Matio 12:41 - Kazambale lé Sebe Sauunu 1979

⁴¹ Webleyi nya, Ninive munu é dan nwa lɛ bléyi ’ko vamunu ma, yé wo we dɔ wo nwiin; naa, ’bɛnu ’wo bli nɔla Jonas dére ma, yé ka ye, mi lé ’bɛ mini Jonas ta, ’bɛzan ana ’ko.

Matio 12:41 ပူးပေါင်းရင်းမြစ်များ

Ézai 54:17

Gulidanfɛ faa lé wa foli i gyɛle we ma, é ’ka dan we do kɛlɛ lɛ i lɛ lo; Yé mi faa lé wo nwa i tɔ fele we ma, I dan wo gyɛ lɛ we nya. ’Bɛ zo lé Gakelebale wuozannu lé tɔnɔ ke, ’Bɛ zo lé maa dan wo si lɛ we gi. Gakelebale ɛ fe.

Jérémi 3:11

Gakelebale lé an lɛ léé: Izraɛl lé é ’ka plaan an wuo lo, dé maa alé we dan gilawe kɛlɛzan Juda ma, ’té we ’ka Izraɛl nwiin lo.

Jonas 1:2

’I nwa, yé ’i go fla blɛn Ninive ta, yé ’i we fe wo lɛ siaale nya. Naa, wolé we lɛrɛlɛrɛ kɛlɛle bɔ an va ’ko.

Jonas 3:4

Jonas tawo é vinin flaworo dii yi do. Éé siaan, ’té éé a fé léé: É vo é ziin yi yɔ fié yé wo dan Ninive sɛrɛ lɛ tata.

Matio 12:39

É a zi pa wo lɛ léé: ’Kaa pɛnpɛnnégyɛmunu lɛrɛlɛrɛ ’ko, ka tɔmase ma laan; naa, maa ’ka dan tɔmase bɛ nagɔɔn lɛ ka lɛ lo, fɔɔ balelayezan Jonas zé do kpen lé.

Matio 12:42

Webleyi nya, yirinwana bɛyilazia munu nwiinzan lé é ke le nya, é dan nwa lɛ bléyi ’ko vamunu ma, yé é we dɔ wo nwiin; naa, é si tɛrɛ glɛ sina Salomɔn lé wedɔɔle ’male we gi, yé ka ye, mi lé ’bɛ mini Salomɔn ta, ’bɛzan ana ’ko.

Matio 12:45

Yé éé goo, yé yo bɛ sɔrafié lé ’bɛnu naané mini yee ta, éé wo paan ’é va yé woo wɔraan kɔn gi, yé woo nyanaan kli, yé gɔnézan ’ko dɔbɛ voéla éé kɛla lɛrɛlɛrɛ yé é mini a vinin zé la. A zo duo lé é dan kɛlɛ lɛ bléyi ’ko vamunu naané ’ko lɛ.

Matio 12:6

Naa, maa lé ka lɛ léé, fɛ do a ’ko, a blɛn mini Balebangikɔn ta.

Matio 16:4

’Kaa pɛnpɛnnégyɛmunu lɛrɛlɛrɛ ’ko, kaa ɛ tɔmase ma laan. Naa, maa ’ka dan tɔmase bɛ nagɔɔn lɛ ka lɛ lo fɔɔ, Jonas zé do kpen lé. A zuo é si wo va yé é go.

Matio 17:17

Jézu léé: Bli paan lo munu, ziri zo bɛn, ka léé, an lɛɛ nɔɔ ɛ kɛlɛ ka va faa ’lɛ, yé ka bli é vo an lɛɛ? Ka léé, maa kɛlɛ kaa? ’Ka da a nya an va ze.

Matio 23:36

Wo dan ’bɛ wenu faa dɔ lɛ bléyi ’ko vamunu nwiin. Maa fe ka lɛ.

WENÉNÉ LÉ LUK A GYE (Évangile selon Luc) 11:32

Webleyi nya Ninive munu é dan nwa lɛ bléyi ’ko vamunu ma yé wo dan we dɔ lɛ wo nwiin, naa, Ninive munu bli nɔla Jonas dére ma, yé ka ye, mi lé ’bɛ mini Jonas ta, ’bɛ a ’ko.

WENÉNÉ LE JAN A GYE (Évangile selon Jean) 3:31

Mi lé é si loru, é a fɛ faa nwiin; mi lé é si tɛrɛ va, é a tɛrɛlami nya, yé éé we fé tɛrɛ la wefebɛ gi. Yé mi lé é si la gi, é a fɛ faa nwiin;

WENÉNÉ LE JAN A GYE (Évangile selon Jean) 4:12

Ko tra Jakɔb lé, é ’yiguru ’ko nɔ ko lɛ, ’té yeebozen koo, a benu koo, alé trubɛnu koo, wo ’yi mini a gi bɛ, i blɛn mini a lɛɛ?

Rom munu 2:27

Mi lé wa yaa yé wo ’ka a gane dɔ lɛ lo, dé éé bélidɔwe lɛ sɔɔan, é ’ka we dɔa i nwiin loo? Bii lé, bélidɔwe sɛbɛ ke i lee, yé i gane a é dɔle, ’té i bélidɔwe sɛra duowo bɛ, é ’ka we dɔa i nwiin loo?

Ébrunu 11:7

Kazambale tɛlɛ tɛlama we fe aan wo Noé lɛ, kana zén a gi, yé blipale nya lé é ’yitagoro do kɛlɛ yee valé é kulu sile we gi we ma; alé blipale nya lé é we dɔ tɛrɛlamunu nwiin, yé kɛlɛle tegele lé mi a yé blipale ma, é a ye ézé nya.