Matio 10:23 - Kazambale lé Sebe Sauunu 1979

²³ Dé wo nyané pa ka ta fla do ta, ’ka fwi ana yé ’ka go fla bɛ la. Maa lé ka lɛ webozen nya léé, ka giéle Izraɛl lé flanu la lɛ ’ka dan sɔɔ lɛ lo, ’té maa blami Be da.

Matio 10:23 ပူးပေါင်းရင်းမြစ်များ

Jérémi 26:21

Minwiinzan blɛn Jojakim koo, a va nyanazannu koo, ana mi segelenu faa koo, wo a dérenu ’ma, yé minwiinzan blɛn vo kwa kulina léé, ’é a gya. Wa fe Uri lɛ, yé é kana. É vɔ fli gi yé é go Éjipiti tɛrɛ la.

Matio 16:27

Maa blami Be, an dan da lɛ an Ti lé fua tɔbɔle nya, é valé alé lanjenu nya, yé maa dan mi faa gooli pa lɛ do do wo kɛlɛwenu yɛrama.

Matio 16:28

Maa a fe ka lɛ webozen nya léé: Munu lé wo ke ’ko, wo va mi kenu ’ka dan ga lɛ lo fɔɔ yé wo maa blami Be ye dana plale munu nwiin we ma.

Matio 2:13

Wo go aan wo, bé ye, Mizambale lé lanje do bɔra Jozɛfu va nyɛ fla, yé é léé: ’I nwa. ’I né kiéné valé é bu si, yé ’i go vlan nya Éjipiti tɛrɛ la. ’I vo ana mi fɔɔ yé maa i laa. Érɔd é dan né kiéné gini lɛ, a gyɛle we gi.

Matio 23:34

Bɛwemalé, balelayezannu koo, wedɔɔzannu koo, sɛbɛgifemunu koo, maa wo paan ka lɛ zia. Ka dan wo va mi kenu gyɛ lɛ, ka dan wo va mi kenu gyɛ lɛ yili la, ka dan a kenu bla lɛ plén nya kalé bazorokɔnnu gi, yé ka dan nyané pa lɛ wo ta yé wo ’ka dan flinna ye lɛ ka lee fla do kpen ta lo,

Matio 23:36

Wo dan ’bɛ wenu faa dɔ lɛ bléyi ’ko vamunu nwiin. Maa fe ka lɛ.

Matio 24:27

Naa, fɛan zo lé lɛɛ yuɛwuovɔle éé sian yirinwanazia yé wa yé fɔɔ yirivɔnazia, a zo duo lé maa blami Be dale ke.

Matio 24:30

’Bɛ zuo maa blami Be zé tɔmase é dan bɔra lɛ la gi, yé tɛrɛ la bɛnnu faa é dan wuvɔ lɛ yé wo dan maa blami Be ye lɛ dana latinu ta plɛplɛ valé fua blɛn tagɔɔnle nya.

Matio 24:34

Maa lé ka lɛ webozen nya léé, ’bɛ bléyi vamunu ’ka dan ga lɛ we ’konu faa bɔle ’lɛ lo.

Matio 24:48

Naa, dé a leezan a mi naané nya yé é lé é bli gi léé: Anzan a mɔnna;

Matio 25:13

Ka ’ka lesizan dabléyi valé a dayi dɔɔa lo, bɛwemalé ’ka vo é yuɛma.

Matio 26:64

Jézu a zi pa a lɛ léé: Yee lé bé fe bɛ. ’Bɛ ta loru, maa lé ka lɛ léé, é sia bléyi ’ko va, ka dan maa blami Be ye lɛ é nyanale Plɛplɛzan Bale bɛyilazia, yé ka dan an ye lɛ dana latinu ta.

Matio 4:12

Jézu a ’ma aan wo léé, wo Jan vɔ bokɔn gi, é go Galilé tɛrɛ la.

Maak 13:26

’Bɛ zuo munu é dan maa blami Be ye lɛ dana latinu ta, plɛplɛ blɛn valé fua tagɔɔnle nya.

WENÉNÉ LÉ LUK A GYE (Évangile selon Luc) 18:8

Maa lé ka lɛ léé, é dan ’bɛnu lé we ble lɛ é kele. Naa, dé maa blami Be da, dé an dan bɔ lɛ blipamunu ma tɛrɛ laa?

WENÉNÉ LÉ LUK A GYE (Évangile selon Luc) 21:27

’Bɛ zuo wo dan maa blami Be ye lɛ dana lati ta plɛplɛ valé fua blɛn tagɔɔnle nya.

WENÉNÉ LE JAN A GYE (Évangile selon Jean) 7:1

’Bɛ zuo, Jézu gié Galilé tɛrɛ la. É ’ka sɔ lɛ a lɛ léé, é gié Judé tɛrɛ la lo, ’bɛna Juifinu a kwa kulina léé, ’wa gya, azama.

Kelewenu 17:10

É béli tɔɔn yé bwenu Pɔl valé Silas pa zia Béré. Dé ’bɛnu bɔ ’bɛna wo go Juifinu lé bazorokɔn gi.

Kelewenu 17:14

’Bɛna tɔɔn bwenu Pɔl pa zia wɛyi mazia, yé Silas valé Timoté vo Béré.

Kelewenu 20:1

Fla bɔgyɛwe nyaale zuo Pɔl Jézu zuomunu zén ékeva. Dé é nyaa we plale nya wo lɛ faa, é wo yai vɔ, yé é si wo va yé é go Masédɔane tɛrɛ la.

Kelewenu 8:1

Étiɛne gyɛle sɔ Sɔl lɛ. A yi duo nya wo nyané pa Jérusalɛm léglizigimunu ta é baba, yé wo faa nwɛɛn Judé tɛrɛ valé Samari tɛrɛ la. Nwunvɔzannu saa ɛ vo Jérusalɛm.