Matio 10:22 - Kazambale lé Sebe Sauunu 1979

²² An tɔ lé we ma lé munu faa é dan ka za pa lɛ. Naa, mian éé yara paan anlé we kɛlɛle ta fɔɔ yé ’é bɔ a ’wuoplana ’bɛzan é dan si lɛ we gi.

Matio 10:22 ပူးပေါင်းရင်းမြစ်များ

Wegɔnévɔlenu 29:27

Mi ple a bélé bo zo mi tegelenu yuɛ gi, yé mi lé alé zi ke é drɔle é a bélé bo zo mi naanénu yuɛ gi.

Matio 10:39

Mian é ’élé tɛrɛla kɛlɛ blɛn, é dan vuru lɛ a gi, yé mian é vuru we faa gi anlé we ma, ’bɛzan é dan ’ézé ye lɛ é ziin.

Matio 24:13

Naa, mian éé yara paan anlé we kɛlɛle ta fɔɔ yé é bɔ a ’wuo plana, ’bɛzan é dan si lɛ we gi.

Matio 24:9

Yé wo dan ka pa lɛ munu lee, yé wo dan kle pa lɛ ka ta, yé wo dan ka gyɛ lɛ, yé an tɔ lé we ma lé bɛnnu faa é dan ka za pa lɛ.

Matio 5:11

Dé wo ka sɔnɔ anlé we maoo, dé wo kle pa ka ta anlé we maoo, dé wo ka tɔ sɛrɛ bɛ faa ma anlé we maoo, ka a bɛan ’bɛ gi bɛ, ’bɛ a é zima kazé nya.

Maak 13:13

An tɔ lé we ma lé munu faa é dan ka za pa lɛ. Naa, mian éé yara paan anlé we kɛlɛle ta fɔɔ yé é bɔ a ’wuoplana, ’bɛzan é dan si lɛ we gi.

WENÉNÉ LÉ LUK A GYE (Évangile selon Luc) 21:17

An tɔ lé we ma lé munu faa é dan ka za pa lɛ.

WENÉNÉ LÉ LUK A GYE (Évangile selon Luc) 21:19

ka dan ka boennu si lɛ we gi kalé yarapalale nya.

WENÉNÉ LÉ LUK A GYE (Évangile selon Luc) 6:22

Dé wo ka za paoo, dé wo ka bin?-?oo, dé wo ka sɔnɔoo, dé wo sɔn vɔ ka tɔ ma fɛ naané zo‐oo, maa blami Be lé we ma, ka a bɛan gi bɛ, ’bɛ a é zima kazé nya.

WENÉNÉ LÉ LUK A GYE (Évangile selon Luc) 8:15

Yee lé é dia tɛrɛ zima ta, wa munu lé woo dére maan bli tegele valé bli zin nya, wo nya, yé éé voo wo gi, ’té wo wɔlɛ éé baan yarapalale nya.

WENÉNÉ LE JAN A GYE (Évangile selon Jean) 17:14

Wo ’ka tɛrɛlamunu nya lo, bélé fɛan zo lé maa ’ka tɛrɛlami nya lo, a zo, bɛwemalé dé maa i dére fe wo lɛ, wo za a tɛrɛlamunu gi.

WENÉNÉ LE JAN A GYE (Évangile selon Jean) 7:7

Tɛrɛlamunu ’ka bɔa ka za pale lɛ lo. Maa wo ma we fe léé, wo kɛlɛwenu a é naané, amalé an za a wo gi.

Kelewenu 9:16

É dan nyané ble lɛ an tɔ ma fɛan zo, maa dan ’bɛ gɔɔn lɛ a lɛ.

Rom munu 2:7

munu lé wo ke fuasan koo, tɔbɔle koo, vole é yuɛma koo, wo naginina yara pale wezin kɛlɛle ta nya bɛ, vole é yuɛma lé a glɛ ’ka lo, Kazambale a tadɔ wozé nya;

2 Korɛnt Munu 4:11

Naa, ko lé ko ke é yuɛma, ko a yifaama é nɔle gale lɛ Jézu lé we ma, Jézu lé bélile nagɔɔnle kolé gakɔlɛ gi we ma.

Galasi munu 6:9

Té kaa wɔlɛgi é nyaan kaa ma wezin kɛlɛle nya lo; naa, dé a bléyi bɔ, kaa dan a tɔnɔ ye lɛ, ’té dé kaa fuu ’ka si lɛ kaa ta lo.

Ébrunu 3:14

Kaa bli a Kazambale lɛ é vinin fɛan zo, dé kaa bli vo a lɛ ’bɛ zo fɔɔ yé kaa bɔ a ’wuoplana, ’té kaa a Krist gizannu nya.

Ébrunu 6:11

É sɔ ko lɛ léé, ka faa ’é vo a kɛlɛna ka sɔbɛla nya fɔɔ yé we lé ka bli ke a lɛ, yé ka a ye.

SEBE LÉ JAK A GYE (Épitre de Jacques) 1:12

Mian éé dɔa é gidanwenu wuo bli tiéé nya, azé a néné. Naa, a gi danle zuo, wo dan vole é yuɛma nɔ lɛ a lɛ bélé tɔkoro zo; tɔkoro lé Mizan a ma blivolɛdére fe munu lé, Mizan sɔ wo lɛ, wo lɛ bɛ, wo dan a nɔ lɛ a lɛ.

1 Jan 3:13

An zuanénu, dé ka za a tɛrɛlamunu gi, té ka gi é vuru ’bɛ ma lo.

Wegɔɔnle 2:10

Nyané lé i dan a ble lɛ, té i kana a blele ma lo. Bé ye, yonufaatagɔné é dan ka va mi kenu vɔ lɛ bokɔn gi ka gi danle we ma, yé ka dan nyané ble lɛ yi vu. ’I yara pa a ta fɔɔ yé i gayi é bɔ, yé maa dan vole é yuɛma nɔ lɛ i lɛ ilé tɔkoro nya.

Wegɔɔnle 2:17

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian we ’ko ’wuo é vo a lɛ, maa dan mana yɔɔle nɔ lɛ a lɛ, yé maa dan gɔlɛ fu nɔ lɛ a lɛ; ’té tɔ dɛrɛ a é gyɛle gɔlɛ ’ko ta, mi do ’ka a dɔɔa lo, ’té dé é ’ka mian wa nɔ a lɛ, a nya lo.

Wegɔɔnle 2:26

Mian we ’ko ’wuo vo a lɛ, ’té éé yara paan anlé we kɛlɛle ta fɔɔ yé é bɔ a ’wuoplana, maa dan a pla lɛ bɛnnu nwiin.

Wegɔɔnle 2:3

I yara a é pale we la yé i nyané ble an tɔ ma yé i wɔlɛ gi ’ka nyaa lɛ i ma lo. Maa ’bɛ faa gi dɔɔ.

Wegɔɔnle 2:7

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian a ’wuo é vo a lɛ, mibéliyili lé é ke Kazambale lé fɛna paradi, maa dan a poro nɔ lɛ a lɛ blefɛ nya.

Wegɔɔnle 3:21

Mian we ’ko ’wuo vo a lɛ, ko dan nyana lɛ a nya anlé webleblin ta, bélé fɛan zo lé a ’wuo vo an lɛ yé an Ti an nyana ’é va élé webleblin ta, a zo.