Matio 17:5 - Kazambale lé Sebe Sauunu 1979

⁵ É ke aan wo we fena, yé la fu tata do tua wo nwiin. Tɔɔn, Bale we fe la fu gi, yé é léé: Mi ’ko a an be lé é sɔ an lɛ é baba, a nya; a va sɔlɛle a an gi blɛn. ’Ka tɔné dɔ a lɛ.

Matio 17:5 ပူးပေါင်းရင်းမြစ်များ

JOB (Job) 38:1

Gakelebale we fe Job lɛ fu ’lɛ plɛplɛ gi yé é léma:

Lɛrɛvɔ Sɛbɛ 81:7

An kɔné si ka bɛapa ta, Yé ka bɛ daan kyɛɛ kɔné sile ma.

Fwile 19:19

Béli wele gi é go gyɛle nya, ’té éé goo gyɛle nya. Moizi éé we fé, ’té Kazambale a zi paan dére biéle nya.

Ézai 42:1

An wuozan lé maa dɔ a zuo, yee lo, Maa a si a va, yé é sɔ an bli lɛ. Maa an léli vɔ a ta; É dan wetegele fe lɛ bɛnnu lɛ.

Ézai 42:21

É sɔ Gakelebale lɛ léé, é migisan é ma bélidɔwe blɛn kɛlɛ, Izraɛl munu gi nanale we gi.

Matio 12:18

An wuozan lé maa a si a va, yee le ke ’ko. Yee ɛ sɔ an lɛ kaii, yé alé we an gi nanaan. An Léli é dan vɔ lɛ a ta, Yé é dan we tegele fe lɛ bɛn bɛnu lɛ.

Matio 17:6

A zuomunu dére ’ko ’ma aan wo, wo dia ’wo bli la yé kana blɛn zén wo gi.

Matio 3:17

Yé bé ye, dére do we la gi yé é léé: Mi ’ko, é a an be lé é sɔ an lɛ é baba, a nya. A va sɔlɛle a an gi blɛn.

Maak 1:11

Yé Bale we fe la gi yé é léé: An Be, i sɔ an lɛ é baba; i va sɔlɛle a an gi blɛn.

Maak 9:7

Yé lafu tua wo nwiin, yé Bale we fe lafu gi yé é léé: Mi ’ko a an be lé é sɔ an lɛ é baba, a nya. ’Ka tɔné dɔ a lɛ.

WENÉNÉ LÉ LUK A GYE (Évangile selon Luc) 3:22

yé Léli Sauun zun a ta é kɔlɛ nya bélé plala zo. Yé wo dére do ’ma la gi yé é léé: An Be, i sɔ an lɛ é baba; i va sɔlɛle a an gi blɛn.

WENÉNÉ LE JAN A GYE (Évangile selon Jean) 3:16

Naa, Kazambale bli bɔ tɛrɛlamunu ma é baba, amalé é ’é Be wɔlɛ do kpen nɔ wolé we gi, léé, dé miomian bli vo a lɛ, é ’ka zamaga woo monomono lo, naa, é dan vo lɛ é yuɛma lɛɛfaama, ’bɛ glɛ ’ka lo.

WENÉNÉ LE JAN A GYE (Évangile selon Jean) 3:35

Be sɔ Ti lɛ, yé é we faa bɛ pa a lee.

WENÉNÉ LE JAN A GYE (Évangile selon Jean) 5:37

Yé an Ti lé é an pa zia, yeebozen ɛ an ma we fe. Yé ka ’ka tan a dére ’ma lɛ monomono lo; yé ka ’ka tan a yara ye lɛ monomono lo,

Kelewenu 1:9

Jézu lé we ’ko fele zuo é gole sia la gi, ’té a zuomunu yuɛ a a zuo, yé é san lati wuo wo yuɛ va.

Kelewenu 7:37

Moizi ’ko ɛ we fe Izraɛl benu lɛ léé: Kazambale é dan mi do nwa lɛ ka lɛ ka bwenu méléna balelayezan nya bélé ’yee zo.

Bélidɔwesɛbɛ Fiézan 18:15

Gakelebale, kalé Bale é dan balelayezan do nwa lɛ ka bwenu méléna bélé maa zo; ’ka tɔné dɔ ’bɛ lɛ.

Bélidɔwesɛbɛ Fiézan 18:19

Yé dére lé yee balelayezan ’ko é dan a fe lɛ ’yee Gakelebale tɔ gi, dé mian ’ka é tɔné dɔ lɛ ’bɛ lɛ lo, ’yee Bale bozen é dan we ’ko zuo laa lɛ ’bɛzan lee.

Bélidɔwesɛbɛ Fiézan 5:22

Dérenu lé Gakelebale a fe gɔ nwiin, wo lé ke bɛ; kyɛ koo, latinu koo, gunutinu koo, é a wo méléna, té éé we fé munu faa lɛ é dére plɛplɛ nya, yé é ’ka a bɛ fe lɛ lo. É wo gyɛ gɔlɛfen fié ta, yé é wo nɔ an lɛ.

Kolɔs munu 1:13

É kaa si gunuti lé plɛplɛ wuo, yé é kaa pla é sɔlɛbe wuo.

Ébrunu 5:9

Gun si Bale Be ma aan wo, é kɛlɛ bélile lé a glɛ ’ka lo, a bɔrazan nya, munu lé wa lɛdɔama, wo lɛ.

Wegɔɔnle 1:7

Bé ye, é dan latinu ta. Mi faa é dan a ye lɛ, a fɔnmunu koo é ziin; tɛrɛ la bɛnnu faa é dan wuvɔ lɛ alé we ma. Iin. Amɛɛn.

Wegɔɔnle 14:14

Maa a nagini, ’té lafu do ana, yé mi do lé é ke bélé blami be zo é a é nyanale lafu ta; kyankoro a a ’wuo ma, yé kɔblané ’lɛzan a a lee.