Matio 1:20 - Kazambale lé Sebe Sauunu 1979

²⁰ É a é gi bɔrɔna we ’ko ma aan wo, Mizambale lé lanje do bɔra a va nyɛ fla yé é léé: David gɔnɔlazan Jozɛfu, té i kana i bwɛ Mari sile ma lo, naa, né lé é a bɔn si bɛ, é si Léli Sauun va.

Matio 1:20 ပူးပေါင်းရင်းမြစ်များ

Wepélisiananu 31:11

Yé Kazambale lé lanje we fe maa lɛ nyɛ fla yé é léé: Jakɔb. Maa léé: Maa lo.

Wepélisiananu 46:3

Yé Kazambale léé: Maa a Kazambale nya; i ti lé Bale lé maa nya. Té i kana gole ma Éjipiti tɛrɛ la lo, naa, ’bɛna lé maa dan i kɛlɛ lɛ bɛn blɛn nya.

1 Minwiinzannu 17:13

Éli lé a lɛ léé: Té i kana lo, ’i go, bé fe fɛan zo bɛ, bé kɛlɛ. Naa, ’i anzé buru sɛné kɛlɛ é vinin yé ’i da a nya an lɛ, ’bɛ zuo i dan bii valé i be zé kɛlɛ lɛ.

1 Minwiinzannu 3:5

Gakelebale da Salomɔn va nyɛ fla é béli Gabaɔn, yé Bale lé a lɛ léé: Wean sɔ i lɛ léé, maa a kɛlɛ i lɛ, bé laa an lee.

Lɛrɛvɔ Sɛbɛ 119:125

Maa a i wuozan nya; ’i gikinile nɔ an lɛ, Ilé wepladérenu dɔɔle we gi.

Lɛrɛvɔ Sɛbɛ 143:8

Maa ilé zin zuo ’ma bladi ma. Naa, maa a pale bii ɛ ta. Zi lé é a lé an tawo a ta, bé nagɔɔn an lɛ ma, Naa, an bɔn‐in bɔrɔle faa a i vazia.

Lɛrɛvɔ Sɛbɛ 94:19

Dé gibɔrɔle kiɛre da an ’wuo gi, ’Té i an tɔrɔ paan yé an gi éé nanaan.

Wegɔnévɔlenu 12:5

Mi tegelenu gibɔrɔmawenu a we drɔle saa nya; mi naanénu ’wuogibɔrɔmawenu a dabli saa nya.

Ézai 26:3

Mi lé a bli ta ke plɛplɛ, I vole drɔɔ nɔ a lɛ. É pa bii ɛ ta, amalé é dan vo lɛ drɔɔ.

Ézai 30:21

Dé ka nɔla ka bɛyilaziaoo, dé ka nɔla ka bɛbolaziaoo, dére do é dan we lɛ ka zuo, ’té ka a maan, a fele nya léé: Zi lé ke ’ko, ’ka tawo yee zi ’ko ɛ ta.

Ézai 51:7

Ka lé ka wetegele dɔɔ, ’ka tɔné dɔ an lɛ; ’Kaa munu lé anlé bélidɔwe ke ka bli gi, ’ka tɔné dɔ an lɛ. Dé munu serele bo ka ma, té ’bɛ é kana zén ka gi lo, Dé wo ka sɔnɔ, té ’bɛ é gligli zén ka gi lo.

Ézai 7:13

Naa, Ézai léé: ’Kaa David gɔnɔlazannu lé ka ke minwiinzannu nya, ’ka tɔné dɔ. Dé ka munu wɔlɛ gi nyaa ’wo ma, ’bɛ ’ka kazé bɔa loo? É a lé ka anlé Bale wɔlɛ gi nyaa é ziin?

Ézai 7:2

Munu da a fe lɛ David kulunu lɛ léé: Siri sunyanu ’wolé sɔkɔnnu dɔ Éfraim tɛrɛ la. Yé Akaz valé élé munu bli nano wo gi bélé fu éé pɔrɔ gi yilinu manyɔɔn‐an fɛan zo, a zo.

Jérémi 31:22

Bii blɛnzan lé i si zi zima ta, I dn si lɛ ilé saanzi ta mɛ yi laa? Naa, Gkelebale we dɛrɛ kɛlɛ tɛrɛ la; Le é dan é zana fɛɛ bo lɛ.

Jérémi 33:26

’té an dan sɔn vɔ lɛ Jakɔb valé an wuozan David kulunu ma, yé munu lé wo dan pla lɛ Abraam koo, Izak koo, Jakɔb koo, wo kulunu nwiin, maa ’ka dan wo si lɛ David kulunu va lo. Naa, maa dan da lɛ wolé luugimunu nya wo pa gi, yé an nyanai é dan zén lɛ wo ta, azama.

Jérémi 40:9

Safan be Asikam be Gédalia bale ’nyɔɔn wo lɛ yé é léé: ’Ka pla Kaldé munu wuo, té ka kana lo; ’ka nyana tɛrɛ ’ko la, yé ’ka vo Babilɔn nwiinzan blɛn wuo, yé ka dan zin ye lɛ.

Joɛl 2:28

’Bɛ zuo, an dan an Léli zén lɛ mi faa ta; Ka benu valé ka lunu é dan balelawe fe lɛ, Kalé mi kwanu é dan nyɛ gyɛ lɛ, Yé kalé pɛniɛnu wo dan wenu ye lɛ yuɛzi gi.

Mi Nɔnɔle 12:6

Yé é léé: ’Ka tɔné dɔ an dére lɛ é zima. Dé balelayezan kɛlɛ ka méléna, maa, Gakelebale, maa dan anbozen nagɔɔn lɛ ’bɛzan lɛ yuɛzi gi, maa dan we fe lɛ a lɛ nyɛ fla.

Matio 1:18

Jézu Krist yaale a ’ko zo: A bu Mari lé, Jozɛfu a pu dɔ, ’té é ’ka tan a si lɛ lo, yé é bɔn si Léli Sauun lé plɛplɛ nya.

Matio 2:12

’Bɛ zuo, Bale a fe wo lɛ nyɛ fla léé, té wo gié Érɔd vazia é ziin lo. Yé wo gié zi bɛ ’léé, yé wo go ’wolé fla.

Matio 2:13

Wo go aan wo, bé ye, Mizambale lé lanje do bɔra Jozɛfu va nyɛ fla, yé é léé: ’I nwa. ’I né kiéné valé é bu si, yé ’i go vlan nya Éjipiti tɛrɛ la. ’I vo ana mi fɔɔ yé maa i laa. Érɔd é dan né kiéné gini lɛ, a gyɛle we gi.

Matio 2:19

Érɔd ga aan wo, Mizambale lé lanje do bɔra Jozɛfu va nyɛ fla Éjipiti tɛrɛ la,

Matio 2:22

Naa, é a ’ma aan wo léé, Akélaus a é plale Judé munu nwiin é ti Érɔd pa gi, yé é kana gole ma ’bɛna, naa, Bale a bɔn‐in kini nyɛ fla yé é go Galilé tɛrɛ la,

Matio 27:19

É a é nyanale fɛana lé woo we blé, ana, yé a na we do pa a lɛ zia léé: Té i wɔra mi tegele ’ko lé we gi lo. Kyɔ an nyané ble é baba nyɛ fla alé we ma.

Matio 28:5

Lanje lé lomu lɛ léé: Té ka kana lo, naa, maa a gi dɔɔ léé, Jézu lé wa gyɛ yili ta, ka a a naginina.

WENÉNÉ LÉ LUK A GYE (Évangile selon Luc) 1:19

Lanje lé a lɛ léé: Maa ɛ ke Gabriɛl nya. Maa dɔa Kazambale ’lɛ; Bale an pa zia wefele i lɛ we gi, é valé wenéné ’ko fele i lɛ we ma.

WENÉNÉ LÉ LUK A GYE (Évangile selon Luc) 2:4

Jozɛfu a David kululazan nya David lé kɔn gi, amalé é si Galilé tɛrɛ la, fla lé wa laama Nazarɛt, a ta, yé é go Judé tɛrɛ la David lé fla lé wa laama Bɛtléɛm, a ta, é tɔ gyɛle we gi,

Kelewenu 5:19

Naa, Mizambale lé lanje do bokɔn lɛ so é béli, yé é ’bɛnu bɔra yé é lé wo lɛ léé:

Wegɔɔnle 19:7

Kaa gi ’é nana ma, yé kaa vo gi nanale blɛn gi ma, kaa a tɔ bɔ ma; naa, Blané lé lesile bɔ yé a na ma’lɛrɛle nyaa,

Weblezannu 13:3

Gakelebale lé lanje do bɔra lezan va yé é lé a lɛ léé: Bé ye, bii a sɔnzan nya yé ilé né ’ka lo; i dan bɔn si lɛ yé i dan né yaa lɛ gɔné nya.