Matio 11:5 - Kazambale lé Sebe Sauunu 1979

⁵ yuɛwiizannu a yɛrɛ yena, tunbozannu a tawona, pantɛn a sina pantɛngyɛmunu ma, tɔnéwiizannu a we ’mana, gazannu a nwana gale va, yé wa wenéné fena nyanégyɛzannu lɛ.

Matio 11:5 ပူးပေါင်းရင်းမြစ်များ

2 Minwiinzannu 5:14

Yé é go yé é Juudɛn ’yi bɔ gyɛ gɔnɔ sɔrafié Bale lé mi dére yɛrama; yé a kɔlɛ kɛlɛ é ziin bélé né boroné kɔlɛ zo, yé a gi bɔ.

2 Minwiinzannu 5:7

Dé Izraɛl minwiinzan nyaa sɛbɛ tafele nya tɔɔn, ’élé sɔnu fia yé é léé: Maa a bale do nya, mi gyɛle valé mi vole é yuɛma we gi, yé éé a fé an lɛ léé, maa pantɛn si mi maa? ’Ka gini do, yé ’é dɔ ka gi léé, é a an ’léé wɛɛna.

Lɛrɛvɔ Sɛbɛ 146:8

Gakelebale éé yuɛwiizannu yuɛ fuoan; Munu lé wo ke é plinle, Gakelebale éé wo drɔan tegele; We tegele kɛlɛzannu ɛ sɔa Gakelebale lɛ.

Lɛrɛvɔ Sɛbɛ 22:26

Bii tɔ zin lé maa dan a fe lɛ zén‐ékevamunu gu blɛn va; Maa dan anlé Bale kunle lɛ sɔɔ lɛ munu lé woo kanaan i lee, wo yuɛ va.

Fwile 4:11

Gakelebale lé a lɛ léé: De ɛ mi ’léé kɛlɛɛ? De ɛ mi kɛla bobogyɛzan nya yé de ɛ mi kɛla tɔnéwiizan nyaa? De ɛ mi kɛla yɛrɛye?-?zan nya yé de ɛ mi kɛla yuɛwiizan nyaa? Maa, Gakelebale kaan loo?

Ézai 29:18

’Bɛ yi la, tɔnéwiizannu é dan sɛbɛ gi dérenu ’ma lɛ yé gunu ’ka dan kɛlɛ lɛ yuɛwiizannu yuɛi é dɛrɛ lo, yé wo dan yɛrɛ ye lɛ.

Ézai 29:19

Wenaanébɔmazannu gi nanale lɛ é dan si lɛ Gakelebale lé we ma, yé Izraɛl lé Mi Sauun é dan kɛlɛ lɛ nyanégyɛzannu lé ginanamazan nya.

Ézai 43:8

Yuɛwiimunu lé wo yuɛ ke ana, ’wo bɔra a gi ma, Yé tɔnéwiimunu lé wo tɔné ke, ’wo bɔra a gi ma.

Ézai 66:2

An bɛan fɛ ’konu faa kɛlɛ loo? Maa‐an an fɛ ’konu faa bɔra loo? Mi lé maa dan yuɛ pa lɛ a ta, yee lé ke ’ko: Mi lé éé nyané blé yé a fuu si a ta, yee lé; mi lé éé kanaan an dére lee, yee lé.

Zakari 11:7

’Blanu lé wo dan wo gyɛ lɛ bɛ, an kun fɛ nɔle ma wo lɛ; weboen lé, wa nyanaizénla ’blanu nya ’blanu va. Maa ’blatabinyili fié si, yé maa a do tɔ pa, zin, yé maa a do tɔ pa, nanale. Yé maa vo ’blanu pana.

Matio 10:8

’Ka gyɛgyɛmunu béli, ’ka gamunu nwa, ’ka pantɛn si munu ma, ’ka yonu si munu gi. Ka a ye é pla, ’ka a nɔ blɛ nya é pla ma.

Matio 11:4

Jézu a zi pa wo lɛ léé: ’Ka go, yé wenu lé ka ’ma, é valé fɛnu lé ka ye, ’ka a zuo fe Jan lɛ, léé:

Matio 12:13

Yé é lé gɔnézan lɛ léé: ’I bɛ soi. Yé ’bɛ a soi, yé é kɛlɛ yɔrɔyɔrɔ bélé a bɛ koɛ zo.

Matio 21:14

Yuɛwiizannu valé tunbozannu bié a va Balebangikɔn gi yé é wo béli.

Matio 5:3

Munu lé wo ’ka ’wobo yé ’wo bli gi mi nya lo, wa bɛan ’bɛ gi bɛ, ’bɛ a é zima wozé nya, naa, Kazambale a é plale wo nwiin.

Matio 9:30

Yé wo yuɛnu fuo. Jézu we fe wo lɛ yara tɔntɔn nya yé é léé: ’Ka yuɛ pa kabozen va, té mi do kpen é we ’ko ’ma lo.

Maak 7:37

Wo gi faa vuru ’wo ma yé wo léma: Éé we faa kɛla é zima; éé tɔnéwiizannu tɔné fuoan yé éé bobogyɛzannu bélié.

Maak 9:25

Jézu a ye aan wo léé, mi faa a dana ’é va, é siaa yo tiridɔle ta, yé é léé: Bii bobogyɛ yo lé i mi gya bobo nya ’té i mi tɔné ’wiié, ’i si né ’ko gi, té i wɔra a gi é dɛrɛ lo.

WENÉNÉ LÉ LUK A GYE (Évangile selon Luc) 4:18

Mizambale Léli a maa ta Yé é nyɔnɔ zén an nwiin anlé wenéné fele nyanégyɛmunu lɛ we gi; É an pa zia munu lé blikyɛdɔwe blɛn bɔ wo ma, wo va, wo bélile koo, Luugimunu vole woboma valé Yuɛwiimunu yuɛ fuole koo, Munu lé woo yaan wo ta, wo vole woboma valé

WENÉNÉ LE JAN A GYE (Évangile selon Jean) 10:25

Jézu lé wo lɛ léé: Maa a fe ka lɛ yé ka ’ka dɔ lɛ a ta lo. Nyanamanu lé maa ke wo pana an Ti tɔ gi, woo ɛ an ma we fé.

WENÉNÉ LE JAN A GYE (Évangile selon Jean) 10:38

Naa, dé maa wo paan, dé ka bli ’ka vo an lɛ lo, ka bli ’é vo yee nyanama ’konu lɛ, kalé a gi dɔɔle valé kalé a yele we gi léé, an Ti a an gi yé maa a an Ti gi.

WENÉNÉ LE JAN A GYE (Évangile selon Jean) 2:23

Jézu a Jérusalɛm bléyian va, Taboyi lé fɛti yinu nya, gyɛzorowenu lé é ke a kɛlɛna, munu a ye, yé wo va mi kiɛre wo bli vo a tɔ lɛ.

WENÉNÉ LE JAN A GYE (Évangile selon Jean) 3:2

É da Jézu va é béli, yé é lé a lɛ léé: Anzan, ko a gi dɔɔ léé, bii a wepaamigizan lé é si Kazambale va, a nya. Gyɛzorowenu lé bé kɛla ’ko, dé Kazambale ’ka mi va lo, é ’ka bɔa wo kɛlɛle lɛ lo.

WENÉNÉ LE JAN A GYE (Évangile selon Jean) 5:36

We lé ’bɛ an ma we fé, ’bɛ blɛn mini Jan lé an ma we fele ta; nyanamanu lé an Ti a nɔ an lɛ léé, maa wo pa, nyanama ’ko bozennu lé maa ke a pana, woo ɛ an ma we fé léé, an Ti ɛ an pa zia.

WENÉNÉ LE JAN A GYE (Évangile selon Jean) 9:7

yé é lé a lɛ léé: I go zuru Siloé ’yiguru va, ’bɛ gi léé, pale zia. Yé é go ana yé é zuru, yé é nɔla ’té a yuɛ a é fuole wéiin.

Kelewenu 2:22

’Kaa Izraɛl munu, ’ka dére ’konu ’ma ma. Kazambale Nazarɛtzan Jézu ma wenu fe ka yuɛ va, gyɛzorowenu koo, we blɛnblɛnnu koo, tɔmasenu koo, wo nya, ’té Bale a kɛlɛ Jézu nya ka méléna, ka a gi dɔɔ kaboan;

SEBE LÉ JAK A GYE (Épitre de Jacques) 2:5

’Kaa an bwenu lé ka sɔ an lɛ, ’ka tɔné dɔ. Munu lé wo ke nyanégyɛzannu nya tɛrɛlamunu yuɛ gi, Kazambale ’ka wo si lɛ léé, ’wo kɛlɛ fua nya blipale gi loo? yé wo kɛlɛ tɔnɔblezannu nya fuatɛrɛ lé é a ma blivolɛdére fe munu lé é sɔ wo lɛ, wo lɛ bɛ, a ta loo?