Matio 11:11 - Kazambale lé Sebe Sauunu 1979

¹¹ Maa lé ka lɛ webozen nya léé, munu lé lomu wo yaa, wo va mi do kpen ’ka nwa lɛ yé ’bɛ blɛn mini mibatizéwozan Jan ta lo, dɔlé ’té munu lé Kazambale ke é plale wo nwiin, wo va mi kiiéné a blɛn é mini mi batizéwozan Jan ta.

Matio 11:11 ပူးပေါင်းရင်းမြစ်များ

JOB (Job) 14:1

Mi lé le a yaa, alé tɛrɛla a kpégéléné, ’Té a gi kyɛ a é dɔle yifaama.

JOB (Job) 14:4

É kɛla ka yé fɛ gibɔle é si fɛ tiridɔle vaa? ’Bɛ ’ka kɛla lo.

JOB (Job) 15:14

Mɛ fɛ lé ke blami nya yé a gi éé bɔaa? Mi lé le a yaa, é bɔalɛ é kɛlɛ tegelee?

JOB (Job) 25:4

Mi é bɔalɛ léé, é kɛlɛ tegele Kazambale yuɛ gi kaa? Mi lé lezan a yaa, a gi éé bɔa kaa?

Lɛrɛvɔ Sɛbɛ 51:5

Naa, maa anlé bélidɔwe sɛrɛlenu dɔɔ, Yé anlé wenyané sele a an gi bléyi faa va.

Ézai 30:26

Gakelebale lé munu lé é wo tuo bɛ, dé é sɔ vuru wo tuona ta, dé é wo tuonanu nyaa, ’té moné bile é dan kɛlɛ lɛ bélé yiri bile zo, yé yiri bile taa é dan pa lɛ fɔɔ gɔnɔ sɔrafié; yi do yiri bile é dan kɛlɛ lɛ bélé yi sɔrafié zé zo.

Zakari 12:8

’Bɛ yi la Gakelebale é dan Jérusalɛm munu takuun lɛ, yé wo va mi tɔɔtɔɔ é dan kɛlɛ lɛ bélé David zo ’bɛ yi la, yé David lé munu é dan kɛlɛ lɛ Bale zo, bélé Gakelebale lé lanje lé éé tawoo wo ’lɛ, a zo.

Matio 11:10

Naa, yee lé wo alé we gyɛ sɛbɛ gi; wo léé: Bé ye, maa anlé nwunvɔzan pa i ’lɛzia, Ilé zi ma’lɛrɛle we gi.

Matio 11:12

É sia mi batizéwozan Jan bléyi va fɔɔ kyɔ bléyi ’ko va, Kazambale plale mi nwiin a botunuwe nya, yé nyanazannu ɛ a yé gla nya.

Matio 3:1

Bléyi ’ko va mi batizéwozan Jan bɔra; é Kazambale lé we fe Judé bwi la.

Matio 3:11

Maa ka batizéwo ’yi nya ka bli nɔlale we gi, naa, mian é dan da lɛ an zuo, a plɛplɛ mini an ta, yé a yara ’ka an yara lé maa alé sawala si lo. Yee ɛ dan ka batizéwo lɛ Léli Sauun valé kyɛ nya.

Matio 5:19

Mi lé éé bélidɔwe kiiéné boen lɛganma, ’té éé we paan munu gi léé, ’wa lɛgama, dé Kazambale lé plale mi faa nwiin da bléyian va, é dan ’bɛzan kɛlɛ lɛ mi kiiéné boen nya, naa, mi lé éé bélidɔwe lɛdɔama, ’té éé a paan munu gi léé, ’wa lɛdɔma, dé Kazambale lé plale mi faa nwiin da bléyian va, é dan ’bɛzan kɛlɛ lɛ mi blɛn nya.

WENÉNÉ LÉ LUK A GYE (Évangile selon Luc) 1:15

Naa, é dan kɛlɛ lɛ mi blɛn nya Mizambale yuɛ va. É ’ka dan nwɛ valé dɔrɔ mini lɛ lo, dé a bu a yaa tɔɔn, Léli Sauun é dan vɔ lɛ a ta;

WENÉNÉ LÉ LUK A GYE (Évangile selon Luc) 7:28

Maa lé ka lɛ léé: Munu lé lomu wo yaa, wo va mi do kpen blɛn ’ka mini lɛ Jan ta lo; dɔlé ’té munu lé Kazambale ke é plale wo nwiin wo va mi kiiéné a blɛn é mini Jan ta.

WENÉNÉ LÉ LUK A GYE (Évangile selon Luc) 9:48

Dé miomian éé né kiéné ’ko sié anlé we ma, ’té éé maabozen sié é ziin; yé mian éé an sié, mi lé é an pa zia éé ’bɛzan sié. Naa, mian é ke kiiéné ka faa méléna, yee ɛ ke mi blɛn nya.

WENÉNÉ LE JAN A GYE (Évangile selon Jean) 1:15

Jan alé we fe, yé é siaa léé: Mi lé maa alé we fe léé: Mi lé é dan an zuo, yee ɛ ke an ’lɛ, naa, é ana an ’lɛ é vinin, yee lé é ke bɛ.

WENÉNÉ LE JAN A GYE (Évangile selon Jean) 1:27

’bɛzan é dan da lɛ an zuo; a yara ’ka an yara lé maa ’bɛlé sawala bale fuo lo.

WENÉNÉ LE JAN A GYE (Évangile selon Jean) 10:41

Mi kiɛre da a va yé wo léé: Jan ’ka gyɛzorowe do kpen kɛlɛ lɛ lo, naa, we faa lé Jan a fe mi ’ko ma, é a wezen nya.

WENÉNÉ LE JAN A GYE (Évangile selon Jean) 3:30

É a lé yee ɛ kɛlɛ blɛn yé maa ɛ kɛlɛ kiéné.

WENÉNÉ LE JAN A GYE (Évangile selon Jean) 5:35

Jan ɛ ke kyɛbɔ lé é ke bina ’té éé blé, a nya, yé ka a a va léé, ’wo gi é nana a san va bléyi do nya.

WENÉNÉ LE JAN A GYE (Évangile selon Jean) 7:39

É we ’ko fe munu lé wo dan ’wo bli vo lɛ a lɛ, Kazambale Léli lé wo dan a ye lɛ, alé we ma. Jézu ’ka tan wɔra lɛ élé fua gi lo; bɛwemalé Bale ’ka tan ’é Léli nɔ lɛ munu lɛ lo.

1 Korent munu 15:9

Naa, maa a nwunvɔzannu va mi kiéné nya; an nyané pa Kazambale lé léglizigimunu ta, amalé a yara ’ka an yara léé, wo an laa nwunvɔzan lo.

1 Korent munu 6:4

Yé dé tɛrɛ ’ko la wenu a ka méléna, munu lé wolé we ’ka blɛn léglizigimunu yuɛ gi lo, mɛmalé ka ’bɛnu dɔ weblezannu nyaa?

Éfez munu 2:3

Ko é ziin, ko faa a wo va mi kenu nya é vinin, ’té ko ko dɔbɛ kyɛn lé sɔlɛwe kɛla, yé ko ko dɔbɛ kyɛn valé ko ’wuogibɔrɔlenu lé blibɔmawenu lɛ sɔɔan. Ko dɔbɛ ’ko, é ko kɛlɛ blifliémazannu nya bélé mi pɔnénu zo.

Éfez munu 3:8

Maa lé an ke Kazambale lé munu faa va mi kiéné nya, Bale zin ’ko kɛlɛ an lɛ léé, Krist lé fuawenu lé wo ’ka wo gi ’male nyaan lo, maa wolé we fe bɛn bɛnu lɛ,

2 Timoté 1:10

Zin lé é a kɛlɛ ko lɛ, wa ye sin ko Siéwegizan Jézu Krist dale nya. Yee ɛ ga kulu ga, yé bélile valé vole é yuɛma lé a glɛ ’ka lo, é wo gɔɔn munu lɛ Wenéné nya.

Ébrunu 11:40

naa, Kazambale wezin tadɔ kaazé nya, yee lé ke léé, té gun ’é si wo ma kaa ’lɛ lo.

1 Piɛri 1:10

Zin lé ke é tadɔle kazé nya, balelayemunu a zuo fe balelawe fele nya; yé yee balelayemunu ɛ ka bélimawe gi laa, ’té wa gi kulian.

1 Samuɛl 2:30

Bɛwemalé Gakelebale, Izraɛl lé Bale léma: Maa lé turu léé, ilé munu valé i ti lé munu é dan vo lɛ an ’lɛ lɛɛfaama, ’bɛ glɛ ’ka lo. Gakelebale léé: Sin, ’bɛ ’ka an gi é dɛrɛ lo. Naa, mi lé é an lɛdɔama, maa dan ’bɛzan lɛdɔ lɛ a ma, yé mi lé é serele bo an ma, maa dan serele bo lɛ ’bɛzan ma.