Matio 17:27 - Kazambale lé Sebe Sauunu 1979

²⁷ Naa, té kolé we é ’na wo ma lo we gi, ’i go wɛyi va, ’i kɔ vɔ ’yi va, yé pɔan é dan é vinin, ’bé gyɛ; ’bé ’léé fuo yé gɔɔli lé é dan ko fié zé banwo lɛ, i dan a ye lɛ. ’Bé si, yé ’bé nɔ wo lɛ maa valé bii zé nya.

Matio 17:27 ပူးပေါင်းရင်းမြစ်များ

Wepélisiananu 1:28

Kazambale wo drɔɔ vo, yé Kazambale lé wo lɛ léé: ’Ka né yaa, ’ka kɛlɛ kiɛre, ’ka fan tɛrɛ la yé ’ka pla a tafɛnu nwiin; wɛyi va pɔnu koo, lagi mianénu koo, wi faa lé éé giéan tɛrɛ la koo, ’ka pla wo nwiin.

1 Minwiinzannu 17:4

’I yuubɛ lé ’yi mini, yé maa dan kanwéinu béli dɔ lɛ léé, ’wo fɛ nɔ i lɛ ’bɛna.

Lɛrɛvɔ Sɛbɛ 8:8

’Blanu koo, dirinu koo, Bwi gi winu koo,

Jonas 2:10

Dé é a maa nya, maa dan sarakanu bo lɛ i lɛ bɔvɔdére nya; Balekundérenu lé maa wo fe, maa dan wo lɛ sɔɔ lɛ; Sile we gi éé sié Gakelebale ɛ va.

Matio 17:26

Piɛri lé a lɛ léé: Wa sié bɛn bɛnu lee. Jézu lé a lɛ léé: ’Té wolé tɛrɛlamunu a é pla.

Matio 18:6

Naa, né kiénénu lé wo bli ke an lɛ, dé mi do wo va né do ’wuo sɛrɛ, ’bɛzan zé fila vɔ léé, ’wo fɛzɔngɔlɛ yere a bɔrɔ ma, yé wa vuli wɛyi wɔlɛ ma.

Matio 18:8

Dé i bɛ valé i gane i vɔ wenyané gi, ’i wo kini yé ’i wo vuli i ma baa; dé i vo é yuɛma la gi tunbozan valé bɛkinizan nya, ’bɛ fila vɔ é mini wolé i vulile i bɛ fié valé i gane fié nya kyɛ lé é ’ka dirian monomono lo, a va ta.

Matio 5:29

Dé i bɛyila yuɛ i vɔ wenyané gi, bé bɔra a gi, yé bé vuli i ma baa, naa, i kɔlɛvafɛ do sanle i lee fila vɔ é mini Bale lé i kɔlɛ faa vulile jéɛna kyɛ plɛplɛ va ta.

Matio 5:30

Yé dé i bɛyila bɛ i vɔ wenyané gi, bé kini, yé bé vuli i ma baa, naa, i kɔlɛvafɛ do sanle i lee fila vɔ é mini i kɔlɛ faa gole jéɛna kyɛ plɛplɛ va ta.

Maak 9:42

Naa, né kiénénu lé woo bli paan an lɛ, dé mi do wo va né do ’wuo sɛrɛ, azé fila vɔ kɔɔn léé, wo fɛzɔngɔlɛ yere a bɔrɔ ma yé wa vuli wɛyi va.

Maak 9:43

Dé i bɛ i vɔ wenyané gi, bé kini; a fila vɔ léé, i vo é yuɛma la gi bɛ kinizan nya é mini i gole i bɛ fié nya jéɛna kyɛ lé é ’ka dirian monomono lo, a va ta,

WENÉNÉ LÉ LUK A GYE (Évangile selon Luc) 17:2

Dé wo fɛzɔngɔlɛ yere ’bɛzan bɔrɔ ma yé wa vuli wɛyi va, ’bɛ fila vɔ é mini né kiénénu ’ko va né do ’wuo sɛrɛle ta.

WENÉNÉ LE JAN A GYE (Évangile selon Jean) 6:61

Jézu a gi dɔɔ léé, é zuomunu a gun gyɛna we ’ko ma, yé é lé wo lɛ léé: We ’ko éé ka keleéé?

Rom munu 14:21

Dé é a wi blele nyaoo, dé é a nwɛ minile nyaoo, dé weowean éé bɔaléé, é i bwe saan, a nyaoo, é a é zima léé, té i wo do kpen kɛlɛ lo.

1 Korent munu 8:13

Bɛwemalé, dé anlé fɛblele an bwe saan, maa ’ka dan wi ble lɛ é dɛrɛ monomono lo; té maa an bwe saan lo we ma.

1 Korent munu 8:9

Naa, ’ka yuɛ pa kabozen va duowo, dé ka vole kaboma é da kɛlɛ mi tɔɔtɔɔnu saanwe nya.

2 Korɛnt Munu 6:3

Ko ’ka misaanwe do kpen kɛla monomono lo, té wo we dɔ Bale va nyanama nwiin lo we gi.

2 Korɛnt Munu 8:9

Ka Kaazan Jézu Krist lé zin dɔɔ; yee lé ke fuablezan nya, é ’ébozen kɛlɛ nyanégyɛzan nya kalé we ma, léé, alé nyanégyɛle gi ka kɛlɛ fuablezannu nya.

1 Tɛsalɔnik munu 5:22

’Ka sɔn vɔ wenyané gɔnɔ faa ma.

SEBE LÉ JAK A GYE (Épitre de Jacques) 2:5

’Kaa an bwenu lé ka sɔ an lɛ, ’ka tɔné dɔ. Munu lé wo ke nyanégyɛzannu nya tɛrɛlamunu yuɛ gi, Kazambale ’ka wo si lɛ léé, ’wo kɛlɛ fua nya blipale gi loo? yé wo kɛlɛ tɔnɔblezannu nya fuatɛrɛ lé é a ma blivolɛdére fe munu lé é sɔ wo lɛ, wo lɛ bɛ, a ta loo?