Matio 11:28 - Kazambale lé Sebe Sauunu 1979

²⁸ Ka faa lé, ka wɔlɛ gi ke é nyaale ka ma, yé kɔné blɛn ke ka nwiin bɛ, ’ka da an va, yé maa flinle nɔ ka lɛ.

Matio 11:28 ပူးပေါင်းရင်းမြစ်များ

JOB (Job) 14:1

Mi lé le a yaa, alé tɛrɛla a kpégéléné, ’Té a gi kyɛ a é dɔle yifaama.

JOB (Job) 5:7

Woo blami yaan nyanéblele we ma, Kyɛ flɛnné éé bélian fɛan zo, a zo.

Lɛrɛvɔ Sɛbɛ 116:7

An boen, ’i go, ’i flin, Naa, Gakelebale wezin kɛlɛ i lɛ.

Lɛrɛvɔ Sɛbɛ 32:4

Naa, é béli valé é yiéyi i bɛ a é dɔrale an ta klilii, An fuu si an ta yé an ga bélé yɛrɛ gabléyi va fɛnu zo. Ka ye do.

Lɛrɛvɔ Sɛbɛ 38:4

I bliflile zama an kɔlɛ do kpen ’ka an ta lo, Anlé wenyané ma lé an wɔlɛnu ’ka plɛplɛ é dɛrɛ lo.

Bale Lé We Gifezan 1:14

We faa lé woo kɛla tɛrɛ la, maa wo ye; yé bé ye, ’bɛ faa a boawe valé fu zuobinwe nya.

Bale Lé We Gifezan 1:8

Fɛnu faa a nyanama pana, yé mi ’ka bɔa a gi fele lɛ lo; mi yuɛ ’ka kaan yɛrɛ ginile nya lo, yé mi tɔné wɔlɛ gi ’ka nyaan é ma we ’male nya lo.

Bale Lé We Gifezan 4:8

Mi do a é do, ’té a lele do kpen ’ka lo; a be ’ka lo, yé a bwe ’ka lo, duowo alé nyanama ’ka nyaan lo, yé fuafɛnu ’ka a kaan lo. De lɛ lé an ke nyanama pana, yé an gi nanale nyané kɛla anboen lɛɛ? ’Bɛ a é ziin boawe valé wenaané nya.

Ézai 1:4

Wenyanékɛlɛ bɛn, wo gale nyɔ; wa é fanle weplenu nya, wa bɛn nyané nya, wa né sɛrɛlenu nya. Wo sɔn vɔ maa, Gakelebale ma, wo nyé yéli maa, Izraɛl lé Mi Sauun ma. Wo si an ma baa.

Ézai 11:10

’Bɛ yi la, gɔn lé é fɔn Izai ma, É dan kɛlɛ lɛ drapo nya migɔnɔnu lɛ; Bɛnnu faa é dan nɔla lɛ a vazia, Yé fuasan é dan kɛlɛ lɛ a nyanana nya.

Ézai 28:12

Gakelebale a fe wo lɛ léé: Flinle lo; mi lé a wɔlɛ gi nyaa, ’bé vo, ’é flin; flinna lé ke ’ko. Naa, é ’ka sɔ lɛ wo lɛ léé, ’wo tɔné dɔ lo.

Ézai 61:3

Yé an kyankoro nɔ Siɔn lé nyanéblemunu lɛ kyɛyee pa gi, Yé maa ginanale nɔ gyɛbole pa gi, Yé maa Bale tɔzinfele nɔ wo lɛ bélé varɔ zo, fuu sile wo ta pa gi, Amalé wo dan wo laa lɛ wetegele lé térébɛnt yili lé Gakelebale a féi pa, é tɔ bɔle we ma.

Ézai 66:2

An bɛan fɛ ’konu faa kɛlɛ loo? Maa‐an an fɛ ’konu faa bɔra loo? Mi lé maa dan yuɛ pa lɛ a ta, yee lé ke ’ko: Mi lé éé nyané blé yé a fuu si a ta, yee lé; mi lé éé kanaan an dére lee, yee lé.

Jérémi 31:25

Naa, munu lé ’yiminilɔrɔ wo vo tɔɔtɔɔ, maa dan ’yiminilɔrɔ si lɛ wo ma, yé munu lé lɔrɔ blɛn wo fuu si wo ta, maa dan wo kan lɛ.

Jérémi 35:16

Weboen lé, Rékab be Jonadab we fe é benu lɛ yé wa tawe kɛlɛ, naa, munu ’ko ’ka wo tɔné dɔa an lɛ lo.

Jérémi 6:16

Gakelebale léma: ’Ka dɔ zinu ta, ’ka a nagini yé ’ka a ma laa léé: Zi kyɛnnu ɛ ke zi kwanu nyaa? Zi kyɛn ɛ ke zi zin nyaa? ’Ka tawo a ’léé yé ka dan flinle ye lɛ kabozen zé nya. Naa, wa zi pa léé: Ko ’ka dan tawo lɛ a ’léé lo.

Matio 11:29

Maa a bli drɔɔzan nya, yé maa a bo?-?kiénézan nya an bli gi, bɛwemalé ’ka kɛlɛ an va wedraanzannu nya, yé ’ka anlé we draan yé maa dan flinle nɔ lɛ ka boen lɛ.

Matio 23:4

Kɔné blɛn lé a sile ke tɔntɔn, wa dɔa mi bɛnu nwiin yé wo ’ka a va léé, ’wo bɛ boen mane a ma monomono lo.

WENÉNÉ LE JAN A GYE (Évangile selon Jean) 6:37

Munu faa lé an Ti éé wo no an lɛ, wo dan da lɛ an va, yé mi lé é da an va, an ’ka dan sɔn vɔ lɛ a ma monomono lo.

WENÉNÉ LE JAN A GYE (Évangile selon Jean) 7:37

Fɛti yi nyaana nya, yee lé é ke fɛti yi blɛn nya, Jézu dɔ loru, yé é siaa léé: Mian ’yiminilɔrɔ ke a gyɛna, ’é da an va ma, yé ’é ’yi mini ma.

Kelewenu 15:10

Sin, mɛmalé ka a Kazambale gi danna, kɔné blɛn dɔle nya Jézu zuomunu nwiin? Kɔné ’ko sile ko valé ko tranu kele é kyɛn.

Kelewenu 20:35

Maa a nagɔɔn ka lɛ bɛ faa ma léé, nyanama ’ko zo pale nya lé é a lé wo bɔ mi tɔɔtɔɔnu va. Yé Mizan dérenu sele ’é dɔ ka gi ma, yeebozen a fe léé: Fɛ nɔle lé gi nanale mini fɛ yele zé ta.

Galasi munu 5:1

Krist kaa si luu gi, kaa kɛlɛle miné nya we ma. Bɛwemalé ’ka dɔ gligli; té ka nyi si léé, ka wɔra wolé luubale gi é dɛrɛ lo.

2 Tɛsalɔnik munu 1:7

Yé ka lé wa kle pana ka ta bɛ, é dan flinle nɔ lɛ kaa lɛ, bléyian va lé Mizan Jézu é dan si lɛ la gi yé é zun, yee valé élé lanje plɛplɛnu nya, ’bɛ bléyi va.

Ébrunu 4:1

Blivolɛdére lé Bale a fe léé, é dan élé flinle nɔ lɛ munu lɛ, ’bɛ dére ana é ziin tan, bɛwemalé ’ka kana, dé é da kle ka va mi kenu ma.

Wegɔɔnle 22:17

Yé Kazambale Léli valé bosizan léé: ’I da. Yé dé mianzan a ’ma, ’bɛzan ’é ’i da vɔ ma. Mian ’yiminilɔrɔ ke a gyɛna, ’é da ma; yé mian é sɔ a lɛ léé, ’é mivoéyuɛma ’yi si, ’bɛzan a si é pla ma.