Matio 10:25 - Kazambale lé Sebe Sauunu 1979

²⁵ We lé wa kɛlɛ wepaamigizan lɛ, é a é zima léé, ’é bɔ a va wedraanzan ma é ziin, yé we lé wa kɛlɛ mizan lɛ, é a é zima léé, ’é bɔ a wuozan ma é ziin. Dé wo kɔnzan tɔ pa Béɛlzébul, wo ’ka dan alé kɔngimunu tɔ pa lɛ a zo loo?

Matio 10:25 ပူးပေါင်းရင်းမြစ်များ

2 Minwiinzannu 1:2

Akazia a ’élé kɔn nwiin kɔn gi Samari yé é dia fɛnɛti ta, yé é gyɛ kɛlɛ. É munu nwunvɔ yé é lé wo lɛ léé: ’Ka go, ’ka we laa Ékrɔn lé bale Baal‐Zébub lee, a gi dɔɔle we gi léé, dé an dan nwa lɛ gyɛ ’ko gii?

Matio 12:24

Farizimunu ’bɛ ’ma aan wo yé wo léé: Yonufaatagɔné Béɛlzébul lé plɛplɛ nya lé éé yonu sié munu gi.

Matio 12:27

Yé dé maa yonu si munu gi Béɛlzébul lé plɛplɛ nya, ka benu ’wozé sié munu gi de ɛ lé plɛplɛ nyaa? Amalé ka benu bozen é dan kɛlɛ lɛ kalé weblezannu nya.

Matio 9:34

Naa, Farizimunu léma: Yonufaatagɔné lé plɛplɛ nya lé éé yonu sié munu gi.

Maak 10:39

Yé wo léé: Ko bɔalɛ. Jézu lé wo lɛ léé: Webozen lé, kana lé an dan ’yi mini lɛ a gi, a gi lé ka dan ’yi mini lɛ; yé wo dan an batizéwo lɛ bɛan gi, yee bɛ duo gi lé wo dan ka batizéwo lɛ é ziin.

Maak 3:22

Yé sɛbɛgifemunu lé wo si Jérusalɛm, wo léma: Béɛlzébul a a gi; yonufaatagɔné lé plɛplɛ nya lé éé yonu sié munu gi.

WENÉNÉ LÉ LUK A GYE (Évangile selon Luc) 11:15

Naa, mi kenu léé: Yonufaatagɔné Béɛlzébul lé plɛplɛ nya lé éé yonu sié munu gi.

WENÉNÉ LÉ LUK A GYE (Évangile selon Luc) 11:18

Ka léé, Béɛlzébul lé plɛplɛ nya lé maa yonu sié munu gi, ’naan, dé Satan kini ékema é ziin, alé tɛrɛ é dan vo lɛ ana kaa?

WENÉNÉ LÉ LUK A GYE (Évangile selon Luc) 11:19

Yé dé maa yonu si munu gi Béɛlzébul lé plɛplɛ nya, ka benu ’wozé sié munu gi de ɛ lé plɛplɛ nyaa? Amalé ka benu é dan kɛlɛ lɛ kalé weblezannu nya.

WENÉNÉ LE JAN A GYE (Évangile selon Jean) 10:20

Wo va mi kiɛre léé: Yo a a gi; gwe a a ’wuo gi; mɛmalé ka tɔné dɔa a lɛɛ?

WENÉNÉ LE JAN A GYE (Évangile selon Jean) 7:20

Mi gu lé a lɛ léé: Yo a i gi. Mi kyɛn ɛ ke kwa kulina léé, ’é i gyaa?

WENÉNÉ LE JAN A GYE (Évangile selon Jean) 8:48

Juifinu lé a lɛ léé: Dé ko a fe léé, bii a Samari mi nya yé yo a i gi, ’té ko ’ka wezen fe lɛ loo?

WENÉNÉ LE JAN A GYE (Évangile selon Jean) 8:52

Juifinu lé a lɛ léé: Sin, ko a gi dɔɔ léé, yo a i gi. Abraam ga, yé balelayemunu ga é ziin, yé bii léé, dé mian tawo ’é dére ta, ’bɛzan ’ka dan ga lɛ monomono loo?