Matio 12:34 - Kazambale lé Sebe Sauunu 1979

³⁴ Ménénwunnu bɛn, ka a mi plenu nya bɛan zo, ka kɛla kaa yé ka we zima fee? We lé éé mi bli faan, éé bɔraan a ’léé wefele nya.

Matio 12:34 ပူးပေါင်းရင်းမြစ်များ

Lɛrɛvɔ Sɛbɛ 53:1

David lɛrɛ ’ko vɔle gɔɔn lɛrɛvɔzannu zilɛzan lɛ. ’Wo séén fɛn a va. David zé lé.

Lɛrɛvɔ Sɛbɛ 64:3

’I an yɔɔ mi nyanénu lé woo an ma we blé, wo lee, Wo valé weplekɛlɛmunu gu lé woo vun wé, woo lee.

Lɛrɛvɔ Sɛbɛ 64:5

Woo voo é yɔɔle, ’té woo sawɔlɛnu ’ko vulian nwiinplazannu va; Woo sawɔlɛnu vulian a va a ma trɔnné va, ’té kana do ’ka wo gi lo.

Wegɔnévɔlenu 16:23

Mi lé a bli we dɔɔ é élé wedɔɔle nagɔɔn‐an é dére nya, yé é élé wedɔɔle gi gyɛle bɔraan é lɔlu nya.

Wegɔnévɔlenu 4:23

’I yuɛ pa i bli va é mini fɛ bɛ faa ta; bélile ’wuo si ana, bɛwema.

Ézai 32:6

Naa, ’tugyɛzan éé ’tugyɛwe fé, yé éé wenaané bɔrɔan é bɔn‐in wenyané blɛn kɛlɛle we gi, vié wole Gakelebale ma we gi, lɔrɔgyɛmunu vole lɔrɔ nya we gi, mi lé ’yiminilɔrɔ ke a gyɛna, ’yi nyané kɛlɛle a lɛ we gi.

Ézai 59:14

Yé vole koboma gyɛ é zuo, yé sile we gi dɔ ko ma baa; yé webozen san ko lee flavuun la, yé we drɔle ’ka bɔa biéle lɛ ko lɛ lo.

Ézai 59:4

Ka do kpen ’ka mi tɔ fé tegele lo. Ka do kpen ’ka we sié ka nwiin we drɔle nya lo. Ka paan boawenu ta, ’té ka we fé vié nya. Ka wenaané bɔn sié yé ka né yaa wenyané blɛn nya.

Ézai 9:17

Naa, wenyané kɛlɛle éé mi blé bélé kyɛ lé éé danan valé léliyilinu blé, a zo; éé kyɛ vɔa pɔrɔwɔlɛ ’léé, ’té a goi éé nwaan zuuu.

Matio 12:35

Mi zin éé fɛ zimanu sié élé fɛwezan zimanu va, yé mi naané éé fɛ naanénu sié élé fɛwezan naanénu va.

Matio 15:18

Naa, wenu lé éé bɔraan mi ’léé, éé sié mi bli gi yé yee ɛ mi tiri dɔa.

Matio 23:33

Ménénu, ménénwunnu bɛn, ka kɛla kaa yé ka ’ka dan kle ble lɛ jéɛna kyɛ va loo?

Matio 3:7

Juifinu palu do ana, woo wo laama Farizimunu. Wo dɔ bélidɔwe gi plɛplɛ. Juifinu palu do ana é ziin, wo ’bɛnu laama Sadusémunu. Naa, Farizimunu valé Sadusémunu kiɛre da Jan lé mi batizéwona nagini lɛ. É wo ye aan wo, é lé wo lɛ léé: ménénwunnu bɛn, de ɛ we paa ka gi léé, bliflile lé é dan da lɛ bɛ, ka fwi a ’lɛɛ?

WENÉNÉ LÉ LUK A GYE (Évangile selon Luc) 3:7

Mi gu lé wo da Jan va léé, ’é wo batizéwo, é lé wo lɛ léé: Ménénwunnu bɛn, de ɛ we paa ka gi léé, bliflile lé é dan da lɛ bɛ, ka fwi a ’lɛɛ?

WENÉNÉ LÉ LUK A GYE (Évangile selon Luc) 6:45

Mi zin éé fɛ zimanu sié é bli gi fɛwezan zimanu va, yé mi naané éé fɛ naanénu sié élé fɛwezan naanénu va; naa, we lé éé mi bli faan, yee ɛ bɔraan a ’léé.

WENÉNÉ LE JAN A GYE (Évangile selon Jean) 8:44

Ka ti a yonufaatagɔné nya, yé é sɔ ka lɛ léé, ka ka ti lé blibɔmawe kɛlɛle lɛ sɔɔ. A pélisia bléyi va fɔɔ kyɔ é a migyɛzan nya yé é ’ka dɔa wezen zuo lo. Wezen ’ka a gi lo, ’bɛzama. É a viéwozan nya, yé é a vié faa ti nya, bɛwemalé dé é a vié wona, ’té é a ébo dére vɔna.

Éfez munu 4:29

Té dére naané do kpen é bɔra ka ’léé lo, naa, dére zima lé éé mi dɔa gligli, ’té munu lé wa maan, ’té éé wo drɔɔ voo bɛ, ’ka yee ɛ fe é febléyi nya ma.

Éfez munu 5:4

Dére naanénu koo, boawenu koo, mi gisonawenu koo, we ’konu ’ka ka baagiwe nya lo; té wo wo ’ma ka ta lo ma. Naa, ’wo bɔvɔwenu ɛ ’ma ka ta ma.

SEBE LÉ JAK A GYE (Épitre de Jacques) 3:2

Kaa faa éé saan gɔnɔ kiɛre nya. Dé mi ’ka saan é dére fele gi lo, ’té gun ’ka a ma lo, ’té éé bɔa ébo kunle lɛ we faa gi.

1 Jan 3:10

We ’ko ma lé woo Kazambale lé nénu dɔɔan yé woo yo lé nénu dɔɔan. Dé miomian é ’ka we tegele kɛla lo, ’té é ’ka Kazambale zé nya lo, yé mianzan bwe ’ka sɔ lɛ ’é lɛ lo, ’bɛzan ’ka Kazambale zé nya lo é ziin.

1 Samuɛl 24:13

Gakelebale é dan maa valé bii lé we ble lɛ, yé Gakelebale é dan anlé we lɛgi pa lɛ i ma; naa, an ’ka dan an bɛ nwa lɛ i ma lo.