Matio 16:18 - Kazambale lé Sebe Sauunu 1979

¹⁸ Yé maa lé i lɛ léé, bii a Piɛri nya, yé gɔlɛ ’ko ta lé maa dan anlé léglizi dɔ lɛ yé gamunu nyanana lé plɛplɛ ’ka dan gié lɛ a ta lo.

Matio 16:18 ပူးပေါင်းရင်းမြစ်များ

Wepélisiananu 22:17

maa dan i drɔɔ vo lɛ yé maa dan i kulu kɛlɛ lɛ di bélé la gi monénénu zo, bélé wɛyi gɔɔn ma nyéné zo di; yé i kulu é dan pla lɛ é nyanézannu nwiin.

2 Samuɛl 18:4

Minwiinzan a zi pa wo lɛ léé: We lé é dɔ ka gi we zima nya, maa kɛla. Yé minwiinzan dɔ flagɔrɔ ’léé, ’té munu éé bɔraan mi yɔ soru palu valé mi wuru soru palu nya.

JOB (Job) 38:17

Gamunu nyanana lɛ so tan i lɛ doo? I gafurɔ lé duolinu yee?

Lɛrɛvɔ Sɛbɛ 107:18

Fɛblele lɔrɔ nyaa wo boen ma Yé ga bɔ wo lɛ é pu.

Lɛrɛvɔ Sɛbɛ 127:5

Mian é élé sawɔlɛpafɛ fan wo nya, azé a néné, Dé wa wefena ’wo nyanézannu nya flagɔrɔ ’léé, Yara ’ka dan wo gyɛ lɛ lo.

Lɛrɛvɔ Sɛbɛ 129:2

É sia an boronéla bléyi va fɔɔ kyɔ, woo yaan an ta, Naa, wo ’ka an kele lɛ lo.

Lɛrɛvɔ Sɛbɛ 69:12

An bɔlɔ zén‐é an ta varɔ nya, Yé woo an ze vɔa an yuɛ ta é pla.

Lɛrɛvɔ Sɛbɛ 9:13

Naa, éé we lɛgi paan mi nyɛ zana?-?zannu ma, yé wenaané bɔmazannu sele éé dɔa a gi, Yé wo siaalenu sele ’ka saan a gi lo.

Wegɔnévɔlenu 24:7

Wedɔɔle éé giéan ’tugyɛzan ta, é ’ka dan é ’léé fuo lɛ flagɔrɔ ’léé lo.

Ézai 28:16

Bɛwemalé, Mizan Gakelebale léé: Ka ye, maa Siɔn gane vɔ gɔlɛ do nya. Wo gɔlɛ ’ko nagini, yé wa ye kɔnsungɔlɛ zin nya yé é a é vɔle gligli. Mi lé é gɔlɛ ’ko si ’é dɔlafɛ nya, é ’ka dan fwi lɛ lo.

Ézai 28:6

É dan we tegele kɛlɛbli vɔ lɛ, munu lé wo ke é nyanale weblena, wo gi; é dan plɛplɛ nɔ lɛ munu lé wo ’wo nyanézannu nyunu fɔɔ yé wo bɔ wo nya wolé flagɔrɔ ’léé, wo lɛ.

Ézai 38:10

Maa lé kɔɔn léma: Anlé tɛrɛla a drɔɔ ’naan, yé é a lé maa go Gamunu nyananaa? Anlé lɛɛnu lé wo vo, Bale wo si an lee.

Ézai 54:17

Gulidanfɛ faa lé wa foli i gyɛle we ma, é ’ka dan we do kɛlɛ lɛ i lɛ lo; Yé mi faa lé wo nwa i tɔ fele we ma, I dan wo gyɛ lɛ we nya. ’Bɛ zo lé Gakelebale wuozannu lé tɔnɔ ke, ’Bɛ zo lé maa dan wo si lɛ we gi. Gakelebale ɛ fe.

Jonas 2:6

’Yinu an ta pla fɔɔ yé wo an gyɛ. Guru lé wo ’ka a wɔlɛ ma yé lo, é an ta yɔɔ. Gyannu diri an ’wuo zi,

Matio 10:2

Nwunvɔzannu vu ta fié tɔ lé ke ’ko: A vininzan, Simɔn lé wa laama Piɛri, é valé é zuané André koo, Zébédé be Jak valé é zuané Jan koo,

Matio 11:23

Yé ’kaa Kapɛnaum munu, ka dan nwa lɛ fɔɔ la gii? Gba. Ka dan zun lɛ gamunu nyanana, naa, gyɛzorowenu lé maa a kɛlɛ ka méléna, dé é vo léé, maa a kɛlɛ Sɔdɔm, ’té é ana tan kyɔ.

Matio 18:17

Dé é ’ka wo dére nyi si lɛ lo, bé fe léglizigimunu lɛ; dé é ’ka léglizigimunu dére nyi si lɛ lo, ’é kɛlɛ i yuɛ gi bélé yolémi valé vagɔɔlisizan zo ma.

Matio 4:18

Jézu a giéna aan wo Galilé wɛyi gɔ la, é mi fié ye, Simɔn lé wa laama Piɛri, é valé é zuané André nya; wa pɔgyɛséli nwɛɛnna wɛyi va. Wa pɔgyɛmunu nya.

Matio 7:24

Bɛwemalé, dére ’konu lé maa a fé, dé mian éé a maan, yé azan a tawenu kɛla, éé kɛla bélé gikinizan lé é ’élé kɔn dɔ gɔlɛ ta, a zo.

WENÉNÉ LE JAN A GYE (Évangile selon Jean) 1:42

Yé é go ’bɛ nya Jézu va. Jézu ’bɛ nagini yé é léé: Bii a Jonas be Simɔn nya; wo dan i laa lɛ Séfa, ’bɛ gi léé, Piɛri. A gi léé é ziin, gɔlɛ.

Kelewenu 2:47

Woo Kazambale tɔ zin fé, yé wolé we kɛlɛ é zima munu faa yuɛ gi. Yé munu lé wa sina we gi, Mizambale a léglizi gi munu taa pana wo nya yi faa do do ma.

Kelewenu 20:28

Bɛwemalé, ’ka yuɛ pa kabozen valé trubɛ palu gimunu faa lé Léli Sauun ka kɛlɛ wo tabinzannu nya, wo va. Mizan lé léglizigimunu lé é wo lɔ ébo nyɛ nya bɛ, Bale ka kɛlɛ wo tabinzannu nya léé, ’ka fɛblele nɔ wo lɛ.

Kelewenu 8:1

Étiɛne gyɛle sɔ Sɔl lɛ. A yi duo nya wo nyané pa Jérusalɛm léglizigimunu ta é baba, yé wo faa nwɛɛn Judé tɛrɛ valé Samari tɛrɛ la. Nwunvɔzannu saa ɛ vo Jérusalɛm.

1 Korent munu 15:55

Oo gale, izé guliwuo a kyɛɛn? Oo gale, i furu a kyɛɛn?

Galasi munu 2:9

Jak koo, Piɛri koo, Jan koo, munu wo ye léglizi dɔ gligli zannu nya, bélé kɔnwɛyili zo. Zin lé Bale a kɛlɛ an lɛ a zo bɛ, wa ye aan wo, wo ’wo bɛ pa maa valé Banabas lee, nanale ko va tɔmase nya. Wa nyi si léé, ko go bɛn bɛnu va yé wo ’é go Juifinu va.

Éfez munu 3:10

’bɛ zo lé, sin wemaplɛplɛzannu valé fɛnu faa lé wo ke fɛnu lorunu na, ’té woo wo lɛdɔama, wo dan a gi dɔɔ lɛ léé, Kazambale a we gɔnɔ faa dɔɔzan nya, léglizi lé we ma,

Éfez munu 5:32

Weyɔɔle ’ko a blɛn. Maa we ’ko fé Krist valé léglizi lé we ma.

Kolɔs munu 1:18

Léglizi lé ke a kɔlɛ nya, é a ’bɛ ’wuo nya. É a we pélisiana nya, é a gamunu va nwazan vininzan nya, a kɛlɛle mi vininzan nya we faa gi we ma.

1 Timoté 3:5

Naa, dé mi ’ka ébozen lé kɔngimunu lé we yuɛ gi boo é zua lo, éé kɛla kaa yé é Kazambale lé léglizi lé wenu yuɛ gi boo?

Ébrunu 12:28

Naa fuatɛrɛ lé ke kaazé nya, ’bɛ ma ’ka dan nyɔɔn lɛ lo, amalé kaa Bale bɔ vɔ yé kaa bɔ a bɔbɛ lé é sɔ a lɛ, a nya, a lɛdɔmale valé kanale a lee nya.

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.

Wegɔɔnle 21:14

Fla gɔrɔ gane vɔna a vu ta fié yé wo ta lé ’Blané lé nwunvɔmunu vu ta fié tɔnu ke é gyɛle do do.