Matio 15:14 - Kazambale lé Sebe Sauunu 1979

¹⁴ ’Ka wo vo. Wo ɛ ke yuɛwiizannu lé, wo ke yuɛwiizannu lé zigɔɔnzannu nya, wo nya. Dé yuɛwiizan zi gɔɔn yuɛwiizan lɛ, wo fiénu é dan vɔ lɛ guru gi.

Matio 15:14 ပူးပေါင်းရင်းမြစ်များ

Ézai 31:3

Éjipitinu a blami nya é pla, wo ’ka bale nya lo; wolé wisoonu a wi nya é pla, wo léli ’ka lo. Dé Gakelebale é bɛ soi, mitakuunzan sɔné é dan san lɛ, yé mi lé é ke kɔɔn ’bɛ takuunna, ’bɛ é dan dia lɛ, yé wo faa é dan zamaga wo lɛ ékeva.

Ézai 42:19

Dé é ’ka an wuozan nya lo, de ɛ yuɛ ’wii? De ɛ tɔné ’wii bélé mi lé maa a nwunvɔ, azan zoo? Mi kyɛɛn ɛ yuɛ ’wii bélé Kazambale béé zoo? Mi kyɛn ɛ yuɛ ’wii bélé Gakelebale wuozan zoo?

Ézai 56:10

Izraɛlnu tabinzannu faa yuɛ ’wii, yé ’wuo ’ka wo ta lo. Wo faa a bélé bobogyɛ blénnu zo, wo ’ka bɔa wele lɛ lo. Woo nyɛ gya, woo voo é yiale, yigyɛle sɔ wo lɛ.

Ézai 9:16

Bɛwemalé Mizan gi ’ka nanaan wolé pɛniɛnu ma lo, yé a nyanai ’ka zén‐é wolé ti valé bugalazannu valé wolé gyɛzaralomu ta lo. Naa, wo faa a Bale lé zi ma wenyanéfezannu valé mi naanénu nya, yé weple éé bɔraan wo faa ’léé. Dé ’bɛ faa bɔoo, ’bɛ ’ka alé bliflile ta zanaan lo, ’té a bɛ a wo gyɛn gi duowo.

Jérémi 5:31

balelayemunu éé balelawe fé vié nya, yé Balebanmunu éé dɔa wo dére zuo, yé ’bɛ sɔ anlé munu lɛ. Ka dan kɛlɛ lɛ kaa a ’wuoplanaa?

Jérémi 6:15

Gakelebale léma: Yara é dan wo gyɛ lɛ, naa, wa bozowenu kɛlɛna. Yara ’ka wo gya lo, wo ’ka yaragyɛwe dɔɔa boenwo lo; amalé wo dan ga lɛ munu lé woo gaan, wo nya, yé dé maa a we lɛdɔna wo gi bléyian va, wo guru é dan zana lɛ a gi.

Jérémi 8:12

Gakelebale léé: Yara é dan wo gyɛ lɛ, naa, wa bozowenu kɛlɛna. Yara ’ka wo gya lo, wo ’ka yaragyɛwe dɔɔa boenwo lo; amalé wo dan ga lɛ munu lé woo gaan, wo va, yé dé an we lɛdɔ wo gi bléyian va, wo guru é dan zana lɛ a gi.

OZÉ (Osée) 4:17

Éfraim ébo yere miyilinu ma; ’ka vo.

Malasi 2:8

Naa, ’kaa, kabozen zi saan; ka bélidɔwe kɛlɛ mi kiɛre saanfɛ nya, yé gipawe lé maa kɛlɛ Lévi va, yé ka sɛrɛ. A zo lé lai sunyanu lé Gakelebale a fe.

WENÉNÉ LÉ LUK A GYE (Évangile selon Luc) 6:39

É gɔné do vɔ wo lɛ é ziin yé é léé: Yuɛwiizan é bɔalɛ léé, é zi gɔɔn yuɛwiizan lɛɛ? Wo fiénu ’ka dan dia lɛ guru gi loo?

WENÉNÉ LE JAN A GYE (Évangile selon Jean) 9:39

Yé Jézu léé: An da tɛrɛ la ’ko we do gi bɔile we ma, yee lé ke ’ko: munu lé wo ’ka yɛrɛ yé lo, wolé yɛrɛ yele we ma, yé munu lé woo yɛrɛ yé, wo kininle yuɛwiizannu nya we ma.

1 Timoté 6:5

yé munu lé wo ke é vɔnle we ’male gi, ’té wo ke é vurule webozen ma, ’té é a wo gi léé, wo dan tɔnɔ ye lɛ wolé tawole Kazambale lé zi ta we ma, ’bɛnu zé zavɔlenu lé wo ’ka nyaan lo, woo sié yee ’wuo duo gi é ziin.

2 Piɛri 2:1

Viébalelayemunu ana munu méléna é kyɛn, yé viéwe paamigizannu é dan kɛlɛ lɛ ka méléna é ziin, yé wo dan misaanwe paa lɛ munu gi, yé Mizan lé é wo tabo bɛ, wo dan sɔn vɔ lɛ ’bɛ ma, yé wo dan wobozen guru zana lɛ a gi fiaa.

2 Piɛri 2:17

Munu ’konu a bélé ’yibɔnanu lé ’yi ’ka wo gi lo, wo zo; latinu lé fu plɛplɛ ke gona wo nya, wa wo zo; gunuti tiritiri ta a é dɔle wozé nya.

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.