Matio 16:19 - Kazambale lé Sebe Sauunu 1979

¹⁹ Maa dan Kazambale lé fla lakléwɔlɛnu nɔ lɛ i lɛ: fɛ lé i dan a yere lɛ tɛrɛ la, wo dan a yere lɛ la gi, yé fɛ lé i dan a fuo lɛ tɛrɛ la, wo dan a fuo lɛ la gi.

Matio 16:19 ပူးပေါင်းရင်းမြစ်များ

Ézai 22:22

Maa dan David lé kɔn lé lakléwɔlɛ nɔ lɛ a lɛ; é dan a lɛ so lɛ, yé a lɛtanzan ’ka lo; dé é a lɛ tan, a lɛsozan ’ka lo.

Matio 18:18

Fɛ faa lé ka dan a yere lɛ tɛrɛ la ’ko, wo dan a yere lɛ la gi, yé fɛ faa lé ka dan a fuo lɛ tɛrɛ la ’ko, wo dan a fuo lɛ la gi. Maa fe ka lɛ.

WENÉNÉ LE JAN A GYE (Évangile selon Jean) 20:23

Mi lé ka a ma we vo alé wenyanénu lé we ma, wo ma we ’é vo; yé mi lé ka alé wenyanénu vo a nwiin, é dan vo lɛ a nwiin.

Kelewenu 15:7

Za blɛn vɔle zuo, Piɛri nwa yé é lé wo lɛ léma: An bwenu, ka a gi dɔɔ léé, ana mɔn Kazambale kaa vabo yé é an si léé, bɛn bɛnu ’wo Wenéné ’ko ’ma an ’léé yé wo bli vo a lɛ.

2 Korɛnt Munu 2:10

Naa, mian ka a ma we voo, maa é ziin, maa a ma we voo. Yé dé an mi ma we vo, maa kɛlɛ Krist pa gi, kalé we ma,

1 Tɛsalɔnik munu 4:8

Bɛwemalé mian éé sɔn vɔa we plalenu ’ko ma, é ’ka sɔn vɔ lɛ mi ma lo, naa, Kazambale lé é Léli Sauun nɔ ka lɛ, é sɔn vɔ yee ɛ ma.

Wegɔɔnle 1:18

An ga, yé maa lo, maa a é yuɛma sin lɛɛfaama, a glɛ ’ka lo. Yé ga valé gamunu nyanana lé lakléwɔlɛnu a maa ɛ lee.

Wegɔɔnle 11:6

A se a wo lɛ léé, wo la lɛ tan, té lɛɛ é da wolé balelawefe yinu ta lo we gi; yé dé é sɔ wo lɛ léé, ’wo ’yinu nɔla nyɛ nya bléyioo bléyian va, a se a wo lɛ; dé é sɔ wo lɛ léé, ’wo tɛrɛ gyɛ migyɛgyɛ gɔnɔ faa nya bléyioo bléyian va, a se a wo lɛ.

Wegɔɔnle 3:7

’I sɛbɛ pa Filadɛfi léglizi lé lanje lɛ zia. ’Bé fe a lɛ léé: Mi sauun valé Webozen, ’té David lé lakléwɔlɛ ke a lee, dé é a lɛ so, mi do kpen ’ka a lɛ taan lo, dé é a lɛ tan, mi do kpen ’ka a lɛ soo lo, a dére lé é ke ’ko:

Wegɔɔnle 9:1

Lanje soruzan béli fɛn, yé maa monéné do ye sina la gi, yé é dia tɛrɛ va. Guru lé a wɔlɛ ma nyaana ’ka lo, wo alé lakléwɔlɛ nɔ yee monéné lɛ,