Matio 16:13 - Kazambale lé Sebe Sauunu 1979

¹³ Jézu bɔ aan wo Sézaré Filip tɛrɛ la, yé é we laa é zuomunu lee léé: Maa blami Be, munu léé, maa a de nyaa?

Matio 16:13 ပူးပေါင်းရင်းမြစ်များ

Daniɛl 7:13

Yuɛziwenu lé maa wo ye é béli, maa a wo naginina aan wo, ’té mi do lé é ke bélé blami be do zo, ’té é dan latinu nya, yé é bié mi kwa lé ke yinu ’lɛ, a vazia, yé wa bié a sɔnɔ.

Matio 12:32

Dé mian é wenyané fe maa blami Be ma, Bale é dan a ma we vo lɛ, naa, dé mian é wenyané fe Léli Sauun ma, Bale ’ka dan a ma we vo lɛ ’bɛ ma lo, dé é a tɛrɛ la ’ko nyaoo, dé é a tɛrɛ dɛrɛ lé é dan da lɛ bɛ, a ta nyaoo, Bale ’ka dan a ma we vo lɛ lo.

Matio 12:40

Naa, fɛan zo lé Jonas yiéyi yaa valé béli yaa kɛlɛ pɔ blɛn bɔn gi, a zo duo lé, maa blami Be é dan yiéyi yaa valé béli yaa kɛlɛ lɛ tɛrɛ bɔn gi.

Matio 12:8

Naa, maa blami Be, maa a flinyizan nya.

Matio 13:37

É a zi pa léé: Mi lé éé fɛwɔlɛ zima vɔa, maa blami Be lé;

Matio 13:41

Maa blami Be, an dan anlé lanjenu pa lɛ zia yé wo dan misaanwenu valé weplekɛlɛmunu faa si lɛ anlé munu méléna;

Matio 15:21

Jézu si aan wo ’bɛna yé é go Tii valé Sidɔn tɛrɛ la.

Matio 16:27

Maa blami Be, an dan da lɛ an Ti lé fua tɔbɔle nya, é valé alé lanjenu nya, yé maa dan mi faa gooli pa lɛ do do wo kɛlɛwenu yɛrama.

Matio 16:28

Maa a fe ka lɛ webozen nya léé: Munu lé wo ke ’ko, wo va mi kenu ’ka dan ga lɛ lo fɔɔ yé wo maa blami Be ye dana plale munu nwiin we ma.

Matio 25:31

Dé maa blami Be da anlé fua ta gɔɔnle nya anlé lanjenu faa nya an va, an dan nyana lɛ anlé webleblin tɔbɔle ta.

Matio 8:20

Jézu a zi vɔ a lɛ léé: Kwanénu yɛrɛ a, yé mianénu kɔn a, naa maa blami Be yiɛna ’ka lo.

Matio 9:6

É sɔ an lɛ léé, ka a gi dɔɔ léé, a se a maa blami Be lɛ léé, an mi ma we vo tɛrɛ la, amalé é lé furuagyɛzan lɛ léé, ’i nwa, ’ilé yialafɛ sia, yé ’i go ilé kɔn ’léé.

Maak 10:45

Naa, maa blami Be ’ka da lɛ munu lé an mawe kɛlɛle we gi lo; naa, an da munu mawe kɛlɛle we gi, ’bɛ valé an gale mi kiɛre tabofɛ nya we gi.

Maak 8:38

Naa, mian éé yara gya maa valé an dérenu lé we ma, bléyi ’ko vamunu lé wo ke pɛnpɛnnégyɛzannu valé wenyanékɛlɛzannu nya, wo méléna, dé maa blami Be da an Ti lé fuasan nya, é valé lanje sauunnu nya an va, yara é dan an gyɛ lɛ ’bɛzan lé we ma é ziin.

WENÉNÉ LE JAN A GYE (Évangile selon Jean) 1:51

Yé é lé a lɛ léé: Ka dan la lɛ ye lɛ é sole, yé ka dan Kazambale lé lanjenu ye lɛ gona loru, ’té woo zunwo, maa blami Be ta. Maa fe ka lɛ.

WENÉNÉ LE JAN A GYE (Évangile selon Jean) 12:34

Yé mi gu lé a lɛ léé: Ko a ’ma bélidɔwe sɛbɛ gi léé, Krist é dan vo lɛ é yuɛma lɛɛfaama. Yé mɛmalé bii léé, é a lé wo blami Be duun? De ɛ ke ’bɛ blami Be ’ko nyaa?

WENÉNÉ LE JAN A GYE (Évangile selon Jean) 3:14

Yé fɛan zo lé Moizi méné dun bwi gi, a zo duo lé é a lé wo maa blami Be dun é ziin,

WENÉNÉ LE JAN A GYE (Évangile selon Jean) 5:27

Yé maa a blami Be nya; bɛwemalé é a se kɛlɛ an lɛ léé, an munu lé we ble.

Kelewenu 10:38

Kazambale Léli Sauun valé plɛplɛ zén Nazarɛtzan Jézu ta fɛan zo, ka ’bɛ gi dɔɔ. Kazambale a Jézu va, amalé é gié flanu ta wezin kɛlɛle valé munu lé wo ke é plale yonufaatagɔné wuo, wo faa bélile nya.

Kelewenu 7:56

Yé é léé: Ka yua, la lɛ a é sole, yé maa blami Be yé é dɔle Kazambale bɛyila.