɔrafié lé wo si Pɛɛs valé Médi tɛrɛ la, ’té a se a wo lɛ léé, wo bié minwiinzan blɛn sɔnɔ woboan, ’té wo ke é nyanale a bɛ gi, wa a punma. Kaaséna koo, Sétaa koo, Adimata koo, Taasis koo, Mérɛs koo, Maaséna koo, Mémukan koo, woo lé.

Lɛrɛvɔ Sɛbɛ 15:4

Mian é ’ka mi nya lo, éé lɔlu kplililii boo a ma, Naa, munu lé woo kanaan Gakelebale lee, éé ’bɛnu lɛdɔama. Dé é bale kun, é dan é nian si lɛ élé fɛ gi yé é a nɔ yé élé balekundére lɛ sɔɔ a nya.

Lɛrɛvɔ Sɛbɛ 17:15

Naa, dé é a maa nya, we ’ka an nwiin lo, yé an dan i yara ye lɛ, Dé an vuo tɔɔn, dé maa i ye, ’bɛ anzé bɔ.

Lɛrɛvɔ Sɛbɛ 34:7

Dé wenaanébɔmazan siaa, Gakelebale a dére maan, Yé éé a sié alé kleblelenu faa gi.

Lɛrɛvɔ Sɛbɛ 91:11

Naa, é dan fe lɛ élé lanjenu lɛ léé, ’Wo yuɛ pa ilé tawozi faa ta;

Zakari 13:7

Gwɔun‐oo, gwɔun, ’i soi anlé ’blatabinzan ma! Lai sunyanu lé Gakelebale léma: ’I soi an bɔluzan ma. ’I ’blatabinzan gyɛ yé alé ’blanu ’é fwila. Yé maa dan bɔ lɛ ’bla tɔɔtɔɔnu va.

Zakari 4:10

Munu lé woo nyé yélié we pélisiale dɛrɛ kiéné ma, dé wo kɔndɔma nivoo ye Zorobabɛl lee, wo gi é dan nana lɛ. Fɛ sɔrafié ’ko, wa Gakelebale yuɛ sɔrafié lé woo dɔwoo tɛrɛ faa la, wo nya.

Matio 1:20

É a é gi bɔrɔna we ’ko ma aan wo, Mizambale lé lanje do bɔra a va nyɛ fla yé é léé: David gɔnɔlazan Jozɛfu, té i kana i bwɛ Mari sile ma lo, naa, né lé é a bɔn si bɛ, é si Léli Sauun va.

Matio 12:20

É ’ka dan gyan yélile ’wii lɛ lo, Kyɛbɔ bale lé a goi ke dɔna, é ’ka dan a diri lɛ lo, Fɔɔ yé é we ’wuo vo we tegele lɛ,

Matio 18:14

A zo duo léé, ka Ti lé é ke la gi, é ’ka alé blibɔmawe nya léé, nunukénénénu va né do kpen ’é san lo.

Matio 18:6

Naa, né kiénénu lé wo bli ke an lɛ, dé mi do wo va né do ’wuo sɛrɛ, ’bɛzan zé fila vɔ léé, ’wo fɛzɔngɔlɛ yere a bɔrɔ ma, yé wa vuli wɛyi wɔlɛ ma.

Matio 2:13

Wo go aan wo, bé ye, Mizambale lé lanje do bɔra Jozɛfu va nyɛ fla, yé é léé: ’I nwa. ’I né kiéné valé é bu si, yé ’i go vlan nya Éjipiti tɛrɛ la. ’I vo ana mi fɔɔ yé maa i laa. Érɔd é dan né kiéné gini lɛ, a gyɛle we gi.

Matio 2:19

Érɔd ga aan wo, Mizambale lé lanje do bɔra Jozɛfu va nyɛ fla Éjipiti tɛrɛ la,

Matio 24:31

Yé maa dan anlé lanjenu nwunvɔ lɛ béli fɛnle nya, yé munu lé maa wo si a va anzé nya, lanjenu é dan wo si lɛ tɛrɛ sun ziɛn ta, é sia la glɛ sina fɔɔ yé é bɔ la glɛ koɛ ma.

WENÉNÉ LÉ LUK A GYE (Évangile selon Luc) 1:19

Lanje lé a lɛ léé: Maa ɛ ke Gabriɛl nya. Maa dɔa Kazambale ’lɛ; Bale an pa zia wefele i lɛ we gi, é valé wenéné ’ko fele i lɛ we ma.

WENÉNÉ LÉ LUK A GYE (Évangile selon Luc) 10:16

Mi lé éé tɔné dɔa ka lɛ, éé tɔné dɔa an lɛ, yé mi lé éé sɔn vɔa ka ma, éé sɔn vɔa an ma; yé mi lé éé sɔn vɔa an ma, éé sɔn vɔa mi lé é an pa zia, a ma.

WENÉNÉ LÉ LUK A GYE (Évangile selon Luc) 16:22

Yé yee nyanégyɛzan ga, yé lanjenu a sia yé wo goan yé wa vɔ Abraam bɛ gi. ’Bɛ zuo yé fuablezan ga yé wo ’bɛ pa.

Kelewenu 10:3

Yiri tɛnlale nya é Kazambale lé lanje do ye wéiin yuɛzi gi, yé ’bɛ wɔra a va, yé ’bɛ lé a lɛ léé: Kɔɔnéi.

Kelewenu 12:15

Wo lé a lɛ léé: Gwe a i ’wuo gii? Naa, é léé: Wezen lé, Piɛri lé.

Kelewenu 12:23

É ’ka Kazambale tɔ bɔ lɛ we ’ko gi lo, amalé a bléyi duo nya Mizambale lé lanje do a gyɛ. Yé klé a ble yé é ga.

Kelewenu 27:23

Bale lé, maa ke azé nya, ’té maa a bɔa bɛ, alé lanje do bɔra an va kyɔ é béli,

Kelewenu 5:19

Naa, Mizambale lé lanje do bokɔn lɛ so é béli, yé é ’bɛnu bɔra yé é lé wo lɛ léé:

Rom munu 14:10

Naa, bii, mɛmalé i i bwe ma we bléé? Yé bii, mɛmalé i i bwe yé mi ple nyaa? Naa, kaa faa é dan dɔ lɛ Kazambale lé webleblin ’lɛ.

Rom munu 14:21

Dé é a wi blele nyaoo, dé é a nwɛ minile nyaoo, dé weowean éé bɔaléé, é i bwe saan, a nyaoo, é a é zima léé, té i wo do kpen kɛlɛ lo.

Rom munu 15:1

Kaa lé kaa ke plɛplɛ, é a lé kaa bɔ mi tɔɔtɔɔnu va.

1 Korent munu 11:22

Kalé kɔnnu ’ka loo? Ka ’ka bɔaléé, ka fɛ ble yé ka fɛ mini kalé kɔn gi loo? Taa, ka Kazambale lé léglizi yé boafɛ nyaa? Yé ka a gi nyanégyɛzannu gya yara nyaa? Ka léé, maa fe nɔɔ? Maa ka tɔ zin fee? Gba. We ’ko gi, maa ’ka ka tɔ zin fena lo.

1 Korent munu 16:11

Té mi do kpen é yuɛ vɔ a zi lo. ’Ka a dɔ zia drɔɔ, a dale an va we ma, naa, maa valé bwenu a a lɛbɛnna.

1 Korent munu 9:22

Maa kɛla mi tɔɔtɔɔ nya mi tɔɔtɔɔnu va, wo yele we ma. Maa anbo nɔla bɛ faa ma munu faa va, léé, dé maa mi kenu sié we gii?

2 Korɛnt Munu 10:1

Maa Pɔl lé ka fe an ma léé, dé maa a ’wo va maa a bo?-?kiénézan nya, yé dé maa si ’wo va an bli a ’wo ma tɔntɔn, maa zanté vɔ ka lɛ Krist lé drɔɔ valé alé zin we ma.

2 Korɛnt Munu 10:10

Ka léé, anlé sɛbɛnu a tɔntɔn, wa plɛplɛ, naa, dé maabozen ana, maa a tɔɔtɔɔ, ’té an dérenu a boadérenu nya.

Galasi munu 6:1

Bwenu, dé ka a ye léé, mi do saanwe kɛlɛ, ka lé ka ke lélimunu nya, ’ka bɔ ’bɛzan va bli drɔɔ nya yé é dɔ é dɔbɛ gi. Ka faa ’é yuɛ pa kabozen va do do, dé wo da ka gi dan.

1 Tɛsalɔnik munu 4:8

Bɛwemalé mian éé sɔn vɔa we plalenu ’ko ma, é ’ka sɔn vɔ lɛ mi ma lo, naa, Kazambale lé é Léli Sauun nɔ ka lɛ, é sɔn vɔ yee ɛ ma.

1 Timoté 4:12

Té mi do kpen i ye kiéné i boroné we ma lo, naa, ’i kɛlɛ blipamunu lé wekɛlɛmazan nya dére koo, giébɛ koo, sɔlɛle koo, blipale koo, kɛlɛle sauun koo, wo gi.

Ébrunu 1:14

Lanjenu faa ’ka bélé funu zo Kazambale lé nyanama gi loo? Bale ’ka wo pa lɛ zia munu lé wo dan si lɛ we gi, bɔle wo va we gi loo?

Ébrunu 9:24

Fɛna sauun lé mi a kɛlɛ fɛ boen zuosonafɛ nya, Krist ’ka wɔra lɛ ’bɛna lo. É wɔra la bozen gi yé ébo dɔ Kazambale yara sin kaalé we gi.

Wegɔɔnle 8:2

Lanjenu sɔrafié lé woo dɔa Kazambale ’lɛ, maa wo ye, yé wo béli sɔrafié nɔ wo lɛ.