Matio 11:23 - Kazambale lé Sebe Sauunu 1979

²³ Yé ’kaa Kapɛnaum munu, ka dan nwa lɛ fɔɔ la gii? Gba. Ka dan zun lɛ gamunu nyanana, naa, gyɛzorowenu lé maa a kɛlɛ ka méléna, dé é vo léé, maa a kɛlɛ Sɔdɔm, ’té é ana tan kyɔ.

Matio 11:23 ပူးပေါင်းရင်းမြစ်များ

Wepélisiananu 13:13

Sɔdɔm munu a nyané, yé woo wenyané blɛnblɛn kɛla Gakelebale ma.

Jérémi Lé Wuvɔ Sɛbɛ 2:1

Yé mɛ kɛlɛɛ? Gakelebale bli fli yé é lati bua Siɔn munu ta, É Izraɛl lé fua tɔbɔle si la gi yé é a zun tɛrɛ la, A bli fli yian nya, A gane dɔrana sele ’ka dɔ lɛ a gi lo.

Ézékiɛl 26:20

maa dan i vuli lɛ, munu lé woo zunwo guru blɛn wɔlɛ ma yɛrɛgimunu vazia, wo va. Maa dan i pla lɛ tɛrɛwɔlɛ ma, fɛana lé mi éé voo é do lɛɛfaama a glɛ ’ka lo, ana, munu lé wo zun guru wɔlɛ ma, wo sɔnɔ, té munu ’é nyana i ta é dɛrɛ lo we gi. Yé maa dan tɔbɔle ta dɔ lɛ mi yuɛmalenu lé tɛrɛ zé nya.

Ézékiɛl 31:14

léé, yilinu faa lé wo ke ’yi ma, té wo toro é ziin lo we ma. Té wo zɔ é toro wo bɛ kiɛre méléna é dɛrɛ lo, ’té sɛnéyilinu lé ’yi ke é zénle wo ma, té wo toro é dɛrɛ lo we ma. Naa, wo faa a é bɔrale gale lɛ tɛrɛwɔlɛ ma blaminu va, munu lé woo zunwo guru gi, wo va.

Ézékiɛl 32:18

Blami be, ’i gyɛ wuvɔ Éjipiti mi gu blɛn ta yé ’i wo nwunzi vuli; wo koo, bɛn plɛplɛnu koo, ’i wo nwunzi vuli tɛrɛwɔlɛ ma, munu lé wo ’bɛnu vuli guru gi, wo va.

Ézékiɛl 32:24

Ana lé Élam valé élé mi gu blɛn ke; wolé mipana a wo zi. Gwɔun wo faa gyɛ; wo faa ga. Wo lé woo di kinié munu gi mi yuɛmalenu lé tɛrɛ la, wo go tɛrɛwɔlɛ ma, ’té wo gane ’ka é dɔle lo. Wo go ’wolé yaragyɛwenu nya ’wo lee, munu lé woo goo guruwɔlɛ ma, wo va.

Abudias 1:4

Dé i ilé kɔn dɔ loru baa bélé gola zé zo‐oo, Dé i nyanana kɛlɛ monénénu mélénaoo, Maa dan i zun lɛ gla nya. A zo lé Gakelebale a fe.

Matio 10:15

Webleyi nya, fla ’ko zé kleblele é dan mini lɛ Sɔdɔm valé Gɔmɔɔ zé ta. Maa fe ka lɛ.

Matio 16:18

Yé maa lé i lɛ léé, bii a Piɛri nya, yé gɔlɛ ’ko ta lé maa dan anlé léglizi dɔ lɛ yé gamunu nyanana lé plɛplɛ ’ka dan gié lɛ a ta lo.

Matio 17:24

Jézu valé é zuomunu bɔ aan wo Kapɛnaum, Bale lé kɔn ma gɔɔli lé ke drakémé fié nya, a simunu lé Piɛri lɛ léma: Izan ’ka drakémé fié banwoo loo? Piɛri léé: Éé a banwoo.

Matio 4:13

É si Nazarɛt, yé é da nyana lɛ Kapɛnaum, wɛyi sɔnɔ, Zabulɔn valé Néfitali tɛrɛ la,

Matio 8:5

Jézu bɔra Kapɛnaum bléyian va, sunyayɔsoru ’lɛzan da a va yé é we laa a lee dunu vɔ ma dére nya léé:

WENÉNÉ LÉ LUK A GYE (Évangile selon Luc) 10:15

Yé bii Kapɛnaum, i dan nwa lɛ fɔɔ la gii? Gba, wo dan i zun lɛ fɔɔ gamunu nyanana.

WENÉNÉ LÉ LUK A GYE (Évangile selon Luc) 14:11

Naa, dé mian ébo nwaan blɛn wo dan a tua lɛ, yé mi lé ébo tuaan wo dan a nwa lɛ blɛn.

WENÉNÉ LÉ LUK A GYE (Évangile selon Luc) 16:23

É a gamunu nyanana ’té éé nyané blé kaii, yé é yara dɔ loru yé é Abraam ye baa, ’té Lazaa a ’bɛ bɛ gi.

WENÉNÉ LÉ LUK A GYE (Évangile selon Luc) 4:23

Jézu lé wo lɛ léé: Wezen lé, ka dan gɔné vɔ lɛ an lɛ léé, dɔtrɔ gyétrɛn, ’ibo béli ma, yé ka dan a fe lɛ an lɛ léé, we faa lé ko a ’ma léé, bé kɛlɛ Kapɛnaum, bé kɛlɛ ibo lé tɛrɛ la ’ko.

Kelewenu 2:27

Naa, i ’ka dan an boen vo lɛ gamunu nyanana lo, Yé i ’ka dan dɔ lɛ a nyi wuo léé, ilé Mi Sauun é vɔn lo.

Kelewenu 2:31

Amalé dé é a fe léé, wo ’ka dan ’é vo lɛ gamunu nyanana lo, yé ’é wi ’ka dan vɔn lɛ lo, ’té Krist nwale gale va lé é a ye, amalé é ke a fena.

SEBE LÉ JUD A GYE (Épitre de Jude) 1:7

Yé Sɔdɔm koo, Gɔmɔɔ koo, wo sɔnɔ flanu koo, wolé we sele ’é dɔ ka gi é ziin. Wenyané lé lanjenu a kɛlɛ, wo yee wenyané duo kɛlɛ; gɔnénu go gɔnénu va, yé lomu go lomu va, ’té woo pɛnpɛnné gya; sin wo kyɛ a blena, kyɛ lé é ’ka dirian monomono lo, a va; Bale we ’ko kɛlɛ léé, dé munu wo ye, yé wo bɔn‐in ’é kini yé wo ’ka we kɛla bélé wozé zo lo. We ’ko sele ’é vo ka gi ma.

Wegɔɔnle 1:18

An ga, yé maa lo, maa a é yuɛma sin lɛɛfaama, a glɛ ’ka lo. Yé ga valé gamunu nyanana lé lakléwɔlɛnu a maa ɛ lee.

Wegɔɔnle 11:8

Wo dan wo galenu pla lɛ fla blɛn lé wo Sɔdɔm valé Éjipiti tɔ pa a ma, ana vuun la; fla ’ko ta lé munu Wozan gyɛ yiliblan ta.

Wegɔɔnle 20:13

Wɛyi ézé migalenu bɔra a gi, yé ga valé gamunu nyanana wozé mi galenu bɔra a gi, yé wo wolé we ble do do wo kɛlɛwenu yɛrama.

Wegɔɔnle 6:8

Maa a naginina yé bé ye, kyɛyee wisoo bɔra. Wo atazan tɔ laama ga, yé gamunu nyanana a a va. Wa se kɛlɛ wo lɛ léé, ’wo tɛrɛ fén ziɛnzan tamunu gyɛ, gwɔun koo, lɔrɔ koo, migyɛgyɛ koo, bwigiwinu koo, wo nya.