Matio 13:11 - Kazambale lé Sebe Sauunu 1979

¹¹ Jézu lé wo lɛ léé: Wa se kɛlɛ ka lɛ léé, ka Kazambale plale mi nwiin lé weyɔɔlenu dɔɔ yé wo ’ka ’bɛ se kɛlɛ lɛ wo lɛ lo, ’bɛzama.

Matio 13:11 ပူးပေါင်းရင်းမြစ်များ

Lɛrɛvɔ Sɛbɛ 25:14

Munu lé woo kanaan Gakelebale lee, é a wo béé nya, Yé éé wo bɔn‐in kinié élé gipawe ma.

Ézai 29:10

Naa, Gakelebale é dan yi vɔ lɛ ka yuɛ la, ’bɛzama. É kalé balelayezannu yuɛ lɛ tan yé é sɔ zén kalé fɛnayezannu ’wuo ma.

Ézai 29:11

We faa lé maa a gɔɔnma ka lɛ, é a bélé sɛbɛ lé wa ’léé béé, a giwe zo; dé wa nɔ sɛbɛdɔɔzan lɛ, dé wa fe a lɛ léé, bé ta fe, é dan a fe lɛ léé, an ’ka bɔa a tafele lɛ lo, wa ’léé béé, azama.

Ézai 35:8

Wo dan zi do pla lɛ ana gbéin nya; Zi ’ko, wo dan a laa lɛ Bale lé zi tinle. Mi tiridɔle do kpen ’ka dan gié lɛ ana lo; é dan kɛlɛ lɛ wo saa zé nya; Munu lé wo ke tawona zi ’ko ta, dé wa ’tugyɛzan boen nyaoo, wo ’ka dan saan lɛ a ’léé lo.

Matio 13:10

A zuomunu bié aan wo a va yé wa laa a lee léé: Mɛmalé i we fé wo lɛ gɔnévɔlenu nyaa?

Matio 16:17

Jézu lé a lɛ léé: Jonas be Simɔn, izé a néné. Mi pla ’ka ’bɛ gɔɔn lɛ i lɛ lo, naa, an Ti lé é ke la gi, yee ɛ a nagɔɔn i lɛ.

Matio 19:11

Jézu léé: Mi faa ’ka dére ’ko gi maan lo; wo lé Bale a gi ’male nɔ wo lɛ, wonu saa ɛ gi maan.

Matio 20:23

É lé wo lɛ léé: Webozen lé, ka dan ’yi mini lɛ anlé kana gi, naa, nyanale an bɛyila valé an bɛbola, ’bɛ nɔle ’ka sié an va lo. An Ti é dan a nɔ lɛ munu lé é a tadɔ wozé nya, wo ɛ lɛ.

Maak 10:40

Naa, nyanale an bɛyila valé an bɛbola, ’bɛ nɔle ’ka sié an va lo. Bale é dan a nɔ lɛ munu lé, é a ta dɔ wozé nya, wo ɛ lɛ.

Maak 4:11

Yé é lé wo lɛ léma: Wa se kɛlɛ ka lɛ léé, ka Kazambale plale mi nwiin lé weyɔɔlenu dɔɔ, naa, woo mi pɔnénu zé fé gɔnévɔlenu nya,

WENÉNÉ LÉ LUK A GYE (Évangile selon Luc) 8:10

É lé wo lɛ léé: Wa se kɛlɛ ka lɛ léé, ka Kazambale plale mi nwiin lé weyɔɔlenu dɔɔ; naa, woo mi bɛnu zé fé gɔné vɔlenu nya, léé, dé wa nagini, wo ’ka a yé lo; dé wa ’ma, wo ’ka a gi maan lo.

WENÉNÉ LE JAN A GYE (Évangile selon Jean) 6:65

Amalé é we taa fe wo lɛ léé: Bɛwemalé maa lé ka lɛ léé, dé an Ti ’ka zi nɔ lɛ mi lɛ lo, é ’ka bɔa dale lɛ an va lo.

WENÉNÉ LE JAN A GYE (Évangile selon Jean) 7:17

Dé é sɔ mian lɛ léé, é ’bɛzan lé blibɔmawe kɛlɛ, we lé maa a paama munu gi, dé yee Kazambale va lé é sioo, dé maabozen va lé é sioo, ’bɛzan é dan a gi dɔɔ lɛ.

Kelewenu 16:14

Le do ana bɛ, wa laama Lidi, é a tɔmunu lé sɔdanzan nya yé é si Tiatii. Le ’ko éé kanaan Kazambale lee, yé é tɔné dɔ ko lɛ. Mizambale a bli lɛ so, we lé Pɔl a fe, a ’male we gi.

Rom munu 11:25

An bwenu, Kazambale lé we yɔɔle lé ke léé, Bale Izraɛl lɛ do tɔné ta vo fɔɔ yé bɛn bɛnu ’léé lɛ sɔɔle ’é wɔra, yé é ’ka sɔ lɛ an lɛ léé, ka vo ka tanyila weyɔɔle ’ko vazia lo, té ka kabo ye wedɔɔzannu nya lo we gi.

Rom munu 16:25

Mi lé éé bɔa ka dɔle lɛ gligli anlé Wenéné valé Jézu Krist lé wefele yɛrama, we lé é ke é yɔɔle Bale bli gi, a bɔrale yɛrama bɛ, wa tɔ zin fe ma. We ’ko a é yɔɔle é li,

1 Korent munu 13:2

Yé dé an balelawefe blɛ yeoo, dé an we faa dɔɔoo, dé an weyɔɔlenu faa gi maan‐oo, dé an bli a é pale fɔɔ yé an gɔ blɛnnu soowɔlaan yé maa wo dɔ fɛ bɛnaoo, dé sɔlɛle ’ka an gi lo, ’té maa a fɛ pla nya.

1 Korent munu 15:51

’Ka tɔné dɔ. An weyɔɔle do fe ka lɛ: kaa faa ’ka dan ga lɛ lo, naa, wo dan kaa faa kɔlɛ tavɔɔ lɛ,

1 Korent munu 2:14

Naa, blami pla ’ka Kazambale Léli lé wenu gi maan lo, wa a yuɛ gi tavowe nya. Mi éé wo gi maan Bale Léli nya, amalé blami pla ’ka wo gi maan lo.

1 Korent munu 2:7

Kazambale lé wedɔɔle lé ke givuruwe yɔɔle nya, ’té Kazambale a ma’lɛrɛ tɛrɛ bɔrale ’lɛ, ko tɔbɔle we ma, yee lé ko fé.

1 Korent munu 4:1

Munu ’é ko ye Krist wuozannu valé a bɛgizannu lé wo ke Kazambale lé weyɔɔlenu gi bɔrazannu nya, wo nya ma.

1 Korent munu 4:7

De ɛ i kɛlɛ é yɛrama mi pɔnénu vaa? Mɛ fɛ lé bé ye iboaan? Yé dé mi bɛ a nɔ i lɛ, mɛmalé ibo ze vɔa, bélé fɛan zo lé bé ye iboan, a zoo?

Éfez munu 1:18

’é ka bɔn‐in dɔ ka ma ma, yé we lé ka bli ke a lɛ alé ka laale we ma koo, tɔnɔ lé Bale a yé élé munu ma, ’bɛ a fua blɛɛn nya fɛan zo koo,

Éfez munu 1:9

Kazambale lé blibɔmawe do lé ke é yɔɔle, nyanaizénmitafɛ lé é ke Krist nya bɛ, Bale a kɛlɛ é kyɛn, yé é a lɛ sɔɔ a lɛsɔɔbléyi nya, yé é kaa bɔn gi kini a nya. Yee lé ke ’ko: lagifɛnu faa koo, tɛrɛlafɛnu faa koo, Krist lé we ma lé wo zén ékeva yé é kɛlɛ wo nwiinzan nya.

Éfez munu 5:32

Weyɔɔle ’ko a blɛn. Maa we ’ko fé Krist valé léglizi lé we ma.

Éfez munu 6:19

’Ka bazoro an tɔ ma é ziin, léé, dé an kun Wenéné lé ke é yɔɔle, a fele ma, Bale ’é a fedére nɔ an lɛ yé maa fe anbo ma bli ta plɛplɛ nya.

Kolɔs munu 2:2

É sɔ an lɛ léé, wo é bli ’é dɔrala yé ’wo kɛlɛ mi do nya sɔlɛle gi, yé wo gi ’é kini boenwo Kazambale lé weyɔɔle dɔɔle we gi, ’bɛ gi léé, Krist.

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

1 Timoté 3:9

naa, ’wo Bale lé we wɔlɛma kun wo bɛ fié nya, ’té wolé wevasibli gi a sauun.

SEBE LÉ JAK A GYE (Épitre de Jacques) 1:5

Dé ka va mi do ’ka we dɔɔa lo, é a lé ’é a laa Kazambale lee yé é dan a nɔ lɛ a lɛ. Kazambale éé fɛ no mi faa lɛ é pla é bli drɔɔ nya.

1 Jan 2:20

Yé ka zin ye mi sauun Jézu va, yé ka faa we dɔɔ.

1 Jan 2:27

Krist é Léli zén ka ta; dé a Léli nyana ka gi, ka mawe ’ka a gi léé, mi é we paa ka gi lo. Naa, we faa lé a Léli ke a paana ka gi bɛ, é a webozen nya yé é ka vié nya lo, bɛwemalé ’ka vo Jézu gi, a Léli we paa ka gi fɛan zo, a zo.